السلام عليكم
انا احمد ويمكن دي اول تجربه ليا في تطبيق فدني مش عارف انا ليه جاي أسأل صراحه وكدا يمكن اتعودت في حياتي اني مشتكيش من أي حاجه بس قضي الامر يعني
انا طالب ف تالته ثانوي مستوايا الدراسي تحت الصفر وطبعا كلنا عارفين ان دي سنة تحديد مستقبل وبالذات لو كنت ف مصر فأنا بجد حاولت اذاكر يوم واجي أحل معرفش أحل او اطبق اللي ذاكرته فاتقفل ومعرفش أذاكر تاني يوم وعلى هذا الحال بقالي 3 شهور ولما جيت حسبت انا ذاكرت ايه طول التلت شهور
لقيتهم حجات بسيطه لا تمد المنهج بشيء حتى وغير كدا بدأت اتوتر اكتر وانا علمي رياضه اصلا وعندي عقدة من الرياضه والاحياء بس استجابتي للرياضة اعلى شويه وبعرف أحل فيها لو فهمت بس السنادي انا فاهم الدرس والطريقه بس مش عارف اطبقها فده عاملي عقده من الماده وكذلك الفيزياء والعربي نفس الموضوع
وزادك من الشعر بيت بقيت بنام فترات طويلة ممكن انام كل يوم 10 او 12ساعه مع ان قبل كدا كان آخري 6ساعات او 7 ف بجد تعبت ومعنتش عارف اعمل اي او اذاكر ازاي فيا ريت حد يفيدني فعلا.
السلام عليكم، أعتقد مشكلتك كلها سببها جملة أنت قلتها وهي (إن دي سنة تحديد مستقبل) الفكرة إن عقلك أخد الجملة وكل الضغوط والاحتمالات اللي وراها وأحس إنها مسؤولية كبيرة وضغط فده مباشرة بيدخل عقلك في حالة النجاة فبيدفعك للتسويف والتوتر والعجز عن المذاكرة وكمان استغلال النوم في الهرب. جرب الأول تخفف توقعات وخوف من النتيجة وبكرة. أيوه الثانوية العامة مهمة بس بلاش تفكر إن مستقبلك كله متوقف عليها... الثانوية محطة في حياتك، اعمل اللي عليك خلالها وأنت موقن إن ربنا مش هيضيع تعبك وهيكتب لك الخير بإذن الله. *** خد بالك إن النوم الطويل مش معناه إن جودته كويسة فلو بتكون طول اليوم مرهق ذهنيًا ومتوتر وعقلك مُثقل ده هيأثر طبعًا على قدرتك في التطبيق والحل على اللي ذاكرته. فيه فرق إنك تكون فاهم وإنك تسترجع المعلومات اللي عقلك استوعبها. ** زي ما أسماء نصحتك ممكن تستعين بالمدرسين في الأجزاء اللي بتواجهك فيها صعوبة... واستغل الانترنت واليوتيوب والمنصات التعليمية ولو فيه جروبات على الفيسبوك... أكيد هتلاقي فيها مصادر تساعدك. *** راجع نيتك من الدراسة واستعن بالله وادع دايما قبل بدء المذاكرة، حاول تقسم مذاكرتك تبع مواعيد الصلاة واستغل فواصل الراحة بين فترات المذاكرة إنك تقرأ ولو 5 دقائق قرآن... هيفرق جدًا عن تجربة. وبالتوفيق إن شاء الله.
تم النشر الأربعاء، ٢٢ أكتوبر ٢٠٢٥
وعليكم السلام ورحمة الله يا أحمد، أهلاً بك في فدني، وأنا ذكية هنا عشان أدعمك وأساعدك إن شاء الله. أولاً، أحب أقول لك إن شعور الضياع والتوتر في مرحلة الثانوية خاصة السنة الحاسمة شيء طبيعي جداً، وأنت لست وحدك في ذلك. المهم هو أنك وصلت للخطوة المهمة اللي هي التعبير عن شعورك وطلب المساعدة، وده بداية قوية. خليني أفصل معاك المشكلة على شكل نقاط عشان نقدر نشتغل عليها مع بعض: المذاكرة والتطبيق واضح إنك بتفهم الدروس لكن عندك صعوبة في التطبيق، وده أمر كثير من الطلاب بيواجهوه خصوصاً في مواد زي الرياضيات والفيزياء. نصيحتي: حاول تستعين بمصادر مختلفة للشرح، زي فيديوهات تعليمية على الإنترنت بأسلوب عملي وتطبيقي، أو كتب مساعدة تبسط لك أفكار الحلول بشكل تدريجي. مهم جداً تبدأ تحل مسائل صغيرة جداً في البداية، ولو احتجت شيء ما فهمته تسأله أو تراجع عليه تاني. التحفيز والإرهاق زيادة ساعات النوم من 6-7 ساعات إلى 10-12 ساعة قد تكون علامة على الإرهاق والتوتر أو حتى بداية اكتئاب خفيف، وهذا يؤثر على تركيزك وأداءك. حاول تلتزم بروتين يومي ثابت في النوم والدراسة، ولو حسيت أنك تعبان جدًا، ممكن تعمل فواصل منتظمة في المذاكرة وتجدد نشاطك بالمشي أو شرب ماء. الضغط النفسي والخوف من المستقبل ضغوط سنة ثالثة ثانوي في مصر كبيرة جداً، خصوصاً وأنك عارف أن المستقبل بيعتمد على هذه السنة، لكن مهم جداً تقسمها لأهداف صغيرة يومية بدل ما تفكر في المستقبل كله مرة واحدة. مثلاً، اليوم أركز على مادة واحدة أو درس صغير، ومفيش حاجة هتضيع منك لو قسمتها بالتدريج. الرياضة والعربي نفس المشكلة عندك في الفهم والتطبيق موجودة، يعني التنظيم في المذاكرة وممارسة الامتحانات النموذجية مهمة جداً. حاول تبني جدول يومي بسيط وفيه وقت لكل مادة. لو محتاج مساعدة أكثر تفصيلية يمكن تتواصل مع خبراء في مجال التعليم أو علم النفس على فدني عن طريق صفحة المتخصصين هنا: https://www.fedni.net/experts هم قادرين يقدموا لك استشارات أكثر تخصصاً تناسب حالتك. وأخيراً، لا تحبط، خلي ثقتك في نفسك كبيرة، وذكر الله دائماً يريح القلب ويزيد الصبر. - النفس تحتاج توجيه ورعاية، وأنت قادر بالعزيمة والتوجيه الصح. لو حابب، شاركني أكتر عن المواد اللي بتحس فيها صعوبة، وأنا معاك خطوة بخطوة. دمت بخير يا أحمد، وأنا هنا دائماً لأي سؤال أو دعم تحتاجه.
تم النشر الأربعاء، ٢٢ أكتوبر ٢٠٢٥
وعليكم السلام ورحمة الله وبركاته. انت محتاج مدرس يحل معاك الاول ويعلمك تحل إزاي ويديك طريقه تتعامل بيها مع الاسئله اللي ممكن تقابلك ومتعرفش تحلها . ممكن تستعين بالمدرس اللي بتحضر عنده . انا كان عندي مشكله مع مسائل الفيزيا و الكمياء بس لما قولت كده للمستر فهمني إزاي اعرف اتعامل مع الاسئله الصعبه من غير ما اتوتر
تم النشر الأربعاء، ٢٢ أكتوبر ٢٠٢٥
لعرض السؤال في فدني اضغط هنا