السلام عليكم، هو اصلا الصراع الي عم تعيشيه بين الرغبة بالموت ورفضها دليل على انه قلبك الحمد لله بخير لإنك بتخشي الله سبحانه وتعالى، الأوقات الي بتمرق على الانسان مش دائما بتكون كلها سعادة ومعنويات عالية؛ بس لازم نحاول دائما ونستعين بالله... بدي احكيلك إياها باختصار، هدول الأمرين بيشرحو الصدر وبيغيرولك حياتك اذا التزمتي فيهن، واذا تركتيهن اكيد رح تحسي بفرق ونقص: ١. ذكر الله: بالاضافة للفروض طبعا، ذكر الله كثيرا، استغفار تسبيح صلاة على النبي(اللهم صلّ وسلم على نبيّنا محمد) ٢ . برّ الوالدين: أمك مش انسان عادي، مش مجرد صديقتك أو زميلتك، تعاملك مع امك لازم يكون غير، امك الها احترامها؛ من طريقة الكلام والمساعدة بأعمال المنزل، مش لازم تشكي قبال أمك ، لانه هاد من العقوق والله أعلم، لازم تتذكري انه رضى الله من رضى الوالدين، وتتذكري كمان مرة امك مش مجرد زميلة او شخص عادي، تعاملك معها لازم يكون غير، ما في اشي اسمو جدالات مع امي، الله سبحانه وتعالى يقول في سورة لقمان: وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ وَاتَّبِعْ سَبِيلَ مَنْ أَنَابَ إِلَيَّ ۚ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ (15) حتى لو كانت كافرة! ممنوع التعامل يكون معها بخناق... لو بتترجيها انها ترضى عنك؛ حتى لو اعطيتيها كل اشي بتملكيه بس عشان ترضى عنك ، اعطيها! واسألي الي فقدو امهاتهن شو بتتمنو تعملو لو بترجع امك للحياة؟ يمكن معظمهن يقلك بترك كل حياتي وبخدمها... تصليحك للأمرين الي ذكرتهن بيطلعك باللي انت فيه بإذن الله. الله يوفقك
لعرض الإجابة في فدني اضغط هنا