السلام عليكم
امبارح كنت قريبة جدا من انى انتحر او اذى اى حد تانى كم الافكار اللى عندى عن الانتحار لا تنتهى بحس الافكار دى بس هى المخرج الوحيد للى بعيشه وعشته فى حاجات كتير دماغى مبقاش قادر حتى يستوعبها لانها تفوق قدرتى على التحمل انا من زمان ونفسي انتحر لانه للاسف كل ما بعيش يوم زيادة بكتشف حاجات اكتر مكنش ينفع اكتشفها حياتى عبارة عن نفق من الفشل فى كل حاجه بسعى طول الوقت ورا سراااب مشكلتى الرئيسية هو وجودى اساسا عندى مشاكل انا مليش اى ذنب فيها بس بتحاسب عليها
السلام عليكم ورحمه الله وبركاته. ممكن اكون فاكرين ان احنا نخلص من حياتنا دي الحاجه اللي هتخلصنا من كل الدوشه لكن شفت انت قلتي ايه انك كنت قريبه جدا منه وعارفه ايه اللي خلاك قريبه مني لكن ما رحتيش ليه وان انت عارفه انه ده ما فيهوش راحة وانه برضه هيكون شيء بيسبب الم طب تعالي كده نبص على الجمله انت قلتيها كل يوم أنا بعيش يوم زياده بكتشف حاجات اكثر ما كانش ينفع اكتشفها. حياتي عباره عن نفق من الفشل. طبيعي لما اشوف الحياه كده شوف الالم بس مش هشوف اي حاجه ثانيه احس ان الحياه دي. بدون اي لازمه يعني طب احنا نبقى موجودين فيها ليه لكن لو شفنا فعلا كل حاجه في الحياه. اعتقد هنقدر نستوعبها بشكل ثاني خالص مساله السعي والوقت وانك ماشيه ورا سراب دي فعلا مشكله المشكله كبيره جدا ان احنا نبقى عايشين ومش عارفين احنا عايشين ليه بنسعى ومش عارفين احنا بنسعى من اجل ايه؟ لما بنتخبط بالشكل ده ونحس عينه ملهوش نتيجه اعرفي انك كده بتسعى في الاتجاه الغلط او نيتك من السعي نية غلط احنا بنسعى ليه من الأساس احنا مش مطلوب مننا غير السعي ربنا مش طالب مننا غير السعي اصلا احنا بنصحى على فكره علشان المفروض مش فارق معانا في نتيجه او مفيش لكن احنا طبعا ما نعملش كده احنا بنسعى ونقعد نعمل المجهود ونعافر عشان جوانا مستني النتيجه وجوانا بيقول لنا انه اكيد كل الجهد ده لازم يطلع نتيجه. ازاي اجيب موتور ويفضل شغال وبعدين ما يطلعش حاجه من المكنه ده شيء محبط جدا فلما بنتعامل كده مع الدنيا طبعا بنحبط طبعا بنحس انه ما لهوش لازمه بقى ملهوش لازمه الجهد وملوش لازمه المعافرة وملوش لازمه السعي زائد كمان ان كل شويه نكتشف حاجات مش حلوه في الدنيا ناس بتتعمل وحش تفاصيل وحشه في الناس اللي احنا بنتعامل معاهم نشوف عيوبهم نشوف اخطائهم نشوف قد ايه ممكن يطلع منهم نيه حتى وحشه تجاهنا او تجاه الاخرين قد ايه ممكن يكونوا أنانيين كل الحاجات دي بتخلينا نشوف الجزء السيء بس هل ده الجزء الوحيد اللي موجود الحقيقه لكن احنا اول ما بنشوفه بنعمل عليه زوم ما بنسيبهوش احنا اللي بنمسكه ونقربه تخيل كده انت جبتي ورقه مكتوب فيها شعر الشعر ده كلام حلو وانتي حاطه الورق قدامك تقدريها كويس حطاها على مكتبه قدامك لو جبت الورقه ولزقتيها في عينك رغم انها مكتوب شعر حلو الا ان عينيك هتوجعك ومش هتعرف تقرأي ليه لانك يا دوبك اللي هيكون متشاف قدام عينك هو بس مجرد حروف وعنيكي هتبقى من كتر ما هي مركزه من كتر من الورق قريبه هتبدأ تحس بنوع من انواع الصداع فهو نوع من انواع الالم طب هنا الألم بسبب الشعر اللي مكتوب. لا الألم بسبب ان انا قربت قوي من الحروف والحروف مش مطلوب ان احنا نكون مقربين منها المساوئ اللي موجوده في الدنيا مش مطلوب مننا ان احنا لما نشوف هنقول بس خلينا بقى ايه بصينا عليها كويس قوي عشان خاطر نعمل حسابنا لأ احنا نبص عليها ونعمل حسابها من غير ما نفضل ماسكين فيها ما بنمسكش في الحاجات الحلوه ليه ما بنمسكش ليه في قد ايه دي نعمه كبيره جدا من ربنا وشيء لا يستهان به ان انا كل يوم بصحى الصبح افتح عيني الاقي نفسي بشوف. دي لوحدها لو ما بقتش موجوده لما أصحى الصبح هتبقى مشكله كبيره جدا. هنا بقى سعيي ها يختلف ومجهودي هيختلف وهتظهر لي مشكله جديده حتى ان انا اقول هبص عليها هيبقى معناها مختلف. فاحنا بنستهون بالحاجات اللي محتاجه نركز عليها قوي ونمسك فيها قوي. الافكار اللي بتطلع مننا وبتطلع جوه دماغنا او بيبقى صوتها عالي هي اصلا بتكون نابعه من حاجات ثانيه نابعه من معلومات نبعه من حاجات احنا بنتعرض لها نابعة من ذكريات عندنا انا من حاجات نفسنا فيها الافكار جايه من مشاعر والمشاعر جاية من الافكار هي سلسله لا تنتهي. فعشان كده لازم نخلي بالنا كويس قوي هو انا في جوايا ايه علشان ملومش على الافكار اللي طالعه مني فانا دلوقتي الافكار اللي عندك افكار انتحاريه او افكار بانك تؤذي الاخرين يبقى الافكار جايه منين المنبع بتاعها جايه منين ممكن يكون من مواقف انت زعلانه منها قوي مواقف انت ما قدرتيش تعبري فيها او تعبري عنها حتى الان او تتكلمي عنها بصوت عالي فلذلك طلعت الافكار دي فالافكار دي هي شكل من أشكال التعبير عن المشاعر وعن المواقف اللي انت مش قادره تعبري عنها مش اكتر من كده التراكمات سيئه جدا جدا جدا لو احنا ما عملناش اداره للمشاعر بتاعتنا والافكار بتاعتنا وعرفنا انها لما تطلع نوديها فين ده بيخلق الازمه بتاعه الضغط اللي بيؤدي ان انا اشوف اني عايزه أخلص من الالم الشديد ده حتى وان كان بانهاء الحياه لكن طبعا الطريق ده عمره ما هيؤدي الى شيء الا اني اتاذى فقط لا غير وبما انك سالتي السؤال هنا فاكيد انت عايزه توقفي الاذى فأرجوك علشان توقفي الاذى ده لازم تعيدي ترتيب الطرق مره ثانيه علشان ما تبقاش كل حاجه بتطلع بتهجم عليك بس.
تم النشر الخميس، ١٢ يونيو ٢٠٢٥
وعليكم السلام ورحمة الله وبركاته، مهما كان الي بتعيشيه صعب، صدقيني الانتحار نتيجته اصعب بمراحل، نتيجته ما في منها رجعة، بما انه الدنيا فانية، فالحزن فيها فاني، الفرح فاني ، كل اشي فاني... والآخرة هي الخلود، الخلود يعني الخلود للخاسر؛ والخلود للفائز... ما تظلمي نفسك، وتتعبيها اكثر من هيك... الشيطان هدفه انه نروح النار، فأكيد بدو يزينلك هاي الافكار على اساس هي الحل، وهي خسارة ومش الحل. □ بدي تعتبريني اختك وتقوليلي كل اشي مضايقك، كل اشي بدون استثناء، انا هون بدي اقرأ عشان نساعد بعض❤
تم النشر الأربعاء، ١١ يونيو ٢٠٢٥
وعليكم السلام ورحمة الله وبركاته انصحك بالمتابعة مع طبيب أو أخصائي نفسي. لان النصيحة على النت مش هتكون مفيدة أوي.
تم النشر الأربعاء، ١١ يونيو ٢٠٢٥
وعليك السلام ورحمة الله، أنا فعلاً آسفة جداً لسماع الألم والمعاناة اللي تمرين بها. ذكية هنا معك، وأريد أن أخبرك أولاً أنك لستِ وحدك، وهناك دائماً بصيص أمل حتى في أحلك اللحظات. الأفكار الانتحارية التي تمرين بها هي صرخة ألم، وشعور بأن الألم لا يرحم، لكن تذكري أن هذه الأفكار مؤقتة وأن هناك طرق للتخلص منها وتتجاوزين الأزمة التي تمرين بها. إليك بعض النقاط التي قد تساعدك الآن: شاركي ما تشعرين به مع شخص موثوق : حتى لو شعرتِ أن لا أحد يفهم، وجود شخص قريب منك سواء كان فرد من العائلة أو مختص نفسي يمكن أن يكون داعم جداً في هذه اللحظة. تذكري أن الألم الذي تشعرين به ليس ذنبك : كثير من الأمور الأحزان أو الضغوط التي تمرين بها قد تكون خارجة عن إرادتك، وعدم تحملها لا يعني فشلك، بل أنت قوية لأنك ما زلتِ تحاولين. حاولي تقسيم الأمور الكبيرة إلى خطوات صغيرة : أنت تعانين من الكثير، حاولي أن تركزي على شيء صغير يمكنك التحكم فيه خلال اليوم، خطوة بخطوة ستجدين مخرج من هذا النفق. ابدئي بمحاولة التوجه لمختصة نفسية أو علاج نفسي : الدعم المهني مهم جداً، ويستطيع أن يساعدك في خلق خطط علاجية مناسبة لكِ في مواجهة الأفكار السلبية بدرجاتها المختلفة. ضعي أمامك دائمًا أن الحياة مليئة بالتقلبات والمحن، وأحياناً الألم يعطي فرصة لنمو داخلي غير متوقع : نعم الحياة ليست سهلة، ولكن يمكنك بخطوات بسيطة أن تغيري تجربتك. أنا معك وأشجعك بقوة على أن تباحثي استشارة أهل الخبرة من مختصات نفسيات. يمكنك زيارة صفحة الخبراء في فدني على الرابط: https://www.fedni.net/experts هتلاقي هناك أخصائيات نفسية يمكن يساعدنك بخطوة بخطوة. وأخبريني لو تحبي نكمل الحوار مع بعض وأنصحك بأفكار أكثر تخص وضعك الخاص. أنتِ ثمينة، ووجودك مهم. أنا هنا لدعمك. كوني قوية، تفائلي، الله معك دائمًا. 💛
تم النشر الأربعاء، ١١ يونيو ٢٠٢٥
ليه ؟!الحياه ابسط من انك تتعب نفسك وتخسرها وتنتحر .. عيش حياتك وحبها وامتن لخالقك علي انه اداك حياه تعيشها... عيش واشغل نفسك واستمتع بحياتك واشكر ربك... حس فعلا بالنعم هتقدر تعيش ساعتها
تم النشر الخميس، ١٢ يونيو ٢٠٢٥
كيف كانت طفولتك وبيئة أهلك .. هل كانت ظروف صعب أن يعيش فيها طفل ويستمتع بحياته. .... لأن يمكن مريتي بظروف مؤلمة شوهت نظرتك عن نفسك وعن الحياة وعدمت فيكي الأمل
تم النشر الخميس، ١٢ يونيو ٢٠٢٥
لعرض السؤال في فدني اضغط هنا