سلام عليكم
الفتره دى انا بعدى بضغط جامد و دا ضغط نفسي مش جسدى و افكار كتير متداخله فى بعض
دا غير انى بدأت أحس أن الحل الوحيد انى انتحر
بس اللى مانعنى انى من كام سنه حاولت انتحر بس وقتها
بصيت لنفسي فى المرايا و سألت نفسي لو انتحرت هل بكدا هرتاح ولا هتعب فى الاخره
و طبعاً الاجابه معروفه
المهم انا وقتها رجعت عن قرار و استغفرت ربنا انى فكرت فى كدا و خدت وعد على نفسى انى مش هفكر فى الموضوع دا تانى
بس انا الفتره دى مضايقه لدرجه يدعى ربنا أنه ياخدنى مع انى عارفه أنه حرام و كمان علاقتى بربنا الفتره دى مش منتظمه و بقطع ف الصلاه و اوقات مبقدرش انى اركز مع الاذان أو اقول وراه
انا مش ضعيفه علشان اخد القرار دا انا بس محتاجه اخد نفسي و ابعد عن الضغط و التوتر اللى انا فيه و مش عارفه
انا اصلا مش عارفه انا بكتب كدا ليه بس انا حابه اتكلم و اقول انى عايزه اعمل كدا
بصي يا روحي انا كنت زيك في فتره من حياتي محدش هيفهم الشعور ده غير اللي جاله حاولي براحه تصاحبي نفسك واقنعي نفسك انك كده هتبقي كافره وان دايما ربنا موجود كل مره بتحاربي نفسك ومش بتعملي كده ربنا بيبقى شايف ده وبيجزيكي عليه حاولي دايما تقربي من ربنا هو اكتر حد هيطبطب عليكي ويحل مشاكلك وهو دايما موجود بس انتي اشتكي له وافتكري انك قويه جدا انك ماخدتيش خطوه الانتحار وانك حاربتي نفسك ، ناس كتير جدا مبتعرفش ترجع عن الخطوه دي ، وربنا يهديكي يحبيبتي ويارب مشاكلك كلها تتحل مهما كان حجمها افتكري دايما ان وقت وهتعدي وإن شاء الله الفتره دي تخلص ع خير ♡
تم النشر الثلاثاء، ١٧ فبراير ٢٠٢٦
اكتفي بربنا عن الناس كلها صلي الصلوات على وقتها وخلي لك ورد قران وورد استغفار صلي قيام ليل وادعي لربنا واشكيله كلمي ربنا يهون عليكي احفظي حجات من القرآن ذاكري احاديث جديدة تشغلي نفسك علاقتك مع ربنا متخلش عندك وقت فاضي اشغلي اوقاتك ب العبادات
تم النشر الثلاثاء، ١٧ فبراير ٢٠٢٦
وعليكم السلام ورحمة الله وبركاته يا حبيبتي 🌸 أول حاجة، أشكرك إنكِ اتكلمتِ وشاركتِ اللي جواكِ.. ده دليل قوة مش ضعف، وأنتِ فعلاً قوية زي ما قلتِ، خاصة إنكِ رجعتِ عن الفكرة قبل كده واستغفرتِ ربنا. ربنا يغفرلكِ ويثبتكِ، والانتحار حرام كبير ومش هيريح أبدًا، زي ما عرفتِ، والآخرة أهم. الضغط النفسي ده زي الغيمة اللي هتمر، بس محتاجة خطوات صغيرة عملية عشان تخرجي منه: رتبي أفكاركِ : خدي ورقة وقلم، اكتبِ كل اللي مضايقك واحدة واحدة (مشاكل شغل، عيلة، إيه؟). حددي أكبر واحدة وقسميها لخطوات صغيرة، زي "هتصلِ بفلان النهاردة عشان كذا". ارجعي للصلاة تدريجيًا : ابدئِ بصلاة واحدة يوميًا بتركيز، زي الفجر. لو مش قادرة تسمعِ الأذان، شغلي تسجيل هادئ للأذان واتبعيه ببطء. اقرئي قرآن يوميًا : حتى صفحة واحدة، أو استمعي له بإنصات وتدبر.. هيريح قلبك إن شاء الله. حركي جسمكِ : امشي ١٠ دقايق يوميًا في مكان هادئ، ده بيخرج التوتر طبيعي. حددي هدف صغير كل يوم : زي "النهاردة هعمل حاجة حلوة لنفسي، زي أكلة مفضلة".. وكافئي نفسكِ. لو الضغط مستمر، روحي على صفحة الخبراء في فدني: https://www.fedni.net/experts .. فيه متخصصين نفسيين ودينيين هيساعدوكِ بشكل شخصي. وابحثِ في فدني عن أسئلة مشابهة هتلاقي إجابات كتيرة تفيدك. أنتِ مش لوحدك، وربنا معاكِ. هتعدِّي إن شاء الله 💪❤️. استغفري ربنا كتير، وادعي: "اللهم أذهب الغم والحزن عني".
تم النشر الاثنين، ١٦ فبراير ٢٠٢٦
بداية حافظ على الصلاة و الأذكار الصباح و المساء و بعدها أبدأ برقية نفسك رقية شرعية و أقرأ الأيات على ماء و أشربها و أغتسل منها و أهتم بأيات التوحيد، و أبحث عن دورس العقيدة لمشايخ السلف الصالح و أقرأ كل يوم من المصحف، اعمل اللي قلت لك عليه بالترتيب و أمورك هتتظبط إن شاء الله
تم النشر الثلاثاء، ١٧ فبراير ٢٠٢٦
في دورات للشيخ علاء حامد اشتركي فيها وهتلاقي صحبة صالحة وهتنشغلي لان الفراغ مدمر اشغلي نفسك في حاجة مفيدة مثلا تبدأي حفظ قرأن او تتعلمي علم شرعي
تم النشر الثلاثاء، ١٧ فبراير ٢٠٢٦
@Manoon بحاول اقرب و كمان بحاول اظبط روتين صلاه و ذكر فى رمضان بس حاسه الموضوع صعب
تم النشر الاثنين، ١٦ فبراير ٢٠٢٦
عليك السلام ـ صلي واظب علي الصلاة ولا حل آخر
تم النشر الاثنين، ١٦ فبراير ٢٠٢٦
الصلاة والرياضة تجنب اي محتوي في عنف املاء الفراغ ديما متابعه مع دكتور واخصائي ومشاركه احاسيس ومشاعر يوميا مع اي شخص بتثق في او اكتب في ورقة وبعدين ارميها بحيث ان الفكره تخرج
تم النشر الاثنين، ١٦ فبراير ٢٠٢٦
حاولى تقربي من ربنا صدقينى هيفرق معاكى اوى وده اللى اقدر انصحك بيه
تم النشر الاثنين، ١٦ فبراير ٢٠٢٦
ايه علاقتك بالوالدين ؟
تم النشر الأربعاء، ١٨ فبراير ٢٠٢٦
بصي يحبيبي انك تبقي بعيده عن ربنا بتحسي بالشعور ده قربي مني ومتقوليش أن الموضوع صعب خدي خطوه ونصيحه من اخت عديت بنفس الفتره ويمكن حاليا بس صلي قيام ليل مش عايزه اقولك على كميه الراحه وحاولي تقللي التفكير الكتير وان شاء الله تكوني بخير ووتجاوزي الفتره دي
تم النشر الأربعاء، ١٨ فبراير ٢٠٢٦
@Sherif Elkhouly هبحث عن الموضوع دا
تم النشر الثلاثاء، ١٧ فبراير ٢٠٢٦
باذن الله @Abdullah Ibn Radwan + شكرا بنصيحتك
تم النشر الثلاثاء، ١٧ فبراير ٢٠٢٦
....
تم النشر الاثنين، ١٦ فبراير ٢٠٢٦
بحاول اكتب افكارى بس مش عارفه اكتب بكتب بشكل عشوائي بس برضه مش بعرف اكتب بحس أن ايدي مشلوله و ف كلام كتير ف عقلى مش عارفه اكتبه @Mahmoud Wassal
تم النشر الاثنين، ١٦ فبراير ٢٠٢٦
لعرض السؤال في فدني اضغط هنا