عندي صديقه كنا متصاحبين بقالنا سنتين كنا قريبين جدا وكانت غاليه اوي عندي وبعتبرها اختي وبدأ في السنه التانيه من صداقتنا يحصل مواقف مش لطيفه منها وعاتبتها كذا مره وردها مكانش بيحل أي حاجه فقررت اني اتقل عليها شويه واعاملها ببرود شويه مع اني مش كده ابدا
وبعدها بشهرين تقريبا صدر منها موقف مستفز (في المدرسه) وحركات مستفزه ابتدت انها تزقني وتتشنج عليا وتزعقلي وسط زمايلنا وانا واخده الموضوع هزار لكن انا ملقيتش على وشها ملامح تقول انه هزار فقلتلها وانا متنرفزه انتي مختله ورحت مكان تاني وردت لها الحركه بشكل تاني بصراحه لاني مكنتش قادره اشوف نفسي بتهان واصبر اكتر من كده
فالمهم تاني يوم تعبت فجأة فهي الوحيده اللي كان معاها تليفون ارن على والدي قمت قلتلها انا عايزه التلفون عشان ارن على والدي مبصتليش حتى وقالت بكل برود "لا" كررت جملتي تاني وقلتلها انا تعبانه!!...
قالت تاني بكل برود لا وقالت حجّة سخيفه كدا فبصيتلها بصه استحقار كأنها وحده معرفهاش ومتكلمناش من يوميها.... ويجي اليوم اللي بعده واللي بعده تعمل حركات سخيفه وتفتن عليا وتعمل حركات الطفل ميعملهاش
(ملاحظه احنا طلاب)
مشكلتي مش عارفه أتخطى اللي حصل بقالي 6 شهور مش بنساها دا غير الشهور الاولى نفسيتي كانت زفت وكنت بتخيلها حتى وانا في الشارع لكن دلوقتي اتحسنت... عايزه حل جذري لاني هقابلها كتير الفتره الجايه ومش عايزه اهرب منها
أختي العزيزة، أول حاجة أحب أقولها لك إن اللي مريتي بيه صعب فعلاً، ومش غريب إنك لسه بتفكري في المواقف دي بعد ست شهور. الصداقة اللي كانت قريبة جداً وتحولت لأذى بتترك أثر عميق، خاصة لما تكوني بتشوفي الشخص ده يومياً. الشعور بالخيانة والاستحقار اللي حصل مش هيروح بين يوم وليلة، لكن فيه طريقة عملية تساعدك تتخطيها جذرياً بدون ما تهربي أو تتجنبي المواقف. الحل الجذري يبدأ من داخلك أولاً: اعترفي بأن الصداقة دي انتهت وما عادتش مفيدة ليكي، وده مش فشل منك، ده قرار ناضج. كل ما تيجي الصورة في دماغك، قولي لنفسك "ده درس تعلمته وخلاص"، وركزي على الدروس اللي استفدتيها زي إنك تعرفي تحطي حدود بدري وما تتسامحيش مع الإهانات. في الإسلام، العفو عن الناس بيخفف على القلب ويحررك، مش عشان الشخص التاني يستاهل، لكن عشانك أنتِ. حاولي تفتكري إنك مش مضطرة تحملي الغضب ده لوحدك، وادعي ربنا يشفي قلبك ويبعد عنك الأذى. عملياً، لما تقابليها في المدرسة، خلي تعاملك رسمي ومختصر جداً: ردي بابتسامة خفيفة أو كلمة مهذبة لو اضطريتي، وبعد كده ركزي على دراستك أو أصحابك التانيين. ما تدخليش في نقاشات أو تفسيرات، لأن ده هيفتح الباب تاني. ابدئي تبني علاقات جديدة مع بنات بيحترموكي ويقدرونك، واملي وقتك بأنشطة بتساعدك تتقدمي في حياتك. مع الوقت، هتحسي إن وجودها ما بيأثرش عليكي زي الأول، لأنك هتكوني بنيتي حياة أقوى بعيداً عنها. لو عايزة أفكار إضافية أو طرق تساعدك تتعاملي مع المواقف اليومية دي، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة تتجاوزي ده، وهتطلعي أقوى إن شاء الله.
تم النشر الأحد، ٤ أكتوبر ٢٠٢٦
انا شايفة انك حاولتى بالفعل... متجيش ع نفسك اكتر من كده لمصلحتك والله عشان بتوجع اوى بعد كده... متقبليش بأقل من ال انتى تستحقيه... هل انتى تستحقى منها المعاملة ديه؟ لأ؟ يبقى متحاوليش عشان انتى فعلا مغلطيش ♥
تم النشر الأحد، ٤ أكتوبر ٢٠٢٦
@Mo Rady . ماشى معاك حق بس مش اكتر مش كده
تم النشر الأحد، ٤ أكتوبر ٢٠٢٦
عارف أنها كدا، أنتِ اللي هتاخدي الخطوة، عارف الموضوع صعب بس دا أكتر حل مريح لو كل ما تشوفيها أو تفتكري المواقف اللي بينكم تحسي بضيق أو خنقة
تم النشر الأحد، ٤ أكتوبر ٢٠٢٦
هي اصلا مش بتتكلم معايا ومحاولتش تصلح
تم النشر الأحد، ٤ أكتوبر ٢٠٢٦
اصالحها ازاي وهي اللي بدأت كل حاجه
تم النشر الأحد، ٤ أكتوبر ٢٠٢٦
هحاول
تم النشر الأحد، ٤ أكتوبر ٢٠٢٦
انتى أدرى بقا بطريقة تعاملك مع الأمور
تم النشر الأحد، ٤ أكتوبر ٢٠٢٦
@Sara Raafat حضرتك قلتي أنها لو رمت السلام متردش عليها... ولكن للعلم رد السلام واجب شرعي وحرام عدم رده
تم النشر الأحد، ٤ أكتوبر ٢٠٢٦
@Sara Raafat لا مش اعتذار طبعا، هتتكلم معاها زي الأول وتبقى كويسة معاها مؤقتا بحيث تبقى العلاقة كويسة وبعد كدا ممكن ما تكلمهاش وتكتفي بالسلام بس
تم النشر الأحد، ٤ أكتوبر ٢٠٢٦
شكرا اوي بجد وانا فعلا نفسيتي بتهدى لكن انا فعلا بحبها مش عارفه اكرهها
تم النشر الأحد، ٤ أكتوبر ٢٠٢٦
يعنى المفروض تروح تعتذر لها على حاجه هى اصلا مش عارفة هى ايه؟؟ لا طبعا لو اعتذرت من غير سبب هى كده بتيجى ع نفسها
تم النشر الأحد، ٤ أكتوبر ٢٠٢٦
الحل أنك تصالحيها وبعد كدا ما تكلمهاش تاني لو حابة...... القلب مش بيستحمل الخصومة فأنت بتيجي على نفسك لو ما صالحتيهاش
تم النشر الأحد، ٤ أكتوبر ٢٠٢٦
ليه صعب عليكى يا حبيبتى؟ ديه شخصية مؤذية، وشايفاكى وحشة عشان هى من جواها وحشة
تم النشر الأحد، ٤ أكتوبر ٢٠٢٦
كل ما افكر في المواقف اللي كانت بتحصل بيننا فعلا بيبقا عندي شك انها كانت بتغير زي مثلا انها كانت بتاخد معايا في ماده معينة انا كنت اشطر منها فيها فا كنت بتابعها لمصلحتها وسألتها في الشات انتي مبتعمليش الواجب ليه ردت قالتلي اتكلمي عدل انا هنا كنت مصدومه .... انا مشوفتهاش من 6 شهور وصعب عليا اني انساها
تم النشر الأحد، ٤ أكتوبر ٢٠٢٦
عادى حبيبتى اتعاملى معاها كإنها واحدة غريبة عنك ولو رمت السلام مترديش عليها... متعرفيهاش تانى ولو قالت ديه بتهرب منى وكده قولى اه فعلا بتريقة ع كلامها متحاوليش تبررى موقفك كل شوية... ومتزعليش يعنى باختصار هى متستاهلكيش وممكن كانت بتغير منك وانتى مش واخدة بالك
تم النشر الأحد، ٤ أكتوبر ٢٠٢٦
لعرض السؤال في فدني اضغط هنا