انا بطبيعتي الحمد لله شخص مجتهد وبيحب المذاكرة وبحب اتعلم اللغة وحقيقي كنت بحس بسعادة وانا بتعلم مش مجرد إجبار على المذاكرة .
حاليا انا من بداية السنه وانا مش عارفة ابدأ مذاكره كل يوم احط خطة ومعملش اي حاجه وبالنسبة للغة فكرت آخد كورس يلزمني ولكن حاليا مش معايا فلوس لده بس مش عارفة الزم نفسي خالص ومش عارفة حتى أجيب ساعة مذاكرة مع اني شخص كان اقلها 5 ساعات مذاكرة ف اليوم ...
كان عندي إرادة وطاقة اكمل بيها حاليا حتى الجامعة مش طايقة اروح مع احساس بالندم اني مش بحضر بس مبقتش قادرة خالص ..
تقريبا صداع معظم الوقت وقلة تركيز ف أي حاجه زي اني اغسل المواعين انا بجد دماغي بتبقى مش مركزة ف اللي بتعمل حقيقي بحس اني ف عالم موازي انا م ف عالم طبيعي ..
حاولت احط خطة صغيرة وتسكات صغيرة اويي وبرضو مش عارفة انتظم عليها مبقتش عارفة فين المشكلة ..خدت اجازة كام يوم ومنزلتش الجامعة وبرضو كأن شيئا لم يكن كإني في دوامة دماغي فيها مش بتقف ولا بحس بسعادة ولا بإنجاز ولا بالمتعة ف اني اعمل حاجه معينه وانا متشخصة باكتئاب شبه حاد ..
بس انا كل شوية بلاقيني بقول لنفسي انتي مش عندك حاجه وده كله دلع وقلة إرادة .. حقيقي بجد تعبت معرفش المشكلة فيا ولا فين مش فاهمه حاجه نهائي وحاسة بيأس مع اني عارفة اني مينفعش ايأس بس حاسة كل الطرق هتؤدي الفشل
السلام عليكم، هل التشخيص بالاكتئاب كان تشخيص من طبيب مختص ولا أنتِ شخصتِ نفسك باختبارات الانترنت؟ لو كان تشخيص من مختص فعلا فضروري تتابعي معه لأن ممكن الأعراض دي بسبب الاكتئاب. *** كمان لو ضغطتِ نفسك بأهداف أو مسؤوليات كتيرة قبل كده فممكن تكوني وصلتِ لفترة احتراق نفسي مسببة لك انعدام طاقة وعدم قدرة على إنجاز أي شيء، جسمك ونفسك بيكونوا محتاجين فترة يفصلوا فيها ويعيدوا شحن طاقة. ** ومهم برضه تستبعدي أي أسباب صحية، مثلا نقص فيتامين دال بيسبب خمول وانعدام طاقة وتقلبات مزاجية ومعظم الأعراض اللي عندك، وبرضه الأنيميا ونقص العناصر المهمة في الجسمز *** الحكاية مش إنك بتدلعي أو مش عندك إرادة، إذا مش قادرة تحددي السبب الرئيسي وتعالجيه ومكتفية بمحاولة معالجة الأعراض زي إنك تاخدي فاصل من الكلية أو تقسمي تاسكات صغيرة فمش هتقدري تواصلي لأن السبب الرئيسي لسه موجود ولازم التعامل معه وتلقائيا الأعراض هتقل لحد ما تختفي. ** طبعا مش بقول وقفي الخطوات اللي بتاخديها حتى لو صغيرة، لأ، استمري عليها مع المتابعة مع مختصة تساعدك في تحليل جذور المشكلة وعلاجها بخطة عملية. *** نقطة مهمة، انتبهي للأفكار اللي بتردديها على عقلك الباطن، بلاش مش عندي إرادة أو مفيش فائدة أو كل الطرق هتؤدي للفشل. كل دي أفكار غلط لو ترسخت جواك عقلك الباطن هيساعدك تحوليها فعلا لحقيقة على أرض الواقع فبلاش بلاش أفكار سلبية ومعتقدات خاطئة أنتِ كده بتعقدي المشكلة. *** تفاءلي خيرا وتمسكي بالأفكار الإيجابية حتى لو بالأول مش مقتنعة بها لحد ما تصبح حقيقة راسخة جواكِ، والأهم طبعا إنك تستعيني بالله ورددي كتير ذكر "لا حول ولا قوة إلا بالله العلي العظيم) وإن شاء الله ربنا يمدك بالقوة للتغيير ويبدل حالك للأفضل. بالتوفيق. 💚💚
تم النشر الاثنين، ٢ نوفمبر ٢٠٢٦
أختي العزيزة، أولاً أريد أن أؤكد لكِ بكل صدق أن ما تمرين به ليس "دلع" أو نقص إرادة، بل هو عرض حقيقي من أعراض الاكتئاب الذي تم تشخيصه، وهذا الشعور باليأس والانفصال عن العالم والصداع وقلة التركيز أمور شائعة جداً في مثل هذه الحالة. أنتِ لستِ فاشلة، ولا يوجد شيء "خطأ فيكِ"، بل دماغكِ يمر بمرحلة تحتاج فيها إلى رعاية ولطف، تماماً كما كنتِ تهتمين بدراستكِ وتعلمكِ سابقاً. ابدئي بخطوات صغيرة جداً لكن مختلفة عن الخطط السابقة: اختاري نشاطاً واحداً فقط يومياً مرتبطاً بما تحبينه، مثل قراءة صفحة واحدة من كتاب باللغة التي تتعلمينها أو كتابة جملة بسيطة، واجعليها في وقت ثابت مثل بعد صلاة الفجر مباشرة، لأن الالتزام بالعبادات يعطي إحساساً بالإنجاز والتواصل مع الله الذي يساعد على تخفيف الضغط النفسي. لا تحكمي على نفسكِ إذا لم تنجحي في البداية، بل سجلي في مذكرة صغيرة ما حدث دون تقييم، فهذا يساعد على رؤية التقدم تدريجياً بدلاً من الشعور بالفشل. تذكري أن الشفاء ليس خطاً مستقيماً، وأن الله يقول "إن مع العسر يسراً"، فاستمري في الدعاء بأن ييسر لكِ الأمر ويمنحكِ الطاقة، وإذا استمر الشعور باليأس أو الصداع، فلا تترددي في العودة إلى الطبيب المعالج لمناقشة التعديلات الممكنة. أنتِ قادرة على الخروج من هذه الدوامة خطوة بخطوة، وكل محاولة صغيرة هي دليل على قوتكِ الداخلية. ابحثي عن أسئلة مشابهة على فدني لتري تجارب أخريات وتستفيدي من وجهات نظر إضافية.
تم النشر الاثنين، ٢ نوفمبر ٢٠٢٦
لعرض السؤال في فدني اضغط هنا