انا 55 كيلو ومش باين عليا خالص عملت تحليل انيميا طلع مش عندي وعالجت الجرثومة والديدان ومهما باكل مش بيبان عليا فإيه السبب وعاوزه حاجه تفتح شهيتي واتخن ف خلال الشهور الجايه قبل ما ادخل الكليه علشان دي سنه جديده ف حياتي
كويس اوي الحمد لله اننا عالجنا الاسباب ودي اول خطوه الخطوه الثانيه ممكن حضرتك تكوني بتاكلي اقل من السعرات الي جسمك محتاجها عشان نفتح الشهيه شويه هناخد اقراص دايجستين قبل كل وجبه وممكن تجيبي من الصيدليه علبة انشور. تاخدي منها حسب التعليمات اللي عالعلبه مره يوميا ، تقدري تحطي الكميه في كاكاو او اي مشروب بتحبيه ضروري تقسمي وجباتك ٦ او ٧ وجبات سعراتها عاليه ومفيده زي مثلا: عصير مكون من تمر وموزه و مكسرات وعسل مع حليب وتضربيهم كويس في الخلاط تشربي منه كوب في اليوم ممكن تضيفي الانشور معاهم الفطار والغدا. والعشا هنبدا الاكل دايما بالبروتين متمليش بطنك بالرز او الشوربه . ولازم ناخد كميه بروتين كويسه . خدي بين الوجبات عصير فريش ، عسل معلقتين حلاوه طحينيه دخلي الجبنه الرومي و الموزاريلا والشيدر في الفطار والعشا دخلي كوب مغات او مفتقه لو تعرفيها في السناك جبنه كريمي او مثبثان بس تكون طبيعيه دخلي السمسم والمكسرات في اكلك دهون صحيه مفيده وزودي بالتدريج عشان متتعبيش طبعا الشيبسي والبسكوتات والحلويات من بره بتسد نفسك عن اكل البيت الصحي فالافضل تقلليها . ضروري تاخدي فيتامينات اي نوع مالتي فايتمن مناسب مره في اليوم في انواع كتير حسب امكانياتك كمان حللي فيتامين د وغالبا بيكون ناقص انا قلتلك كل الافكار اللي اقدر اقولها بشكل عام .. طبعا كل حالة لها حساب سعرات وبروتين خاص بيها ولو احتجتي تسالي على حاجة تانيه تحت امرك
تم النشر الأربعاء، ٢٦ نوفمبر ٢٠٢٥
روحى لدكتورة واعرفي كم كلورى المفروض تاخديها في اليوم وزودي عن الكالوريز دي وفي اكلات بتبقى خفيفه بس فيها كالوريز كثير والاكلات دى ما بتشبعش شوفي الاكلات اللي ما بتشبعش دي وكترى منها توكلى على الله واسألية الاستعانة بس وبعدين اعملى بالاسباب وروحى لدكتورة تغذية وهى بإذن الله هتظبط لك روتين كويس فى الاكل
تم النشر الأربعاء، ٢٦ نوفمبر ٢٠٢٥
تم النشر الخميس، ٢٧ نوفمبر ٢٠٢٥
لعرض السؤال في فدني اضغط هنا