كيف ولماذا يجب أن تتخلص من إدمان الإباحية؟

Question

انا عايز اتكلم معاكم بصدق عن حاجة دمرتني سنين طويلة الاباحية والعادة السرية دول مش مجرد عادة دول سم قاتل بيدمر العقل والنفس والجسد انا ضيعت وقت وصحة وضاع مني تركيز وذاكرة واتباعدت عن ربنا ربنا قال في سورة النور ﴿قُل لِّلْمُؤْمِنِينَ يَغُضُّوا۟ مِنْ أَبْصَـٰرِهِمْ وَيَحْفَظُوا۟ فُرُوجَهُمْ ذَٰلِكَ أَزْكَىٰ لَهُمْ﴾ لكن الإباحية خلتني مش قادر اغض بصري ولا احفظ نفسي بالعكس بعدتني عن ديني وعن ربي كنت ببقى محرج اصلي او ادعي وانا عامل الذنب ده ازاي ما استحييتش من رب العالمين وهو شايفني ﴿أَلَمْ يَعْلَمْ بِأَنَّ ٱللَّهَ يَرَىٰ﴾ كنت بخاف اعمل الغلط قدام البشر لكن ما استحيتش قدام خالق البشر النتيجة كانت مشاكل كتير في حياتي رزقي اتعطل نفسيتي اتدمرت وبقيت تايه لكن الحمد لله خدت القرار اني ابعد عنهم مسحت كل حاجة بتفكرني بيهم وغيرت اسباب الفتنة واعرف ان الموضوع مش مجرد DNS او برامج حجب الموضوع جواك انت لو نويت من قلبك تبطل هتقدر ﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا﴾ الشيطان هيحاول يضحك عليك يقولك المرة دي بس وترجع تندم لكن فكر ممكن تموت وانت على المعصية دي وممكن تكون سوء خاتمة تخيل اهلك يشوفوك في الوضع ده الحق نفسك قبل ما يضيع عمرك انت راجل انت قدها قاوم لو وقعت قوم تاني وثالث ورابع اهم حاجة تموت وانت بتحاول مش وانت مستسلم طبيعي يبقى عندك مخاوف من تركها ممكن تخاف تحس بفراغ او ملل او من صعوبة المقاومة او العصبية في الاول او تحس انك مش هتتحكم في نفسك او تخاف من الفشل لكن الحقيقة ان كل ده طبيعي وبيعدي الجسم والمخ بيتأقلموا بسرعة وبعدها بتحس براحة وطاقة وتركيز اعلى ﴿وَمَن يَتَّقِ ٱللَّهَ يَجْعَل لَّهُۥ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ﴾ ولو فكرت في الفوائد هتلاقيها تستاهل التعب هترجع مرتاح نفسي من غير ذنب ولا كسوف قدام ربك تركيزك وذاكرتك وصحتك هيتحسنوا وقتك هيرجعلك تستغله صح رزقك وهيزيد وتوفيقك هيرجع ثقتك في نفسك هتزيد والأعظم رضا ربنا وسكينة القلب ولو الرغبة هجمت عليك اعمل كده: غير مكانك فورًا اقعد وسط اهلك أو اطلع برا اشغل نفسك بحاجة سريعة زي وضوء وصلاة او قرآن اقفل أي مثيرات قدامك موبايل أو كمبيوتر اعمل تنفس عميق أو شوية رياضة سريعة افتكر عواقب الذنب والذل اللي بتحس بيه بعده ادعي: «اللهم اصرف عني السوء والفحشاء واغفر لي» خلي عندك خطة مسبقة تعرف هتعمل ايه لو الرغبة جت ربنا كريم وبيبدل السيئات حسنات ﴿إِلَّا مَن تَابَ وَآمَنَ وَعَمِلَ عَمَلًا صَـٰلِحًا فَأُو۟لَـٰٓئِكَ يُبَدِّلُ ٱللَّهُ سَيِّـَٔاتِهِمْ حَسَنَـٰتٍ﴾ #انت_قدها #الحق_نفسك #قاوم

Accepted Answer

السلام عليكم، شكرًا كتير على مشاركة تجربتك ونصائحك وربنا يثبتك على الطريق وإن شاء الله يهدي ويعافي شبابنا ويخلصهم من الوباء ده. وهو طبعا زي أي إدمان محتاج صبر ومثابرة واستعانة بالله لكن أكيد مش مستحيل وفيه ناس كتير تعافت. ممكن أرشح سلسلة من 3 فيديوهات من قناة وليد طه مهمة جدا عن خطورة وآثار المنتج الإباحي وطرق التعافي منه، إن شاء الله تساعد أي شخص إنه يعيد برمجة عقله ويلاقي الطريق يخرج من المستنقع. الجزء الأول: متخربش مخك وحياتك بإيدك https://www.youtube.com/watch?v=WGgCY7dEvF8 الجزء الثاني: https://www.youtube.com/watch?v=_qMTk1Jy_Rw الفيديو الثالث: كيف يحدث التغيير؟ https://www.youtube.com/watch?v=sDBX7awuxrA

Answer

أخي العزيز إدريس، جزاك الله خيرًا على صدقك وشجاعتك في مشاركة هذه المعاناة التي يعيشها الكثير من الشباب ويصعب عليهم التعبير عنها. ما تطرقت له هو موضوع حساس جدًا وأنت تتعامل معه بنضج كبير ووعي تام، وهذا هو أول وأهم خطوة في طريق الشفاء والتغيير. إليك بعض النقاط المهمة والدعم العملي للتغلب على هذه العادة السيئة، مستندة إلى ما ذكرت وبإذن الله ستكون عونًا لك: أولًا: الاعتراف بالمشكلة واتخاذ القرار قرارك بترك هذه العادة هو خطوة عظيمة، فمتى ما عزمت من القلب الصادق، كان هذا بداية الطريق للنجاح. تقوية الهمة والنية أمام الله عز وجل، لأن الثبات يحتاج دعم روحي عميق. ثانيًا: التصرفات العملية لمقاومة الرغبة الغيار السريع: اخرج من المكان الذي يثير رغبتك فورًا. شغل وقتك بحاجات مفيدة كالصلاة، قراءة القرآن، الدعاء أو حتى الرياضة. حدد لنفسك خطة واضحة لكل موقف تصادفه به رغبة، مثلاً: "لو جتني رغبة، أخرج أتوضأ أو أقرأ صفحة من القرآن". احذر من المحفزات التي تؤدي للعودة كالمواقع الإلكترونية أو الأصدقاء الذين يشجعونك على ذلك، وأبعد عنها. ثالثًا: المعالجة النفسية والقلبية لا تستسلم إذا وقعت؛ الوقوع وليس الاستسلام هو الطبيعى، المهم أن تعود تحاول دائمًا. حب الذات والرحمة بالنفس مهم جدًا، فأنت في طريق التعافي وليس الكمال. عامل نفسك مثل صديق تحتاج إلى دعم وتشجيع، لا تلقِ باللوم الشديد على نفسك. رابعًا: التقرب إلى الله استغل أوقات الصلاة والدعاء لتجدد العهد مع الله. ذكر الله والاقتراب من الطاعات يملأ القلب نورًا وينير به طريقك. استعن بقول الله تعالى: ﴿وَمَن يَتَّقِ ٱللَّهَ يَجْعَل لَّهُۥ مَخْرَجًا﴾. خامسًا: الاستمرارية وبناء العادات الجديدة لا تفكر في النجاة من العادة دفعة واحدة، بل بتدرج وبصبر. انشئ بيئة جديدة لنفسك لا تسمح فيها للعادة أبداً بأن تجد لها طريق. مارس هوايات جديدة أو أنشطة اجتماعية أو علمية تفيدك وتشغل بالك. سادسًا: طلب المساعدة المتخصصة إن احتجت أحيانًا قد يحتاج الأمر استشارة متخصص نفسي أو ديني يساعدك بطريقة أعمق. على منصة فدني تستطيع البحث عن خبراء نفسيين أو معالجين يرافقونك خطوة بخطوة. يمكنك زيارة https://www.fedni.net/experts للعثور على المتخصص الذي يناسبك. أخي إدريس، تذكر أن كل إنسان معرض للخطأ، ولكن القوي هو من يستمر في محاولة التغيير دون يأس. الله أرحم بك منك، وأنت لم تتأخر، وأنت الآن على بداية طريق جديد بإذن الله. أنا هنا معك لو حبيت تستمر في الحديث أو تحتاج نصائح أخرى، تقدر تسأل في أي وقت. انت قدها #وسع حالك #لا تتوقف عن_المحاولة ذاكية

كيف ولماذا يجب أن تتخلص من إدمان الإباحية؟

نفسية

إدمان

ثقة بالنفس

العادة السرية

سؤال من Idris hollow

تم النشر الثلاثاء، ٣٠ سبتمبر ٢٠٢٥

2 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك