السلام معليكم انا ادريس كنت شخص عادي جدًا… لحد ما دخلت سكة السجاير الموضوع بدأ من حوالي 6 شهور ضغط في الشغل، مشاكل في البيت، وحواليّ ناس كتير بتدخن… حتى والدي كنت فاكرها حاجة بسيطة، قولت اجرب وخلاص في الاول كنت بتعب جدًا دوخة، إرهاق، ومكنتش شايف قدامي بس كنت بضحك على نفسي واقول: عادي، انا ماسكها وممكن ابطل في اي وقت بدأت بفرط… وبعدها علب وبقيت فاكر اني كدا جامد وبفشخر… مع اني عمري ما كنت كدا الناس اللي حواليا اتصدمت فيه اللي نصحني، وفيه اللي بعد عني بس انا مكنش فارق معايا… كنت عايز اشرب وبس الموضوع خرج من ايدي بقيت ممكن في ربع ساعة اشرب 3 لـ 5 سجاير وبعدين وصلت لعلبتين في اليوم بدأت اتعب لو طلعت سلمتين بتنهج ضيق تنفس، نغزات في القلب، صداع مستمر وبالرغم من كدا… كنت بكمل فلوسي بتضيع ممكن نص مرتبي يروح على حاجة بتأذيني ريحتي بقت سجاير ناس بتقرف تقرب مني صحابي يقولولي ريحة بوقك وحشة وسناني بدأت تسود وصلت لمرحلة… مش قادر حتى استحمل ريحتها بس برضه كنت بشرب لحد ما جسمي قال كفاية النهارده انا واخد قرار قرار اني ابطل نهائي عشان انا مكنتش كدا… ومش عايز اكمل كدا السجاير مش رجولة السجاير بتسحب منك صحتك، فلوسك، ووعيك واحدة واحدة لو انت لسه بتفكر تجرب… بلاش بلاش تبدأ حاجة هتتعبك وانت مش حاسس ولو انت بتدخن… حاول تبطل عشان جسمك امانة عندك ربنا يهديني ويهديكم جميعًا
تم النشر الاثنين، ٦ أبريل ٢٠٢٦
الطموح والشهوة طاقتين موجودين جوا كل واحد فينا، لكن لو ما عرفناش نديرهم صح ممكن واحدة تاكل التانية: الشهوة تاخد وقتك وتركيزك والطموح يتضيع، أو الطموح يتحول لضغط وأفكار سلبية والشهوة تقوى بدل ما تخف. السر كله في الادارة والوعي. ١ وضوح الهدف قبل ما تحاول تتحكم في نفسك، لازم تعرف انت عايز ايه بعد ٥ سنين. كل ما الصورة تبقى واضحة، كل ما اي شهوة مؤقتة هتبان صغيرة قدام هدفك الكبير. لو مش عارف تمشي فين، اي شيء مؤقت هيخليك تتهوى وتضيع. ٢ نظام يومي بسيط رتب يومك بحيث يكون فيه توازن بين الروحاني، البدني، العقلي. صلاة في وقتها تقوي قلبك رياضة حتى لو ٢٠ دقيقة تنشط جسمك وتفرغ الطاقة ساعة تطوير مهارة تبني مستقبلك وقت راحة محسوب يريح دماغك لما يومك يبقى مليان صح، الشهوة بتضعف والطموح بيزيد. ٣ تقليل المثيرات مش دايمًا القوة هي الحل، أحيانا الحل يكون انك تقلل التعرض للمحفزات. امسح المحتوى اللي يوقعك ابعد عن الصحاب أو الأماكن اللي بتضعفك قرب من اللي يقويك ويشجعك ٤ افصل بينك وبين غلطك جلد الذات بيخلي الواحد يحس انه فاشل، والفشل بيخليك تهرب، والهروب بيخليك تقع تاني. انت غلطت، بس انت مش الغلط نفسه بدل ما تقول "ضيعت عمري"، قول "اتعلمت الدرس، ولسه عندي وقت أبدأ" ٥ خطوات صغيرة يومية مفيش حد يغير حياته في أسبوع. ابدأ بخطوات صغيرة، يوم ورا يوم بيعملوا فرق كبير مع الوقت. ٦ خلي علاقتك بربنا رجاء مش خوف ربنا قال: ﴿قُل لَّلْمُؤْمِنِينَ يَغُضُّوا مِنْ أَبْصَـٰرِهِمْ وَيَحْفَظُوا۟ فُرُوجَهُمْ ذَٰلِكَ أَزْكَىٰ لَهُمْ﴾ ومعناه: ما فيش باب مقفول لللي يحاول، كل خطأ ممكن يتصلح بالتوبة والعمل الصح. الخلاصة متخليش شهوة ساعة تسرق منك حلم سنين متخليش غلط امبارح يمنعك تبني بكرة نظم وقتك، قلل المثيرات، افصل غلطك عن نفسك خلي علاقتك بربنا نور لك في الطريق بكده هتقدر تدير شهواتك وطموحك مع بعض، وتبدأ صفحة جديدة بجد بدون جلد ذات أو خوف.
تم النشر الخميس، ٥ مارس ٢٠٢٦
انا عايز اتكلم معاكم بصدق عن حاجة دمرتني سنين طويلة الاباحية والعادة السرية دول مش مجرد عادة دول سم قاتل بيدمر العقل والنفس والجسد انا ضيعت وقت وصحة وضاع مني تركيز وذاكرة واتباعدت عن ربنا ربنا قال في سورة النور ﴿قُل لِّلْمُؤْمِنِينَ يَغُضُّوا۟ مِنْ أَبْصَـٰرِهِمْ وَيَحْفَظُوا۟ فُرُوجَهُمْ ذَٰلِكَ أَزْكَىٰ لَهُمْ﴾ لكن الإباحية خلتني مش قادر اغض بصري ولا احفظ نفسي بالعكس بعدتني عن ديني وعن ربي كنت ببقى محرج اصلي او ادعي وانا عامل الذنب ده ازاي ما استحييتش من رب العالمين وهو شايفني ﴿أَلَمْ يَعْلَمْ بِأَنَّ ٱللَّهَ يَرَىٰ﴾ كنت بخاف اعمل الغلط قدام البشر لكن ما استحيتش قدام خالق البشر النتيجة كانت مشاكل كتير في حياتي رزقي اتعطل نفسيتي اتدمرت وبقيت تايه لكن الحمد لله خدت القرار اني ابعد عنهم مسحت كل حاجة بتفكرني بيهم وغيرت اسباب الفتنة واعرف ان الموضوع مش مجرد DNS او برامج حجب الموضوع جواك انت لو نويت من قلبك تبطل هتقدر ﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا﴾ الشيطان هيحاول يضحك عليك يقولك المرة دي بس وترجع تندم لكن فكر ممكن تموت وانت على المعصية دي وممكن تكون سوء خاتمة تخيل اهلك يشوفوك في الوضع ده الحق نفسك قبل ما يضيع عمرك انت راجل انت قدها قاوم لو وقعت قوم تاني وثالث ورابع اهم حاجة تموت وانت بتحاول مش وانت مستسلم طبيعي يبقى عندك مخاوف من تركها ممكن تخاف تحس بفراغ او ملل او من صعوبة المقاومة او العصبية في الاول او تحس انك مش هتتحكم في نفسك او تخاف من الفشل لكن الحقيقة ان كل ده طبيعي وبيعدي الجسم والمخ بيتأقلموا بسرعة وبعدها بتحس براحة وطاقة وتركيز اعلى ﴿وَمَن يَتَّقِ ٱللَّهَ يَجْعَل لَّهُۥ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ﴾ ولو فكرت في الفوائد هتلاقيها تستاهل التعب هترجع مرتاح نفسي من غير ذنب ولا كسوف قدام ربك تركيزك وذاكرتك وصحتك هيتحسنوا وقتك هيرجعلك تستغله صح رزقك وهيزيد وتوفيقك هيرجع ثقتك في نفسك هتزيد والأعظم رضا ربنا وسكينة القلب ولو الرغبة هجمت عليك اعمل كده: غير مكانك فورًا اقعد وسط اهلك أو اطلع برا اشغل نفسك بحاجة سريعة زي وضوء وصلاة او قرآن اقفل أي مثيرات قدامك موبايل أو كمبيوتر اعمل تنفس عميق أو شوية رياضة سريعة افتكر عواقب الذنب والذل اللي بتحس بيه بعده ادعي: «اللهم اصرف عني السوء والفحشاء واغفر لي» خلي عندك خطة مسبقة تعرف هتعمل ايه لو الرغبة جت ربنا كريم وبيبدل السيئات حسنات ﴿إِلَّا مَن تَابَ وَآمَنَ وَعَمِلَ عَمَلًا صَـٰلِحًا فَأُو۟لَـٰٓئِكَ يُبَدِّلُ ٱللَّهُ سَيِّـَٔاتِهِمْ حَسَنَـٰتٍ﴾ #انت_قدها #الحق_نفسك #قاوم
تم النشر الثلاثاء، ٣٠ سبتمبر ٢٠٢٥
مفيش حل سحري، بس اللي شفته إن الموضوع بيبدأ بخطوات صغيرة جدًا. إني ما أهربش من اللي جوايا، وأتكلم أو أكتب اللي حاسس بيه بدل ما أكتمه. وأحاول أظبط يومي حتى لو بحاجة بسيطة زي النوم والأكل والخروج. وكمان أبعد عن اللي بيزود الضغط عليا وأحط نفسي مع ناس كويسة. والأهم إني أدي لنفسي وقت… لأن الشفاء مش بييجي مرة واحدة
تم النشر الاثنين، ٦ أبريل ٢٠٢٦
بص… اللي انت فيه ده مش كسل زي ما انت فاكر ده غالبًا ضغط وخوف متراكم خلاك تقف مكانك انت مش مشكلتك الشغل مشكلتك خطوة البداية بس كونك بتنزل وتوصل لحد الشركة وتقف قدامها… ده معناه إنك عايز تشتغل فعلاً بس دماغك بتسحبك لورا في آخر لحظة ابدأ بحاجة بسيطة مش لازم تدخل شركة كبيرة خش أي مكان صغير واسأل وخلاص حتى لو اترفضت كل مرة هتسأل فيها… الرهبة هتقل لحد ما تبقى عادي وانت مش لوحدك ناس كتير بتمر بالمرحلة دي بس الفرق بين اللي بيعدي منها… واللي بيفضل فيها إن واحد خد الخطوة رغم الخوف انزل تاني… بس المرة دي متقفش ادخل واسأل وخلاص مهما حصل
تم النشر الاثنين، ٦ أبريل ٢٠٢٦
بصي انتي مش غريبة ولا لوحدك سن المراهقة بيبقى فيه لخبطة مشاعر وفضول وده طبيعي جدا خصوصا لو في تعود قديم على العادة من الطفولة لانها بتربط المشاعر بالتحفيز مش دايما بالفطرة الواضحة مش لازم تحطي لنفسك تصنيف دلوقتي ولا تحكمي على نفسك حكم نهائي انتي لسه 17 سنة ولسه بتتكوني نفسيا وعاطفيا بالنسبة للعادة اه تقدري تبطليها بالتدريج واعملي بديل قبل النوم زي قراءة حاجة خفيفة تمارين تنفس او ذكر وقرآن وابعدي عن المحتوى او الصحبة اللي بتزود اللخبطة خدي الموضوع بهدوء ومن غير جلد ذات وقربي من ربنا وربنا رحيم جدا واللي فات مش نهاية الطريق انتي لسه قدامك فرصة تختاري صح 💛
تم النشر الخميس، ٥ مارس ٢٠٢٦
حاسس بيك… وده طبيعي مع الضغط اللي انت فيه ومش لازم تحس إنك لازم تبقى كويس دلوقتي خليك بس عارف إن اللي انت فيه ده مرحلة ومش هتفضل كدا مهمتيكش تبقى قوي فجأة بس حاول تعمل خطوة صغيرة جدًا النهارده حتى لو حاجة بسيطة
تم النشر الاثنين، ٦ أبريل ٢٠٢٦
وعليكم السلام ورحمة الله وبركاته جزاك الله خير على كلامك الطيب وعلى الروابط اللي بعتّيها والله فعلا محتاج أتابع السلسلة دي وأكيد هتفيدني وتفيد أي حد بيمر بنفس التجربة ربنا يثبتنا جميعًا ويعيننا على التعافي ويرزقنا الإخلاص والصدق في الطريق ده
تم النشر الأربعاء، ١ أكتوبر ٢٠٢٥
بشكرك جدا على ردك وكلامك المحفز واضح انك بذلت جهد عشان تكتبلي النصايح دي وانا مقدر ده قوي بس خليني اقولك بعض الملاحظات في نقطة المقاومة العملية انت قلت اخرج او اقرأ قرآن او اتوضى ودي فعلا حلول قوية بس ساعات الرغبة بتكون شديدة لدرجة ان العقل مش بيقدر يفكر فممكن يكون محتاج خطوات أبسط أو أسرع زي تمرين تنفس أو مكالمة حد قريب في نقطة لا تلق باللوم الشديد على نفسك انا متفق معاك تماما ودي حاجة بفضلها بس ساعات الواحد بيحتاج يوازن بين لوم نفسه عشان ما يتساهلش وبين الرحمة بنفسه عشان ما ييأسش في موضوع الاستمرارية حبيت قوي فكرة بناء عادات جديدة بس حسيت انها محتاجة أمثلة أوضح مثلا لو واحد مش عنده صحاب كتير يعمل ايه ازاي يلاقي انشطة اجتماعية بديلة بالنسبة لفكرة الاستشارة المتخصصة مع انها مفيدة جدا بس مش كل الناس تقدر توفرها وده بيخلي اعتمادنا اكبر على الإرادة والجانب الروحي يعني باختصار كلامك فيه نقاط قوية جدا وانا استفدت منه بس انا شايف ان اللي محتاجينه أكتر هو تطبيق عملي وواقعي يتناسب مع حياة كل شخص مش مجرد خطوات عامة
تم النشر الثلاثاء، ٣٠ سبتمبر ٢٠٢٥
لعرض الملف الشخصي في فدني اضغط هنا