انا عارفة أن الرسالة طويلة بس لو سمحتوا كملوخا للآخر لأن انا تعبت بجد انا عندى١٨ سنة والدى من ٨ سنين اتغير معانا بقى مش طايق اى كلمة فى بيتعصب على اتفه الأسباب بيخانق كل يوم الوضع بقى ذى الزفت وكان بيقول كلام جارح جدا لأمى ودائما يعايرها بحاجات ملهاش ذنب فيها مع أن أمى تعليمها أعلى من والدى وأصلها احسن من أصله بس هو دائما كان يعارك معاها ويكسر بخاطرها علطول هو كان بيسافر فامى كانت بتقول هستحمله الشهرين اللى بينزلهم للاسف امى ماسلمتش لأن اختى اخدت طباع وصفات والدى وهيا أنها دائما صح وان محدش يقدر يتكلم معاها اى كلمة تكون مش كويسة يعنى طبيعيا أن بيبقى الكلام فى الأسرة بيكون بأريحية يعنى مش لازم أن احافظ على كل كلمة أو انى اراجع الكلمة دى جوايا قبل ما اقولها هيا كانت من النوع ده لازم احافظ على كلامى معاه ومينفعش اغلط حتى لو كان غصب عني وموقفش الموضوع عندى بس لا دى كانت بتخانق مع امى وتعارك معاها لو امى قالتلها اى كلمة مش عاجبها ولازم امى اللى تروح تتأسفلها عدى الوقت وبقت حياتنا كلها خناق لو كان والدى هنا او حتى لوكان مسافر خناق خناق بس انا كبرت وبقيت باعترض على اللى بتعمله اختى ومبقتش بتكلم معاها اللى هو لو زعلت تتفلق هيا اتعودت انها متعتذرش حتى لو كانت غلطانة ممكن تخاصمنى بالشهور انا أو امى لو محدش راح اتأسفلها تاكل لوحدها تقعد لوحدها متكلمش حد لما كنت انا بخاصمها كانت امى هيا اللى بتروح تعتذر واحيانا لما الوضع يكبر اوى كانت امى مبتحبش تضربها فكانت بتضرب نفسها 😓😭 يعنى الوضع ساء اوى المهم لحد ما فى يوم كان والدى موجود الخناقة قامت والصوت على اوى فامى قالتله طلقنى اعمامى حضروا عندنا وفضوا الخناقة بس لان والدى فى اليوم ده هان امى اوى وشتمها هيا واهلها واخواتها وهو اصلا كان مصانعها تروح عند اهلها ولما جدتى اتصابت بالسرطان سمحلها بس رفض أن احنا نروح نزورها ونشوفها قالنا عليكم تحضروا الجنازة وكان دائما يقارن نفسه باخوالى ويقول لأمى يا انا يا هما لما امى طلبت الطلاق جدتى من ناحية والدى هدتها شوية فقالت خلاص هروح عند أهل فترة ذى مغبونة يعنى المهم المدة طولت وانا كنت فى تالتة إعدادى الترم التانى مستويات قل جدا انا كنت ببقى من الاوائل علطول فى السنة دى بطلت اروح دروس فترة اثر عليا جامد بدأ مستوايا يتدنى لما كنت بروح مكنتش بلاقى جو هادى لا كنت بلاقى الخناقة مع والدى وانتى ويعاركوا مع بعض فتخيلوا بقى هما الاتنين نفس النوع لازم يطلعوا حد غلطان فكان بيسامروا لوقت طويل محدش كان بيتنازل وانا واخويا كنا بنسلك ما بينهم بس لحد ماقالنا روحوا عند بيت جدكم فى الفترة دى مكانش فيه اكل فى البيت مكانش بيدينا فلوس ومكانش بيجيب اكل فى مرة اختى كانت قائمة بدرى تغسل غسيل فضربها الصبح كسرلها صوباعها كان الساعة ٥ الصبح كلمنا امى قالت تعالوا وهو كان بيطردنا كل يوم فعلا مشينا قعدنا هناك سنة ونص معاملتهم كانت جميلة جدا النفسية ارتاحت شوية بس امى كانت كل يوم تعيط على بيتها واحنا مكانش عندنا هدوم لأن احنا مجيبناش هدومنا معانا اخوالى جابولنا هدوم وهو مكانش بيبعت فلوس انا خلصت تالتة إعدادى وأولى ثانوى بس الخناق بين اختى وأما وانا مقلش هيا هيا يعنى متغيرتش واخوالى لما شافوا أسلوبها بقوا بينصحوها لما لقيوا مفيش فايدة بقوا بيتجنبوها لما شافوا امى تعبانة معاها بقوا بياخدوا امى معاهم فى كل حتة ومكان عشان متتعبش امى حالها سكر وضغط وحصو ع الكلى عدى الوقت ولرجالةو اجتمعوا عشان يصلحوا بين والدى وامى فعلا روحنا انا روحت كنت فى امتحانات اولى ثانوى الترم التانى بعد ما اتاقلمت على بيت جدى وارتحت وبدأت انى اذاكر غيرت مكانى وبيئتى تانى اثر عليا طبعا خصوصا أنها كانت فترة امتحانات ع العموم عديت الامتحانات بس من بعد ما مستوايا قل فى تالتة إعدادى معرفتش اطلع بقيت علطول فى النازل لما رجعنا بيتنا امى استهلكت حرفيا البيت كان عامل ذى المهجور كان غرابة بجد وسخ وعفن وتراب امى اشتغلت فيه لحد مارجعتوا تانى بيت بشر يتعاش فيه لما خلصت والدى رجع تانى لعادتها القديمة عراك وخناق لدرجة أنه جهز الشنط لأمى ولم هدومنا وقالها روحى عند اهلك انتى وعيالك امى رفضت لحد فى يوم بعد ما اختى جات من عند بيت جدى لأنها كان عندها امتحانات وقالت هخلصها وبعد كدا هاجى فى اليوم ده جاه لأمى الحصة وتعبت جدا هو كان فى اوضته مرضيش يطلع حتى يشوف ايه اللى حصل رنينا على خالى كانت الساعة ٣ الفجر جه هاد امى فضلت هناك يومين لحد ما اتعافت بعد كدا رجعت عدى فترة قصيرة امى تعبت تانى امى قالت ودونى عند أعلى فعلا فى اليوم ده لميناء هدومنا كنت أنا وامى اختى واخويا ومشينا لما كنا مشايين انا واختى وشايلين امنا قالنا تمشوا بس تسببوا الهدوم اللى هيا هدومنا يعنى اخواته سكتوه ومشينا روحنا عند بيت جدى تانى للعلم أن جدتى من عند امى ميتة وجدى برضو يعنى اخوالى وزوجاتهم زوجات اخوالى عاملوا امى كويس جدا جدا جدا كان بيجروا لو طلبت حاجة قعدنا عند بيت جدى بقى حالتنا النفسية ارتاحت مع أن أحوال اخوالى المادية تحت المتوسط بس ما سبوناش خالى كان مريض بس نزل الشغل عشان لو احتجنا حاجة اخوالى بقو بييجو كل شهر عشان برضو والدى معطناش فلوس يعنى كله من اخوالى المهم واحد من اخوالى اتجوز وجاب واحدة جميلة من كل النواحى لقيت انها نفس تفكيرى يعنى نقعد نتكلم مع بعض لفترة طويلة اختى بدأت تغير وتقول اذاى تكلمها كرهت مرات خالى دى الخناق ذاد عشان اقعد معاها حتى لو كان غصبن عنى خلت. اخوالى يمنعونى غصبن عنى ويخلونى ابطل اكلم مرات خالى عدى وقت وهدى الوضع شوية لحد ما طبعا قلت كلمة معجبتش اختى الخناقة قامت خاصمتها فبقيت بقعد مع مرات خالى تانى مهو اختى مش بتطيقلى كلمة ودائما بتاعرك معايا وامى بتتعب فى النص عشان تفض الخناقة ولازم امى تاخد صف حد اختى كانت بتقولها انها دائما بتاخد صفى انا ومبتقفش معاها يعنى مبتقفش مع اختى فأنا قلتلها لما نتخانق يا امى ابقى اقفى معاها هيا انا مش بزعل فعلا امى بقت بتقف معاها وتغلطنى انا وتطلعها صح انا مش زعلانة لأن انا كنت بسكت والخناقة بتخلص بسرعة بس امى كانت تفضل تعيط انا تعبت فاتجنبتها خالص لما بتيجى تكلمنى انا بصدها ومبقتش بحب اكلمها لانى بتعب بجد لأنها واحدة بجد فاضية وانا مش قادرة كل شوية على الخناق وامى صعبت عليا فاتجنبتها سبت الشقة خالص وقعدت فى شقتك مرات خالى واتفاجئت بقى النهاردة أن امى زعلانة وبتقول انتى بتحبى مرات خالك اكتر من اختك فخليكى معاها بقى وملكيش دعوة باختك انا اتفاجئت بصراحة لأنها هيا اللى كانت بتتعب بسبب اللى بيحصل انا واختى فقلتلها انا مش هكلم واحدة مستنيالى غلطة عشان تيجى تقولك انى غلطت اختى دائما عائشة دور الضحية مع انها المذنبة فأنا مش هقدر انى اكلم الشخص ده اللى هيا اختى يعنى طبعا هيا كرهت مرات خالى حتى بتشتمها بس مش بتدخل لان انا تعبت بجد منها حب التملك ده تعبت منه وكرهته وكرهت نفسى بسببها امى بتقولى انتى مش قابلها بس دى بنتى وانا قابلاها ومش نغيرها انا عارفة أن موقف امى صح بس ده كل شوية بيأثر عليا ومش من دلوقتى حب التملك دا كان قبل كدا بنت عمتى وبعدين بنت عمى وجيرانا كل ما تلاقينى بكلم حد تفضل لحد ماتخلينى اقطع علاقتى بيها انا تعبت بجد اوى انا دلوقتى فى تالتة ثانوى يعنى عدى سنة و٣ شهور بعد ماجينا تانى مرة من بيتنا انا والمشاكل مابتخلصش والضغط اللى عليا انا كل يوم ببقى نفسى ما اقومش من النوم ولو بتسألوا اذا كان والدى سأل علينا فلا مسألش علينا تأتى ولا مرة فى السنة وال٣ شهور دول انا مش زعلانة انا اصلا كرهته وبدعى عليه فى كل صلاة أن ربنا ينتقم منه وحسبى الله ونعم الوكيل ممكن تقولولى اعمل أو اتعامل ازاى مع امى واختى لأن امى التانية بتضغط عليا عشان اكلمها اعمل ايه انا تعبت بجد اعمل ايه فيدونى
للاسف موش عارف حل ليهم بس انا شايف انك عندك فرصة انك تبعدي عن اختك المريضة نفسياً .هي انك تستغلي انك في ثالثة ثانوي وتحصل علي تقدير ممتاز ومن هنا هتتغير حياتك وتفكرك وهيكون عندك هدف يشغلك وساعتها موش هتفكري لا في اختك المريضة واسف علي لفظ بي هي كده للاسف ولا حتي في ابوك لكن احب اقولك إن امك تستهل تاج من ذهب 👑 علي الصبر دا الثانويه فرصه انك تبعدي عن البيت ويكون ليك هدف وكمان علشان تفرحي امك هي بجد تستاهل تفرح وعل الله يحدث بعد ذلك أمرا، علاقة والدك مع امك ممكن تتغير في وقت للاحسن بس اهم شئ مستقبلك انتي في مرحلة فارقة في حياتك ومهمة جدا وربنا معاك
تم النشر الاثنين، ٩ أكتوبر ٢٠٢٣
الله يعينك ويهديهم غالب الامراض النفسية طالعة من الاهل على طول ربنا يهديهم
تم النشر الأربعاء، ١١ أكتوبر ٢٠٢٣
كل ما بتكون المشكلة تخص القريبين مننا بيبقى وقعها اصعب علينا واقوى افراد من اهلنا مختارناهومش ومختلفين معاهم ...بس هما لسه اهلنا بردوا بيفضلوا ليهم عندنا الحق بتاع صلى الرحم اللى ربنا قال عليه اختك تعامليها بالحسنى وبدون خصام ...فقط اصنعى مسافه تحميكى مما يؤذيكى كذلك امك كذلك ابوكى ارفضى اللى هيكون فيه ضياع لحقوقك ولو حد اذاكى ردى وخدى حقك ادعى لاختك بالهداية احمدى ربنا على كل شىء ولعل الله يغير الاحوال للافضل زى ما سخرلك اخوالك الطيبين اللى عملوا اللى الاب معملهوش ..ربنا الحافظ يا بنتى . متزعليش من امك ...هى مذبذبه وتعبت ...وانتى لما كنتى بعيد اختك اخدت فرصه اكبر تيسطر على تفكيرها بوجهة نظرها هى .
تم النشر الاثنين، ٩ أكتوبر ٢٠٢٣
حاولي بقدر الامكان انك تمسكي العصاية من النص... بس الاول حاولي انك تتكلمي مع والدتك، هي طبعا بتحبك وباذن الله هي هتتفهم ده. يعني يكون سياق الكلام في الشكل ده ( حضرتك شايفة ان قد ايه مثلا محتاجه اني اتكلم مع حد يكون مقرب ليا ويفهمني، وانتي شايفة اختي بتعاملني ازاي! يعني لو كانت هي بتتعامل كويس انا كنت اخدتها ك اول شخص قريب مني، ولكن برضه انا بحبها لانها هتفضل اختى، بس ليه تحرميني من اشخاص انا بحبهم وبحب اتكلم معاهم.!).. حاولي تدخلي لها من الناحية العاطفية شوية. وفي نفس الوقت قولي انك هتحاولي انك تتقبي من اختك تاني، ولكن ف نفس الوقت مش هتيجي على نفسك. من ناحيتك بقى .. انتي جربتي ايه مع اختك مثلا من محاولات وفشلت! يعني الاكيد ان محاولاتكم معاها كانت غلط، لما كنتم بتروحوا وتقولوا لها معلش وتعالي واحنا غلطانين هي كل مرة طبيعي انها تتمادي معاكم اكتر واكتر، ف انتم منتظرين منها ايه؟ حاولي انها متخليهاش تعاملك ب اسلوب انتي مش عايزاه، ومتمادش معاكي ف الكلام، وف نفس الوقت قربي منها تدريجيا.
تم النشر الاثنين، ٩ أكتوبر ٢٠٢٣
لعرض السؤال في فدني اضغط هنا