لو امك بتطنش توديكي الدكاترة ممكن تروحي مع ابوكي أو تاخدي حد من قرايبك يمكن هي مش فاضية مثلا اللي خلاني التزم عالصلاة اني فهمت ان انا اللي محتاج الصلاة يعني اما بفوتها كدا بضر نفسي، اربطي مواعيدك بالصلاة متخليهاش حاجة فرعية يعني مثلا وقت المذاكرة قولي هبدأ بعد صلاة العشا و اما العشا تأذن تصلي بعدين تبدأي مذاكرة وكذلك مع باقي الصلوات وخلي السجادة والعباية جمبك عشان متتكاسليش لازم تفهمي ان الاغاني مفيش منها اي فايدة وارهاق للعقل والمشاعر فالفاضي وانسب وافيد حاجة تبدلي الاغاني بيها هي البودكاست هيفيدك جدا وهتلاقي انك كنتي بتضيعي وقت في سماع الاغاني وبالمرة اسمعي بودكاست عن الصلاة أو سماع الاغاني هتلاقي فكرك عنهم اتغير تماما، احسن قنوات بودكاست : ايه المشكلة، وعي ، احمد عامر السيرة النبوية، حازم الصديق
مبدأيًا انت ممكن تروحي للدكتور لوحدك ممكن تقوللها انك هاتروحى للدكتور وعاوزه منها فلوس مارضيتش قوللها هاروح احجز درس او اي حاجه وتروحى للدكتور ولما ترجعى تقوللها انك روحتى للدكتور عشان ماتبقيش كذبتي عليها ولاززم تروحى الموضوع مايتسابش ، موضوع خناقات اهلك لو انت مش عضو فيها روحي ذاكري بره فأي حته مريحه بالنسبالك لو مش هاتعرفى حاولى ترتبي كلامك وتروحى تقوللها ان خناقاتهم مأثره عليكِ وان السنه كده هاتضيع منك وهاتضيعي تعبهم معاكِ لو ماتغيروش ، بالنسبة لموضوع الصلاة : لازم تحسي بخوف من الموضوع وأن ربنا مُطلع عليا كل يوم مستنيني اقابله وفى الاخر بخذله او بقابله متأخر ، كل ماتسمعى اذان افتكري على طول ان ربنا مستنيني دلوقتي ولازم أقابله لأن مقابل ده كل الخير في حياتك هاييجي هاتعرفى تذاكري وهاتعرفى تتخطي مشاكل اهلك هاتعرفى تظبطي الحاجات الملغبطه فى حياتك الصلاه أسلوب حياه مش بس دين وخلى بالك لو فوتتيها هاتضيعتي الخير اللى فيها ، أظبطي منبه قبل معاد الصلاة بعشر دقايق بحيث انك تبقى عارفه ان بعد عشر دقايق هايأذن وتروحى تتوضى على طول ، وموضوع الاغاني فى الاول لازم تمسحى الابلكيشين اللى عليه اغاني والاغاني اللى على موبايلك حاولى بجد تاخدي القرار ومش هاتندمى عليه نهائي ، الاغاني بتدي مشاعر مزيفه لو مضايقه من حاجه بسيطه هاتخليكِ تفتكري اللى ورا واللى قدام ولو قاعده عادي مافيش مشاعر معينه حاسه بيها وسمعتي أغنيه رومانسيه هاتحسي بمشاعر رومانسيه وممكن تحببك فى شخص وموال كبير ولو سمعتى اغنيه عن المستقبل هاتحسي انك عملتى كل حاجه وانت لسه قاعده على سريرك فامتخليش الاغانى تتحكم فى مشاعرك عشان شوية احاسيس مؤقته خليكِ فى القرآن اللى احاسيسه دايمه وتحسسك بسكينه وراحه لقلبك 🤍 روحى تحفيظ قرآن او هاتي محفظه البيت ، والاوقات اللى بتخليكِ محتاجه للأغانى بدليهم ببودكاست زي ' من زكاها _ كنبة السبت _ وسق _ رذاذ _ السيرة النبوية لأحمد عامر _ إرث _ ساندوتش ورقى _ أريكة _ وعي _ أخضر ' كلهم أحلى من بعض أسمعيهم ونقى اللي يعجبك ياجميل أهم حاجه تركزي فى دراستك عشان تطلعى الحاجه اللى نفسك فيها ربنا يوفقك 🫶🏻
تم النشر الأربعاء، ٢٠ سبتمبر ٢٠٢٣
اقنعت ماما واخيرا وافقت الحمدلله مع انها بتأخر شويه بس هتوديني وبدأت اصلي بإنتظام بحاول اني ما افوتش اي فرض اما بالنسبه للاغاني صعب اوي انقطع عنها فجأه بس انا بقيت اسمع ٥ دقايق بدل ساعتين ودا تقدم كبير الحمدلله ربنا يهديني وشكرا جدا علي نصايحك
تم النشر الأربعاء، ٢٠ سبتمبر ٢٠٢٣
لعرض الإجابة في فدني اضغط هنا