مبقتش قادرة احب باقي صحابي بعد وفاة صديقتي المقربة وكره أكون معهم وفي مشاكل كتير
وبقيت مش عايزه اكلم حد ولا طايقه حد وحاسه ان انا مش زي باقي الناس
اللي إنتي بتمري بيه ممكن يكون مرتبط بشكل كبير بفقدان صديقتك المقربة، وعايزك تفهمي إن فقدان شخص كان قريب منك بالشكل ده مش مجرد غياب إنسان من حياتك، لكنه كمان فقدان لجزء من تفاصيل يومك. ولكن: مش لازم تحبي باقي أصحابك بنفس الطريقة. صديقتك كان ليها مكانة خاصة، ومش مطلوب منك تستبدليها بحد أو تدي باقي أصحابك نفس المساحة اللي كانت ليها. ممكن تكوني مش رافضة الناس، لكن رافضة الإحساس اللي بقيتي بتحسيه وسطهم. لأنه أحياناً بعد فقدان شخص قريب، وجودنا وسط نفس الناس أو في نفس الأماكن اللي كنا بنشاركها معاه بيخلينا نحس بغيابه بشكل أكبر. وممكن كمان تحسي إن محدش قادر يفهم حجم اللي فقدتيه، أو إن الكلام والضحك والمواقف العادية بقت بلا معنى بالنسبة لك. لكن مهم نفرق بين احتياجك للعزلة شوية، وبين إنك تنسحبي من كل علاقاتك وتفضلي لوحدك. متجبريش نفسك على مشاعر مش موجودة. ومش مطلوب منك تخرجي مع أصحابك أو تضحكي أو تتعاملي بشكل طبيعي لمجرد إنهم متوقعين منك كده. خدي وقتك، لكن حاولي تحافظي على وجود شخص واحد على الأقل تقدري تتكلمي معاه وتحسي معاه بالأمان. انتبهي لتأثير الحزن على حياتك. يعني لو فقدان الرغبة في التواصل بقت مستمرة، ممع فقدان المتعة في الحاجات اللي كنتي بتحبيها، أو اضطراب في النوم أوالأكل، أو صعوبة إنك تمارسي حياتك اليومية بصورة طبيعية، فالأفضل تتواصلي مع متخصص نفسي. الحزن بعد الفقد طبيعي، لكن أحياناً بيكون محتاج دعم متخصص، خصوصًا لو بقى معطل للحياة. وأخيراً، افتكري إنك مش مطالبة تنسي صديقتك علشان تعرفي تحبي ناس تانيين. تقدري تحتفظي بمكانتها في قلبك، وفي نفس الوقت تسمحي لنفسك تعيشي علاقات جديدة ومختلفة. وجود أشخاص آخرين في حياتك مش خيانة لذكراها.
تم النشر الأحد، ٨ نوفمبر ٢٠٢٦
السلام عليكم ورحمه الله وبركاته الله يرحمها. كانت بالنسبه لك هي اقرب حد ليكي واكتر حد انت بتعرفي تتكلمي معاه ده شيء طبيعي جدا انك تحسي الاحساس ده لما يكون ارتباطك بصداقتك الله يرحمها كانت خصوصا لو الحدث بتاع الوفاه ده لسه من فتره قريبه فطبيعي جدا تكوني حاسه بكده حاسه انك مش عايزه تحبي حد ثاني ومش عايزه تقربي من حد ثاني وده بيبقى ااا جوه العقل الباطن خوف من الفقدان ده او وجع الفقدان ده مره تانيه فبقى لا انا ما بحبهمش ده هيكون احسن لي كثير لكن احبهم ممكن نتعرف ان انا افقد حد كده بالشكل ده ثاني اكيد ما فيش حد بيحب كده وعقلك البوطن دائما بيدفعك انك تبعدي عنهم علشان كده فادي نفسك فتره لو الموضوع لسه قريب ادي نفسك فتره اا هي فتره من الهدوء هي فتره هتعي فيها الحزن الطبيعي من غير ما اضغط على نفسي اي ضغوطات لها علاقه بعكس الحزن لانه كانك بتقولي الحزن اللي جواكي خلاص كفايه كده ويلا نكمل حياتنا عادي وده برده بتبقى من الحاجات المرفوضه اللي هو يقول لك لا مش هينفع اعيش حياتي عادي انا لسه حزين سيبي نفسك في الفتره دي الشيء الحزن زي ما انت محتاجاه وبعد كده هتلاقي الموضوع بدا يخف لوحده لو حسيتي انك مش قادره تتجاوزي الموضوع لوحدك ممكن تلجاي الاخصائي يعني بشويه جلسات بسيطه ااا يعمل معاكي تمرينات تفرغ الحزن ده بشكل مظبوط تبني افكار تخليني مبقاش عندي استعداد ان انا اوقف حياتي عشان خاطر حدث كان تقيل شويه.
تم النشر الثلاثاء، ١٠ نوفمبر ٢٠٢٦
أنا آسفة جداً لفقدان صديقتك المقربة، وأفهم تماماً كم يؤلم هذا الشعور بالنفور والانعزال عن الآخرين، خاصة عندما تشعرين أنكِ مختلفة عن باقي الناس ولا تستطيعين التواصل معهم بنفس الطريقة السابقة. هذا رد فعل طبيعي للصدمة، حيث يحاول العقل حماية نفسه من المزيد من الألم، لكنه قد يؤدي إلى شعور بالوحدة الإضافية. من منظور إسلامي، يمكنكِ الاستعانة بالصبر والدعاء، فالقرآن يذكرنا بأن "إنا لله وإنا إليه راجعون"، وهذا يساعد في تذكير النفس بأن الفقدان جزء من الحياة وأن الراحة تأتي مع الوقت. حاولي تخصيص وقت يومي للصلاة والتفكر في ذكريات إيجابية مع صديقتكِ، مثل كتابة رسائل لها أو تذكر ما كانت تتمناه لكِ، مما يحول الحزن إلى طاقة إيجابية دون الضغط على نفسكِ للعودة فوراً إلى العلاقات الاجتماعية. للتعامل مع الانعزال عملياً، ابدئي بخطوات صغيرة مثل التركيز على أنشطة فردية تعيد لكِ الشعور بالتوازن، كالقراءة أو المشي في أماكن هادئة، ثم التدرج في التواصل مع صديقة واحدة فقط عندما تشعرين بالاستعداد، مع الاعتراف بأن مشاعركِ حقيقية ولا تحتاجين لتبريرها. تذكري أن الشفاء ليس خطاً مستقيماً، وإذا استمر الشعور بالاختلاف لفترة طويلة، فكري في البحث عن أسئلة مشابهة على فدني للحصول على وجهات نظر إضافية تدعم رحلتكِ. أنتِ أقوى مما تتخيلين، وستجدين طريقكِ تدريجياً.
تم النشر الأحد، ٨ نوفمبر ٢٠٢٦
لعرض السؤال في فدني اضغط هنا