اتكلمي مع والدتك ووالدك إنه المفروض تقسموا المصالح أو إنتي يوم وهي يوم واللي متعملش مصلحتها تاخد اليوم اللي بعده كله، ممكن تكوني الكبيرة فعشان كده بيوت كتير بيبقوا شايفين إنه إن شاء الله لو جالك نصيبك أختك اللي بعدك هي اللي هتشيل. لو البيت كبير أو تفاصيله كتير مش شرط تعملي كل حاجة في يوم واحد. يعني روقي الترويق العادي ومثلا يوم هتمسحي ويوم لأ يوم هتغسلي واللي بعده هتطبقي. ولما تيجي تعملي مصلحة نادي عليها وقوليلها يلا نعمل أنا هكنس الصالة وإنتي خدي الاوضتين أو أنا هغسل المواعين وإنتي امسحي المطبخ. وأخيرا أنا برضه بشتغل أونلاين. لو محددتيش مواعيد للشغل وتاخدي أجازة بجد هتبقي مضغوطة أوي لإنه بتحسي إنك بتشتغلي 24 ساعة. يعني ممكن متبدأيش شغل غير بعد العشاء لغاية ميعاد النوم مثلا. هتلاقي نفسك بتنجزي أكتر بعدد الساعات المتواصل.
لعرض الإجابة في فدني اضغط هنا