B-L-A dede

العلاج لوحده مش كافي لو مفيش اهتمام بنظامك الغذائي، تابع مع دكتور واحد يحطلك نظام غذائي وغالبا هيديك حاجة للطفيليات والالتهابات، بس عموما أي حاجة فيها لبن أو مشتقاته ابعد عنها لإنها بتهيج القولون، الخضار الني زي الخس والجرجير والسلطة، قشر وبذر الطماطم، البقوليات بكل أنواعها، الزيوت والسمنة، ممكن مثلا تاكل رز ولسان عصفور أو شربة خضار وبطاطس ببيض مثلا، اللحوم والفراخ تكون مسلوقة أو مشوية، بس لازم تتابع مع دكتور واحد بس واستمر معاه ومتغيروش عشان هو اللي بيبقى فاهم حالتك

كل ما تبلل وشك رطبه بأي مرطب من الصيدلية زي بانثينول مثلا ومع الاستمرار هتلاقي نتيجة إن شاء الله

شفاكِ الله وعافاكِ

ممكن تكون مسدودة من الشمع أو ودانك فيها فطريات وفي الحالتين هتحتاجي تروحي للدكتور، ممكن يغسلها أو يعملها فتيل، ومتسكتيش عليها لإن وجع الأذن أبشع من وجع الأسنان.

الناس اللي عندها الضغط عالي غالبا الدكتور بيكتبلهم حاجة مدرة للبول عشان ينزلوا الماية اللي على الجسم خاصة لو كان جسمهم منفخ، وأعتقد أي حد بيبقى عنده البول ساخن بدرجة حرارة الجسم، في الزيارة الجاية للطبيب قوليله واستفسري برضه، رينا يتم شفاها على خير

لما بتقف على بوست ع الفيسبوك بتبدأ الخوارزميات تطلعلك كل المحتوى اللي شبهه فبتحس إن النساء كلها كده، أي صفحات أو جروبات مشاكل أسرية اطلع منها، لإن ليها تأثير سلبي، السوشيال ميديا مش الواقع،

حضرتك عندك السكر؟ أو اي امراض مزمنة؟

مش شرط لأ، يعني لو واحدة مش محجبة نصحت واحدة بالحجاب ده مش نفاق، ده اسمه أمر بالمعروف، ومش لازم نكون ملايكة، اللي تقدري عليه اعمليه، بل بالعكس أحيانا بننصح الناس باللي نفسنا نعمله ومش عارفين فعلى الأقل نساعد غيرنا يعمله

اسمعي فيديو الصلاة بتاع أمير منير، بإذن الله تستفادي، عموما حاولي تقولي صور جديدة، حاولي متفكريش في أي حاجة، اقفي دقيقة قبل ما تصلي وفضي دماغك، منصليش بسرعة، اسجدي بالراحة واركعي بالراحة، قولي سورة الفاتحة بالراحة عشان تنطقيها صح

وإن شاء الله لما تتعالجي ابقي اكتبي هنا وفرحينا

بصي مفيش حاجة ملهاش حل ممكن تعملي محاولات أخيرة، كلمي دكتور محمد اللي سبتلك رقمه واسأليه انستجرام، وأنا دايما هدعيلك متأيسيش كل مشكلة وليها حل

طيب بعد ما تحلقبه، هتعالجي فروتك إزاي؟ المشكلة هتفضل موجودة، ولا عابزة تحلقي شعرك طول العمر؟؟ وبعدين فيه بنات لما بيحلقوا شعرهم الشعر مش بينبت تاني، "اعرف بنات لما حلقوا شعرهم شعرهم منبتش ومحتاجين زراعة"، فرأيي متعمليش حاجة غير بخطة علاجية، وادعي دايما إحنا في أيام مفترجة ادعي بإذن الله ربنا يشفيكي شفاء لا بغادر سقما

سيبيكي من اللي بيقولك احلقية ممكن تكون قشرة مرضية عادي، الدكاترة اللي سبتلك ارقامهم ليهم صفحات ع الانستجرام ممكن تتواصلي معاهم

أنا برضه كده، بتكلم مع نفسي كتير جدا من وأنا صغيرة وأهلي كذا مرة يقفشوني بتكلم مع نفسي وأخلق حوارات وكإني بتكلم مع ناس حقيقية، المهم سألت مرشدة نفسية قالتلي إن أنا طبيعية ما دام مش بشوف أي كائنات غريبة يبقى أنا كده طبيعية، وإن ده بيكون أفضل من إنك تتكلمي مع حد عن اللي مضايقك، المشكلة بس إن الموضوع بيتطور معايا إني لو مندمجة في الحوار حدا ممكن ءتأثر وأعيط، بس ممكن تستغل ده بشكل إيجابي إنت بتقول إنك مش بتعرف تذاكر غير كدا يعني يا بختك أنا مكنتش بعرف أذاكر خالص، المهم حاول تكون اجتماعي عشان متفصل عن الواقع، وكمان عشان تحافظ على تركيزك

هكتبلك رقم دكاترة، معلش اعملي محاولات تاني... دكتور محمد عبدالرحمن 01114333560 الشيخ زايد////دكتورة علا حسام للحجز والاستعلام 01152302808 - 01021050995 مواعيد رمضان في 68 شارع جامعة الدول المهندسين السبت من ١٠ ل١١ ظهرا و الاتنين من ٨ إلى ٩ مساء او 164 نورث سنتر خلف المستشفى الجوي بشارع التسعين التجمع الخامس الاحد والثلاث من ٨ ل ٩ مساء

خلي عندك عادة التدوين، اكتبي أفكاراك واللي مضايقك في نوت، تاني شيء التدريب مهم يعني لما قبل تعملي أي رد فعل فكري رد فعلك ده هيأثر على اللي قدامك إزاي وهيوصل علاقتكم لفين بعد الموقف ده؟ وشوية شوية هتلاقي نفسك بقيتي متحكمة في ردود فعلك

جربي شاحن تاني وشوفي لو المشكلة فضلت موجودة وديه الصيانة

مش عارفة حاطط موضوع تعليمك قدامك ليه وحاطه تحت الميكروسكوب؟ ما فيه بنات كتير معاهم ثانوية عامة برضه وفيه بنات معاهم جامعة ومبيفرقش معاهم المؤهل أد ما بيفرق معاهم شخصية المتقدم، اتوكل على الله واتقدم بس أهم شيء تختار واحدة واعية ومسؤولة وعندها القدرة النفسية إنها تتغرب وعلى قدر من التدين عشان متضيعوش هناك

شوف موقع "واعي"

كنت بعاني من نفس المشكلة، جرب برشام "يورينكس urinex" جاب معايا نتيجة، وممكن تاخد معاه مضاد حيوي، بس حرقان البول لما بيتكرر لفترة طويلة بيدل على وجود مشكلة يعني المفروض تكشف

اكشفي غدة درقية

أول حاجة اوعي تفكري تسيبي الييت لإنه الشارع مش هيرحمك، تاني شيء اشتكي لحد كبير جدك مثلا أو عمك حد بيعرف يتكلم معاهم وله كلمة عليهم

اه الحمل المنزلي مش دقيق أوي، اعملي اختبار حمل رقمي في المعمل