انا من وانا في كيجي وانا اصحابي بيتنمرو عليا وثقتي في نفسي قلت خالص ولحد دلوقتي ثقتي قلت لما باخد مثلا اجازه من الدراسه الي هي اجازه اخر السنه بفضل قاعده في البيت ولما باجي انزل ببقي خايفه وممكن انزل الشارع افضل افكر كتير ويبقي عاوزه اعيط وضربات قلبي بتزيد بخاف من نظره الناس ليا ولما بحاول اقنع نفسي اني جميله وبنسي ويبقي قاعده في البيت القي ماما بتقولي خسي انتي طخينه والكلام ده ساعتها بحس الي كل حاجه رجعت تاني وادخل اوضتي افضل افكر كتير واقول في مخي انا وحشه فعلا محدش هيحبني خالص وليهم حق ميحبونيش علشان انا مش حلوه انا نكره وافضل افكر واخاف انزل دروسي وانا بردو قاعده في دروسي ممكن مركزش في الشرح وافكر في الحاجات دي تعبت وكمان انا بحب واحد بس من طرف واحد بس لما بفتكر شكلي أو اسمع كلمه الناس بتتريق بيها عليا بفضل اقول عندهم حق ومحدش هيحبني ولا هو كمان عندو حق انا مستحقش حاجه انا دلوقتي في ثانوي ده لدرجه تنمر الناس عليا وانا في ابتدائي كنت ماشيه في الشارع كان في عربيه نص نقل ماشيه وعليه ولاد صغيرين قالو بصوت عالي وحش وتفوق عليا بجد مش قادره الموضوع مأثر عليا زهقت بقيت احس الي انا مستحقش حاجه الي هو انا مولوده ليه اصلا وقلبي بقي يوجعني مع ديق تنفس
اولا انا آسفة خالص ليكي و أن الناس مش مدركة قد ايه انتي جميلة. ثانيا انا مريت بنفس الي انتي مريتي بيه و هقولك عملت ايه عشان اتغلب على موضوع الثقة في النفس و لو شوية على الأقل اول حاجه عملتها اني اهتميت بنفسي اهتميت ببشرتي و عالجت المشاكل الي فيها و اهتميت بصحتي اكتر و لعبت رياضة و خسيت و بدأت اثقف نفسي و خصوصا في علم النفس و بدأت اني مهتمش اوي لرأي الناس و اهتميت بدراستي و نضافتي و مضافة اللبس و أن البس الي مريح كل الحاجات دي بتزود الثقة في النفس بشكل رهيب و عن تجربة حاولي بالتدريج واحدة واحدة انك تعملي منهم حاجه كمان حاجة يمكن سمعتيها مليون مرة قبل كده و هي ان الي بيحبك هيحبك بكل حاجة فيكي و أن مفيش حد وحش لأننا خلق الله و خلق ربنا عمره ما كان وحش انتي بس مش عارفة تظهري جمالك و قوتك الداخلية و الحاجات الي قولتلك عليها فوق صدقيني بجد هتفرق جدا جدا في ثقتك في نفسك و كمان في جملة حلوة اوي و تأثير تطبيقها على أرض الواقع فعال جدا عن تجربة "fake it till you make it" بإختصار شديد اصطنعي ثقتك في نفسك لحد ما هتلاقيكي واثقة من نفسك فعلا و حاجة كمان ادركتها بعد معاناة لفترة طويلة من مشاكل الثقة في النفس و اضطرابات الطعام و هي ان بجد بجد الي هيحبك مش هيفرق معاه انتي تخينه او رفيعة سمرة او بيضة لأن الي بيحبك بيحب روحك و شخصيتك عشان كده اهم حاجه لازم تشتغلي عليها هي انك تطوري من شخصيتك و تثقفي نفسك و كمان من الحاجات المهمة و الي بتفرق برضو و هي انك تهتمي بنفسك و مظهرك الخارجي حرفيا مجرد حاجات بسيطة تعمليها في شكلك الخارجي هتبينك احلى ذي ان لبسك يبقى مكوي و نضيف و ريحتك تبقى حلوة دي ابسط الحاجات الي اي حد يقدر يعملها و بالنسبة للبيئة الي عايشة فيها من اهل و صحاب متنمرين: الأهل ببساطة تجاهلي تعليقاتهم و سيبي المكان في كل مرة يتنمروا فيها او انك تردي عليهم بأسلوب يبين انك حابة نفسك كده و متقبلة نفسك ذي مثلا "انا حابة نفسي كده و راضية عن شكلي" او " الشكل الي مش عاجبكم ده خلقة ربنا و كده انتم بتسخروا من خلقة ربنا" او " العيون الجميلة بس هي الي بتشوف كل حاجة جميلة عشان كده انتم مش شايفين جمالي" بالنسبة للصحاب فدول اصلا مش صحاب الي بيتنمروا على صحابهم عمرهم ما كانوا صحاب عشان كده ابعدي عنهم و اتعرفي على ناس جديدة و افتكري ان مش كل الناس وحشة و هتلاقي اصحاب افضل من دول و كمان اهم حاجه انك تعملي الي قولتلك عليه فوق عشان ثقتك في نفسك تزيد لأن الناس مش هتشوفك حلوة غير لما انتي تشوفي نفسك كده و مش هيحبوكي غير لما تحبي نفسك و اتمنى اكون افدتك و لو بكلمة 💖
تم النشر الثلاثاء، ١٦ يناير ٢٠٢٤
والله يا بنتى موضوع التنمر ده ضرورى انتى اللى تعتبريه مرايه وتكسريها ونشوف بقى مرايه نضيفه نبص لنفسنا فيها واحلى مرايه هى مرايه االخالق اللى خلقنا فى احسن صورة ...احسن ترتيب للاعضاء وافضل شكل بين كل المخلوقات كرمنا رب العالمين ولا شىء يساوى ولا يعلو على تكريمه فقط اذا ركزتى على هذة الفكره واكتسبتى ثقتك من هنا ...تتبدل الوان الحياه وبتغير تأثرك بكل ما يقال من حولك
تم النشر السبت، ١٣ يناير ٢٠٢٤
لعرض السؤال في فدني اضغط هنا