اول حاجة تعمليها تهدى ع نفسك شوية.. إحساس الندم وجلد الذات دا مش صحيح تماما ومينفعش تكونى عايشة فيه.. انتى مش مسئولة عن عدم وجود والدك ولا مسئولة عن انك تسدى الفراغ الى سايبه.. لازم تعرفى دورك اى ومسئولياتك اي بالضبط وحطى حدود لدورك عشان تعرفى اولك من آخرك.. الحاجة التانية اصعب حاجة على الواحد انك تحس انك مش كفاية او مش بتعمل حاجة مفيدة لحد بتحبة وبتحس بالمسئولية ناحيته - انتى حاسة بالفشل تجاه اى حاجة تخص مامتك واخواتك- متربطيش نفسك بيهم وبرؤيتهم للي انتى بتعمليه بصى ع الناحية التانية انتى بتعملى اقصى حاجة عندك ومن قلبك يعنى مش مستخسرة فيهم حاجة! فين تقديرك لنفسك ( هو لازم تتقدرى بس متستنيش تقدير من حد غيرك).. تالت حاجة فى وسط كل دا ماتنسيش نفسك انتى تايهة لانك معندكيش هدف واضح عايشة لغيرك وشايفة إنه مش كفاية.. انتى عمالة تستنزفى فى نفسك وخلاص لحد مابقيتى مش حاسة بيها..
لعرض الإجابة في فدني اضغط هنا