بصي، أهم حاجة دلوقتي نفهم شدة حالتك عشان نعرف نتصرف صح، مش كل دور برد يستاهل مستشفى، لكن برضو في حالات مينفعش نتهاون فيها. ف جاوبي نفسك على كام سؤال مهم في صعوبة في التنفس أو نهجان؟ الألم في الحلق لدرجة إنك مش قادرة تاكلي أو تشربي؟ التعب مخليكي مش قادرة تقومي خالص ولا تقدري تتحركي شوية؟ لو في أعراض قوية زي حرارة عالية جدًا مستمرة أو تعب مش طبيعي، ساعتها الصحة أهم من أي امتحان، و كمان ممكن اعرف انتي ف اي سنه دراسيه؟ لان لو حالتك صعبه اوي زي م بتوصفي كدا يبقي صحتك اهم فعلا..و راي اهلك و دورهم اي؟ هل شايفين انك تاجلي السنه لو ينفع و لا اي؟ كمان سؤال..هل لاحظتي اعراض سحر او حسد ولا حاجه؟ لان تكرار الموضوع ف اوقات مهمه زي كدا لازم نبصله من ناحيه تاني كمان صحتك نفسها هل في وجع او تعب ف حاجه معينه ولا دا بيجيلك مره واحده كدا؟ و من رايي تأجيل سنة أهون بكتير من إنك تضغطي على جسمك وتحصلي مضاعفات.لو التعب شديد فعلا لكن لو حالتك متوسطة مثلا برد شديد وتعب بس تقدري تتحركي حتي لو بالعافية، يبقى الحل مش إنك تضغطي على نفسك 100%، ولا إنك تسيبي كل حاجة ذاكري على خفيف جدًا وانتي على السرير، مش لازم مكتب ركزي على أهم النقاط أو الملخصات، مش المنهج كله اشربي سوائل كتير جدًا ونامي كويس، لأن ده جزء من العلاج مش رفاهية خدي علاجك بانتظام، والمسكنات لو بجرعات صح مش خطر، الخطر في الاستخدام العشوائي انتي مش مطالبة تكوني في أفضل أداء، انتي بس تعملي اللي تقدري عليه في الظروف دي. الضغط النفسي هيزود التعب أكتر. و الاهم لو تقدري تروحي لدكتور كشف سريع من غير حجز (عيادة عادية أو طوارئ خفيفة زي ما حصل قبل كدا) يبقى أفضل حل وسط، عشان تطمني وتاخدي علاج صح من غير ما يضيع وقتك كله. الفكرة مش "يا أذاكر يا أتعالج"، الفكرة إنك توازني بينهم على قد حالتك، وجسمك له حق عليكي برضو. ربنا يشفيكي يا رب و يسهلك امورك و امتحاناتك 🤍
عفوا ي حببتي 🤍
تم النشر الاثنين، ٢٠ أبريل ٢٠٢٦
@ᡴ𝐴𝑠𝑚𝑜𝑟𝑎ꪫ ࣪ تسلمي لي جدا شكرا
تم النشر الاثنين، ٢٠ أبريل ٢٠٢٦
بصي انتي كدا تمام وبتتعاملـي صح، خصوصًا إنك خففتي على نفسك وبدأتي تسمعي بدل ما تضغطي في المذاكرة. وموضوع إنك بتتعبي قبل الامتحانات ده غالبًا من الضغط والتوتر، وده بيحصل مع ناس كتير فعلًا. وكمان انتي لسه في أولى ثانوي، فمش محتاجة تحطي على نفسك ضغط كبير أوي، المهم تعملي اللي تقدري عليه وتعدّي السنة على خير، مش لازم تبقي مثالية في كل حاجة...كمّلي بالراحة وخدي على قد طاقتك، ومتشغليش نفسك زيادة. ربنا يشفيكي ويقومك بالسلامة ويعدّي امتحاناتك على خير وتفرحي بالنتيجة 🤍
تم النشر الاثنين، ٢٠ أبريل ٢٠٢٦
@ᡴ𝐴𝑠𝑚𝑜𝑟𝑎ꪫ ࣪ ࣪ كلامك مفيد جدا بجد شكرا ليكي انا فاولى ثانوي مينفعش أجل وانا فعلا بشرب سوائل سخنه واخدت مسكنات خلتني اقدر اتحرك انما المذاكرة دماغي تقيله ف سمعت فديو يوتيوب ♥️♥️♥️ مش بعاني من اي أمراض الحمد لله لكن معرفش بتعب قبل الامتحانات لي
تم النشر الأحد، ١٩ أبريل ٢٠٢٦
لعرض الإجابة في فدني اضغط هنا