عليكم السلام -اكيد اجابة الاسئلة دي عندك وجواك بس الواضح انك محبط تعرضت لبيئة سامة فيها صعوبات ومشاكل ويمكن كمان زهقت ومبقاش عندك طاقة 1-اول حاجة المفروض تعملها تقف فعلا قدام نفسك وتبحث جواك علي الاجابات -هل انا اقدر اتعلم لغة ؟شوف انت عندك قابلية للموضوع وهل عندك هدف عايز توصله ؟هل اللغة دي هترفعك لمكانه أعلى في شغلك ؟هل انت مستعد تدوس علي نفسك وتتعلمها علشان تحقق الهدف دا ؟ (رحم الله امرء عرف قدر نفسه ) 2-المقارنات دايما بتبقى ظالمة لابعد حد لان مش كلنا ظروفنا واحدة ومش كلنا بنمر بنفس المشاكل ولا الحالة النفسية ولا القدرات الذهنية او المادية او الجسدية لو هتقارن يبقى تقارن نفسك وبس (انا الشهر دا كنت احسن من الشهر اللي فات في الشغل حلو يبقى استمر على مجهودي او ازوده لكن مقولش ان كذا اترقى الشهر دا يبقي انا عمري ما هترقى لاء انت كدا بتكسر نفسك بنفسك) 3-كل واحد بيقي عارف قدراته وهل هيقدر يعمل الحاجة دي ولا لاء بس للاسف لما بيشغل نفسه بالناس بتقول ايه او شايفين الموضوع صعب انت اللي هتحبط وحتى لو انت قادر انك تعمل الحاجة دي هتشوفها انها صعبة زي الباقي - اتحدى نفسك وجرب اقع وقوم تاني واتعلم من غلطك. 4- مفيش حاجة اسمها فشل اثناء المحاولة يكفي انك تحاول وتعمل اللي عليك بجد ودا في حد ذاته مكسب الفشل الحقيقي انك تحط أعذار للفشل من قبل ما تبدأ. 5- الحياة دايما تتطلب المجازفة يعني تاخد الrisk من الآخر 6-اقعد مع نفسك وخد قرار انك تطنش الناس وتخلي عندك امل وحلم وشجع نفسك وابعد دايما عن اي حاجة سلبية ولو تعرضت لاي تعليق سلبي طنش بل بالعكس خده كحافز ليك آسفة على الاطالة
العفو وبالتوفيق ان شاء الله
تم النشر الجمعة، ٩ يناير ٢٠٢٦
شكراً جداً ع النصيحة ومشاركتك لرأيتك"
تم النشر الجمعة، ٩ يناير ٢٠٢٦
شكراً يا نهال على إجابتك الرائعة والمباشرة! غطيتِ جوهر السؤال بتشجيع عملي للتقييم الذاتي الصادق، تجنب المقارنات، والتحدي الشخصي – خطوات مثالية لتمييز الحدود الحقيقية عن الشكوك. برافو! 👏
تم النشر الخميس، ٨ يناير ٢٠٢٦
لعرض الإجابة في فدني اضغط هنا