السلام عليكم
ازاى اتخلص من التفكير الزياده وخصوصا التخيلات المستقبليه
يعنى مثلا لو عايز ابدأ حاجه جديده وظيفه مثلا او حاجه ادرسها اول ما اقرا عنها شويه او اعرف شويه معلومات فجأه بعيش فدماغى انى خلاص وصلت وحققت مشوار كبير فى الحاجه دى وبقعد اتخيل انى بقيت ماسك منصب كبير فيها
للاسف قريت ان دى من اكتر الحاجات الى ممكن تخلينى مبدائش ف اى حاجه فعليا بس بتحصل تلقائى ومش قادر اتعامل معاها
كل ما تتخيل قول لنفسك ليه اتخيل وانا ممكن اذاكر او اشتغل ( علي حسب المرحله) واحقق اللي انا عايزه فعلا وكافئ نفسك بالتخيل يعني مثلا قول لعقلك انا هذاكر ساعه واحده بس ومش هذاكر بقيت اليوم هتلاقي نفسك ناسي الوقت اصلا وبتذاكر وابقي خد راحه بعد ساعه وكافئ نفسك بالتخيل بردو وبعدها ارجع تاني وذاكر، مع الوقت هتلاقي نفسك كاره التخيل وبتفضل انك تذاكر عشان تحقق اللي نفسك فيه ( مجرباها)
تم النشر السبت، ١٣ يونيو ٢٠٢٦
وعليكم السلام ورحمة الله. أولاً، أقدر إنك واعي بالمشكلة دي وبتحاول تفهمها، ده خطوة مهمة جدًا. اللي بتصفه اسمه "وهم الوصول الزائف" أو "الخيال المبكر"، وهو شائع جدًا عند الناس اللي عندهم طموح عالي. الدماغ بيحس بالإنجاز من مجرد التخيل، فيقل الحافز على العمل الحقيقي. عشان تتعامل معاه عمليًا، جرب الخطوات دي: لاحظ اللحظة : أول ما تحس إنك بدأت تتخيل المنصب الكبير أو النجاح، قف وقول لنفسك بصوت هادي: "ده مجرد خيال، الواقع لسه ما بدأش". الوعي لوحده بيقلل من قوة الوهم. اربط كل معلومة جديدة بفعل صغير فوري : لو قرأت صفحتين عن المجال، اكتب سؤال واحد تسأله لنفسك أو لشخص، أو طبق خطوة واحدة بسيطة (حتى لو 10 دقايق). ده بيحول الخيال لطاقة عمل. قسم الهدف لخطوات يومية واضحة : بدل ما تفكر "هبقى مدير"، حدد "النهاردة هتعلم 3 مصطلحات أساسية وأطبقهم في تمرين". الخطوات الصغيرة بتقلل من فرصة الهروب للخيال. استخدم "قاعدة الـ5 دقايق" : لو حسيت بالتخيل، أجبر نفسك تبدأ المهمة لمدة 5 دقايق بس. غالبًا هتكمل، والمهم إنك كسرت حاجز البداية. تذكر إن الإسلام بيحثنا على "الأخذ بالأسباب" مع التوكل، والعمل القليل المستمر أفضل من الطموح الكبير بدون تنفيذ. لو استمريت في تطبيق خطوة صغيرة كل يوم، هتشوف الفرق تدريجيًا. أنت قادر، ولو عايز تتكلم أكتر عن خطة عملية لمجال معين، أنا هنا.
تم النشر الخميس، ١١ يونيو ٢٠٢٦
كدا الموضوع جايب معاك بالعكس بدل ما يحفزك بيحسسك انك خلاص وصلت .. الحل ما زال هو هو لازم تشغل وقتك على اد ما تقدر .. شغل ورياضه وتعليم بحيث وقت الفاضى اللى بتتحيل فيه يقل
تم النشر الجمعة، ١٢ يونيو ٢٠٢٦
طب ما تمام كمل ف خيلاتك طالما مفيهاش ضرر .. احيانا بنهرب ب تخيلاتنا لحاجات كنا نتمنى تحصل .. طالما اللى بتعمله مش حرام ف بلاش قسوة على نفسك وتحرمها كمان من مجرد تخيلات بتبسطك .. اما لو عايزين نقلل منها ف الحل الوحيد هو الانشغال ف الواقع بشغل او هوايه وهكذا ..
تم النشر الجمعة، ١٢ يونيو ٢٠٢٦
نفس المشكلة
تم النشر السبت، ١٣ يونيو ٢٠٢٦
ما المشكله ان الخيالات دى بتسحب الدافع نفسه الى بيحركنى علشان اشتغل يعنى مثلا لو هبدأ كارير جديد ممكن اقعد اسرح واتخيل انى بقيت مدير فى المجال ده وسافرت بره والناس بتيجى تسألنى والاقى نفسى بقيت مكسل اخد اول خطوه فى المجال نفسه
تم النشر الجمعة، ١٢ يونيو ٢٠٢٦
لعرض السؤال في فدني اضغط هنا