انا دايما حاسة ان دماغي شغالة ٢٤ ساعة حتى لو مفيش حاجة معينة افكر فيها نفسي احس ان دماغي مرتاحة اني مبفكرش في اي حاجة اني رايقة كدا ومش شايلة هم كل حاجة وبفكر في اللي فات واللي انا فيه واللي لسه جاي وممكن حاجة تافهة جدا وافضل افكر فيها بردو كتير اوي ازاي ابطل ال overthinking دا بجد
اتمني تكوني بأفضل حال اولا حاولي تنتظمي ف الصلاه والتقرب من ربنا لو متاح تنزلي جيم انزلي اتعلمي مهاره جديده املي يومك بحاجات العديد عن الفون اتعلمي اكلات جديده لو مسموح تنزلي تشتغلي انزلي افتحي مشروع صغير وانتي قاعده اتعلمي لغه جديده اقرأي كتب احفظي القران الكريم قدامك اختيارات كتير جدا المهم متسبنيش نفسك للتفكير واستعيني بالله وربنا يعينك
تم النشر الأربعاء، ٨ أبريل ٢٠٢٦
يا حبيبتي، أنا فاهمة تمامًا إحساسك ده.. الـ overthinking زي الدوشة اللي مش بتهدى، وده شائع جدًا عند بنات زيك اللي دماغهم نشيطة! بس متقلقيش، في طرق عملية تخلصكِ منه خطوة بخطوة، وهقولكِ إزاي تطبقيها دلوقتي عشان تحسي براحة حقيقية. خلينا نبدأ: 1. حددي "وقت الهموم" (Worry Time) : خصصي 15 دقيقة بس يوميًا (مثلًا قبل العشا) تكتبي فيها كل اللي شاغل بالك: اللي فات، اللي جاي، حتى التافه. بعد الوقت ده، قولي "خلص!" وقفلي الصفحة. لو رجع الفكر، قولي "مش وقته دلوقتي، هفكر فيه بعدين". ده هيدرب دماغك يرتاح باقي اليوم. 2. اكتبي و"أفرغي" الدماغ : اشتري دفتر صغير، كل ما يجيلك فكرة تافهة أو هم، اكتبيها فورًا زي "قائمة تسوق". ده بيخرجها من راسك ويخلي الدماغ فاضي. جربي كل صباح تكتبي 3 أشياء إيجابية حصلت أمس، عشان تحولي التركيز للحلو. 3. ركزي على الحاضر واللي تقدري تسيطري عليه : اسألي نفسك: "ده هيحصل فعلًا؟ ولا مجرد تخيل؟" و"أقدر أعمل إيه دلوقتي؟". مثلاً، لو بتفكري في المستقبل، قومي اعملي خطة صغيرة واحدة بس (زي "هبدأ أدور شغل غدًا"). اللي فات خلاص، استغفري الله وصفحي اللي حواليكِ. 4. روتين يومي يهدي الدماغ : نامي 7-8 ساعات منتظم (نامي بدري، قومي بدري). امشي 20 دقيقة يوميًا في الهوا الطلق، أو ركزي في الصلاة والذكر (زي "لا إله إلا الله" 100 مرة). قللي الكافيين والسكريات، وكلي وجبات منتظمة عشان الجوع بيزود التفكير. 5. تحدي الأفكار السلبية : لما يجيلك فكر تافه، اضحكي عليها وقولي "يا بنتي، ده مش نهاية العالم!" (هضحك معاكِ دلوقتي 😊). مع الوقت، هتبطل تكبريها. طبقي دول لأسبوع واحد، وهتشوفي فرق كبير – الدماغ هيبدأ يرتاح زي ما نفسكِ. لو عايزة دعم أكتر، دوري في فدني على أسئلة مشابهة عن "التفكير الزائد" هتلاقي إجابات كتير، أو شوفي الخبراء هنا: https://www.fedni.net/experts – في متخصصين نفسيين هيساعدوكِ بشكل شخصي. أنتِ قوية وقادرة، يا قمر! قوليلي إزاي مشيتِ مع النصائح دي؟ 💕
تم النشر الأربعاء، ٨ أبريل ٢٠٢٦
سورة البقرة فعلا من السور المحببة لقلبي وحفظاها الحمد لله لذلك قرائتها سهلة لكن اللي بيصعبها الكسل وربما عدم التوفيق لان العبادة عموما اللي يسهلها علينا الاخلاص في النية والمجاهدة وقتها ربنا هيوفقنا ليها .. هستعين بالله واحاول اشغل وقتي باللي ينفعني وتسلمي ي حبيبتي ع ردك♥️
تم النشر الخميس، ٩ أبريل ٢٠٢٦
عارفة والله لاني مجربة القرب منه والبعد عنه وكنت دايما قريبة رغم الابتلاءات اللي مريت بيها ولعل كل دا بسبب اني بعدت شوية
تم النشر الخميس، ٩ أبريل ٢٠٢٦
يارب .. بإذن الله
تم النشر الخميس، ٩ أبريل ٢٠٢٦
ربنا يردنا ليه ردًا جميلا يارب
تم النشر الخميس، ٩ أبريل ٢٠٢٦
ونعم بالله
تم النشر الخميس، ٩ أبريل ٢٠٢٦
شيء جميل إننا ندور ازاى نفهم مشاكلنا وأسبابها وإزاى نقدر نحلها ونتغلب عليها ، بس الدائرة دى لو مفيهاش إستعانه بالله وتوكل وإفتقار من العبد : دائرة مفرغة ، عن تجربة شخصية عمرى متغلبت على فرط التفكير إلا بالله ، ومشاكل نفسيه أكبر من كده بكتيييير بردو أتحلت بالله ، لا ملجأ من الله إلا إليه
تم النشر الخميس، ٩ أبريل ٢٠٢٦
يارب يعفو عنا جميعا
تم النشر الخميس، ٩ أبريل ٢٠٢٦
@السائلة من كلام حضرتك وردودك على الناس واضح إنك فاهمة المشكلة اللي هي الإكتئاب والفراغ ومحددة سبب عدم حل المشكلة وهو قلة أو انعدام الشغف وده مش هيتحل غير بالقرب من الله عز وجل... والمداومة علي سورة البقرة ....انتي معندكيش شغف تعملي حاجة غير سماع الفيديوهات وكذا وكذا ... حاجات ملهاش لازمه يعني... فإنتي تبدأي خطوة انهاردة اجبري نفسك لما تخلصي قراءة تعليقي هتقفلي التليفون تماماً بعدين تصلي ركعتين كدة بنية التوبة من أي ذنب وأي شيء حتي لو غيبة أو كذب أي شيء في حياتك وبنية التقرب إلي الله عز وجل بعدين تخلصي صلاة وتقرأي سورة البقرة انهاردة 5 مرات ...بكرة 3 مرات ....بعده مرة 1 واستمري على مرة 1 طب لزمة الأرقام ايه ؟عشان لو بدأت بمرة واحدة بعد كدة هتكسلي ٱنما لما تبدأي برقم كبير هتعرفي إن هي سهلة جداً جداً وشغليها في البيت واسمعيها دايماً ... ودوري علي هوايات حلوة ... من رأيي إنك تبدأي تتعلمي الكروشيه هواية حلوة خالص وبتساعد على التخلص من التفكير الزائد وحملي تطبيق بنترست هتلاقي أفكار كتيرة لحاجات ممكن تتعمل بالكروشيه ودوري برضو علي قنوات على اليوتيوب وبس ... ربنا يوفقك في حياتك ويردك إليه رداً جميلاً 🤲🌷💕
تم النشر الخميس، ٩ أبريل ٢٠٢٦
ربنا يراضيكي يارب و يشغلك بي عن من سواه و صدقيني صدقيني عن تجربه مش مجرد كلام نظري ما أن شغلكي الله به إلا و لقيتي في كل ما في حياتك بركه و سلام نفسي و هدوء و حلاوه
تم النشر الخميس، ٩ أبريل ٢٠٢٦
الله يعينك وييسر أمرك حاولى تعملى حاجة جديدة
تم النشر الخميس، ٩ أبريل ٢٠٢٦
لما بلاقى حد بيعانى من حاجه أنا كنت بعانى منها ومازلت بنسبه ، بكون نفسى اقدمله كل ال أقدر عليه ، بس صدقينى بكرر تانى وتالت وبعتزر على التكرار ، وإذا مرضت فهو يشفين ، وننزل من القرآن ما هو شفاء ورحمة للمؤمنين ، أنا دخلت العشرة الاواخر من رمضان متعاهد القرآن إن مريض وباخد علاج ، ولما بغفل عنه بقول لنفسى أنا مخدش العلاج النهارده
تم النشر الخميس، ٩ أبريل ٢٠٢٦
من رحمة ربنا إن التفكير إرادى ، ف تدريجياً كل ما دماغك تروح عن الواقع واللحظه الآنيه والوعى هاتيها تانى وقللها احنا هنا ، مع الوقت هتتعودى ، وادعى ربنا يعفو عنك
تم النشر الخميس، ٩ أبريل ٢٠٢٦
المشكلة اني فعلا فاقدة الشغف اني اعمل اي حاجة وعارفة الحلول اللي تخليني اخرج م اللي انا فيه بس مش قادرة اخد خطوة وفكرة اني لوحدي طول الوقت دي مضايقاني وادماني للفون مش قادرة اتخلص منه للاسف بس هحاول الفترة الجاية احسن من نفسي بإذن الله وتسلمي للرد ي حبيبتي♥️
تم النشر الخميس، ٩ أبريل ٢٠٢٦
لازم تشعلي يومك بحاجات كويسه تفيدك من حيث موهبه لو عندك اوأي حاجه بتحبي تعمليها أقري كتب ثقافه عن أي حاجة بتحبيها أقرئ قرأن وتعمقي ف الدين وفي السيره النبويه واسمعي بودكاست عن كده وبعد ماتعملي حاجه سبيها ع ربنا متخليش الشيطان يكون مصدر خوفك وضياع مستقبلك ف التفكير ده
تم النشر الخميس، ٩ أبريل ٢٠٢٦
المشكلة ان يومي فعلا فاضي خالص ومش قادرة اظبط نومي خالص يعني انا متجوزة وجوزي مسافر ولسه مفيش اطفال ف قاعدة ف شقتي لوحدي طول الوقت عندي دايما اكتئاب وحزن ولحظات الفرح قليلة خصوصا ان كان عندي طفل اول ابن ليا وتوفاه الله من كذا شهر يمكن كان هو واخد وقتي شوية وكمان لو فكرت اصحى بدري مبلاقيش حاجة اعملها فبفضل في السرير بقيت مدمنة ع الفون بس
تم النشر الأربعاء، ٨ أبريل ٢٠٢٦
ال overthinking عرض .. لفرط القلق ممكن .. للاكتئاب .. فالعموم الأوفر ثينكينج عرض .. بس هقولك حاجه .. نفسك إن لم تشغلها بالحق شغلتك بالباطل .. طب الحق ده ايه .. اي عمل نافع حتى إن كانت مساعده بسيطه فالمنزل .. طبخه معمول بحب و كرم .. دراسه .. موهبه .. قرآءه ..كل ده حق مش بس حق هو عباده إذا أخلص الشخص بهذا العمل التوجه الى الله .. جربي تبدئي يومك بخطه مكتوبه للمهام اللي حابه تعمليها فاليوم .. و ضيفي فيها العبادات و الاذكار و لأوقات الاختباء بنفسك
تم النشر الأربعاء، ٨ أبريل ٢٠٢٦
لعرض السؤال في فدني اضغط هنا