وعليكم السلام ورحمة الله وبركاته، طيب ما يمكن أهلك ليهم رأي وعندهم خبرة فـ بينصحوكِ ولكن أنتِ شايفه إنهم دا بـ يقلل من شخصيتك وعشان تباني قوية قدامهم وقدام نفسك بتعملي الـ في دماغك فهماني، وفي نفس الوقت إني خايفة من قرارك لذلك بلاقي التعب الـ بتقولي عليه غصة أو قلق داخلي فهماني؟ بس الفكرة ممكن أنتِ واخدة الموضوع تحدي لأزم الإنسان يلجأ لـ توجيهات الأهل حتى لو كلامهم فيه مثلًا أوامر بس غالبًا بيكون كلامهم وتوجيهم صح( وهنا مش قصدي على موضوع الِ قولتيه) بس متخديش الموضوع تحدي وتخافيهم في كل حاجة وكأنك ودا بعيدًا عن كلامك دا بر ليهم مينفعش تقفي قدامهم، بصي أمر الزواج كوني واضحة فيه مثلًا أنتِ مش مرتاحة خلاص خدي بالأسباب وشوفي لكن مش عشان أفضل أثبت نفسي وإني محدش يفرض رأيه عليا أرفض كلامهم ومسمعش ليهم، أسمعي وخدي الـ يناسبك وينفعك، عارفة لما تصدري شخصية الـ عارفة الفاهمة الـ عارفة تعمل وتقرر هتلاقي الناس بتبعد عنك لا نسمع أراء غيرنا ونشوف كلامهم ووجهات نظرهم وبعدين تطلعي أنتِ بقرار
هحاول بإذن الله تسلمي على كلامك والنصيحه💙
تم النشر الاثنين، ٢٠ أبريل ٢٠٢٦
@السائلة أيوة ففهماكِ، الحل بقى إنك تحاولي لما تحسي بمشاعر الضيقة والزعل دي تتخطيها، وتذكري ربنا فقط هتلاقي الأمر عادي! وبعدين طالما مثلًا قراراتك صحيحة مفيش مانع من الاستخارة والاستشارة الأهل كل همهم إنك تكوني الأفضل، بعد ما تأخدي قراراتك أخبريهم وفهميهم وجهة نظرك عشان متحسيش إحساس قلق داخلي حاولي ديمًا توازني.
تم النشر الاثنين، ٢٠ أبريل ٢٠٢٦
هو في جزء فعلا صحيح وهو اني اوقات ببقى لسه بجرب ومش متاكده من قراراتي فهما عندهم يا ابيض يا اسود يعني يا اسمع كلامهم بالظبط وهو مش مريحني يا امشي ورا دماغي بس اللي هو ابقى مع نفسي بقى فاهماني؟ لكن بالعكس والله انا بحب اسمع واخد ارائهم وببين ضعفي عادي بس بحسهم بيخافو عليا اوي اما ببين ضعفي ويمكن فكرة اني ابان قويه ده مش انا ده اللي هما محتاجين يشوفوه مني عشان يرتاحو، فكتير ببقى في مواقف في بدايات ومش متاكده والاقيهم طالبين مني قرار واضح والا ابقى صغيره ومش عارفه اخد قرار وياخدوه بدالي وعشان كده بنفر ومبحبش اسمع منهم الصراحه او اوقات كتير باخد قراراتي لوحدي في حاجات محدش يعرفها عني بس بحاول حقيقي اوصل لتوازن في النص انا بس مشكلتي اني مش فاهمه ليه في اوقات القرارات الكبيره طالما بعمل اللي عايزاه في الاخر حتى لو بعد صراع بس ليه بحس بالتهديد الشديد وكأنه حد غصبني فاهمه قصدي؟
تم النشر الاثنين، ٢٠ أبريل ٢٠٢٦
لعرض الإجابة في فدني اضغط هنا