فى كل علاقتى انا دائما الطرف الأكثر حماسة..احببت ولم اجد تبادل واشعر بالغصة حتى الان .

Question

من ٣ سنين شوفت واحد وأعجبت بيه اول مره اهتم بتفاصيل حد بالشكل ده اول مره افرح بالطريقه دى لما اشوف حد كده وابقي مش طايقه نفسي لو عدا يوم مشوفتهوش ، الشكل ده كان بيدينى نظرات متبادله يمكن كان نفسي اطمن نفسى بكلمتين ف اقتنعت انو بيحبنى ، كانت أول مره في حياتي احب فيها مكنتش عارفه اتعامل ازاى بس الى كنت مدركاه أن الشخص ده مكانش واخد جزء من يومى ده كان واخد يومى كلو فى التفكير مكنتش يركز فى الدروس بسبب انشغالي بكل حاجه كنت مغيبه فى الوقت الي يشوفها فيه لدرجه انى فى ناس حواليا لاحظوا انى بحبو منغير ما اقولهم من طريقتي استنيت كتير بس هو مرداش يدخل يكلمنى حطيت ليه اعذار كتير الحقيقه انا معرفش هو كان بيحبنى ولا لاء بس فى تصرفات ممكن تكون عاديه بس عقلي بيقنع قلبي انها كانت مقصوده وانو بيحبنى ، زى انو يبص عليا وانا بتكلم بقول معجب رغم انو ممكن يكون بيبص عادى بس عارفين لما تحاولوا تصدقوا قصه انتوا مبسوطين بيها ؟ ، المهم انا دخلت كلمتو انا كنت فى حالة اللاوعى وانا بخترع سيناريوهات انو بيحبنى انا مدخلتش كلمتو من الأكونت بتاعى بس كان معايا اكونت صحبتى وهى كانت عارفه هما كانوا عاملين فولو لبعض عشان كانوا من ابتدائى صحاب المهم دخلت كلمتو علي أساس أن هى إلى بتتتكلم ف هو قال انو مش عاوز يكلمنى واتأسفلها قالها لا معلش انا بحب حد تانى الجمله دى كانت كفيله تدمرنى واحد الان انا واخده علي خاطرى معقول كل ده كان صدفه ؟ معقول كل ده دماغى هى الي بترجمو غلط ؟ المشكله ان البنت الي بيحبها دى طلعت واحده صحبتى جدا والاسوأ طلعوا مرتبطين من ورايا يعنى كنت بحكيلها انى بحبو وهى اصلا بتكلمو! المهم يجماعه مر وقت كتير مر سنين بجد علي الموضوع والغريب أن بالرغم من كل ده وانى مستحقراه إلا أن انا بجد كل ما اشوفو فى الشارع كأنى بشوفه لأول مره بحبو وبنجذب ليه كأنى اول مره معرفش اشمعنا بجد ، المهم الي انا محتاجه رأيكوا فيه هو أن البنت دى مش عاوزه اتكلم عليها لكن انا هوصفها هى ك صديقه لا تؤتمن وبتخون ودايما معروفه أنها عينها علي حبايب صحابها حرفيا ارتبطت بكل الناس وارتبطت وهى بتكلم ومع ذلك هو كان بيحبها وهى سابتو بدون عتاب وارتبطت بصاحبو وبردو لسه بيعشقها مش بس بيحبها انا مش فاهمه ليه ممكن انسان يعمل فى نفسو كده بجد ؟ ليه ممكن حد يكون قدامو اختيارين واحده بياعه وبتخونو وواحده لو تطول تجيبلو نجمه هتعملها وبالرغم ده يتعب فى نفسيتو ليه بجد! هو لسه بسحبها لسه مش عارف ينساها وانا مستغربه ليه محبنيش انا والموضوع ده عدا عليه سنين ولحد الان مش عارفه اتخطا خيانتها ولا انى اتصدمت فى نفسى لانى طلعت معلقه نفسي علي الفاضي وثقتى اتدمرت وبقيت عارفه انى مش قد المقام وانى علطول طرف تالت وكمان فى صاحبه كانت قريبه منى جدا جدا جدا حرفيا والكل دايما بيقول أننا قريبين اوى وبالرغم من ده اتخلت عنى بسبب واحده تانيه وده مخلينى مدايقه من نفسي وانى دايما طرف تالت وانى حد قليل جدا علي اى حد وانى لو اتحبيت تبقي كرم من عند ربنا أو جبر خاطر رغم الصدق الكبير جدا فى مشاعرى ومحولاتى الكتير انى اكون طرف تانى يتحب

Accepted Answer

الحب لما تبقى لسه بتتعرفى عليه ...بتبقى فاكره ان دقات القلب السريعه الفجأه دى اسمها حب ....ان الخيالات الحالمه دى هى الحب ولا اى حاجة من دى حب ...انتى عامله زى الطفل اللى لسه بيتعلم يمسك المعلقة فطبيعى بيقع منه كل الاكل ومبيدخلش فمه الا حباية ارز واحدة كل اللى بتقوليه هو من باب ( التلطيش ) حرفيا - فى عالم المشاعر ولا ده حب ولا دى خيانه ولا دى تساؤلات اصلا تدورى ليها على اجابات

فى كل علاقتى انا دائما الطرف الأكثر حماسة..احببت ولم اجد تبادل واشعر بالغصة حتى الان .

نفسية

اجتماعية

علاقات

حب

أصدقاء

سؤال من احد أعضاء فدني

تم النشر السبت، ١٦ ديسمبر ٢٠٢٣

1 إجابة

7 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك