في بائع كبير لاحظت في التعامل معه الفترة الأخيره
إنه بيحاول يسألني أسئلة شخصيه كتير
يعني مثلًا هتمتحني إمتى ولبستي النقاب ليه أبوكي غصبك عليه وانتي لبستيه لوحدك قولتله بنبرة حازمه مفيش حد بيغصب حد على حاجه ، فضل يبرر ويقولي أنا بتحاور معاكي بس وأنا عارفه أصلًا إنه عاوزة يتناقش وكده ،، بس هو مش فاهم ان ده حرام
خدت الحاجه اللي أنا رايحه علشانها ومشيت
البائع ده جارنا قبل ما ألبس النقاب كان ما بيتكلمش كده
بعد ما لبسته بقا بيكلم معايا في أي حاجه فاضيه لما أروح أشتري حاجه
حاسه إنه بيحاول يكسر الحاجز اللي أنا عاملاه
وحاجه تانيه وهي اني ببقى مثلا عاوزه أبتعد أو أنهي تعامل بس من غير ما أصرح نيتي الحقيقة فلما ببعد الشخص بيفسر مع نفسه إن آخر موقف هو السبب في إني بعدت وده بيسبب عنده فهم غير دقيق فهل ده عادي
بصي يا بنت الناس إحساسك صح ومفيش أي غلط في اللي بتعمليه الراجل ده بيحاول يكسر الحدود اللي بينكم وأسئلته مالهاش أي لزمة فإنتي صح لما قفلتيه في الكلام ونصيحتي ليكي اقطعي رجلِك من المكان ده خالص وماتروحيش تشتري منه تاني وريحي دماغك ومن ناحية هو بيفسر إيه ولا بيفهم إيه فولا يشغلك وماتبرريش غيابك ولا نيتك لأي حد يتعدى حدوده معاكي إنتي مش مجبرة تفهميه حاجة وأهم حاجة راحتك وأمانك ونفسيتك واللي يعمل كدة يتساب ويمشي علطول من غير كلام ولا سلام
تم النشر الخميس، ٤ يونيو ٢٠٢٦
نعم، المفروض تحافظي على حدود واضحة وتقللي التعامل قدر الإمكان، خاصة إن الرجل ده بيحاول يكسر الحاجز بالأسئلة الشخصية. ده مش مجرد حديث عادي، وفي الإسلام التعامل بين الرجل والمرأة الأجنبية لازم يكون محدود وضروري فقط، بدون فتح باب للكلام الفاضي. نصائح عملية: كوني حازمة ومختصرة في الردود، ولو سأل سؤال شخصي قولي بلباقة: "مش بحب أتكلم في مواضيع زي دي" ثم غيري الموضوع أو انهي الحديث. لو ممكن، غيري المكان اللي بتشتري منه أو اطلبي حد تاني يجيب الحاجات بدلك. لو استمر في المحاولات، ابتعدي تمامًا عن التعامل معاه عشان تحمي نفسك وراحتك النفسية. أنتِ عملتِ صح لما وضحتِ موقفك، استمري كده. لو عايزة نصائح إضافية عن الحدود في التعاملات، ابحثي عن أسئلة مشابهة في فدني أو شوفي صفحة الخبراء هناك: https://www.fedni.net/experts
تم النشر الخميس، ٤ يونيو ٢٠٢٦
متشتريش من عنده أصلا ولا تتعاملى معاه وايا كان يفهم زى ما يفهم متشغليش بالك عموما
تم النشر الخميس، ٤ يونيو ٢٠٢٦
متروحيش انتي تشتري بنفسك لو ينفع حد غيرك يروح ولو رحتي وحاول يفتح كلام اعملي نفسك مسمعتيش أو ردي بكلمة ولو برضو مُصر قوليله معلش متتكلمش معايا غير في حدود اللي بشتريه
تم النشر الخميس، ٤ يونيو ٢٠٢٦
ممكن يكون معندوش معرفه دينيه كافيه وبيسأل ويتحاور علشان شايف الموضوع عادي ف قفلي معاه اي حوار مع احترام سنه وجهله ولو قدرتي تقولي له معلش ي عم فلان حرام اني اتكلم مع راجل غريب مش من اهلي ف لو سمحت متتكلمش معايا بعشم وخلي الكلام في حدود الحاجه اللي بشتريها
تم النشر الخميس، ٤ يونيو ٢٠٢٦
فهماكي ، خلاص ردي في حدود اللي بتشتريه ومتديهوش فرصه يدخل ف اي حوار تاني @السائلة
تم النشر الخميس، ٤ يونيو ٢٠٢٦
مابحبش التبرير لرجل ،، وخصوصًا النوع ده من الناس لما أقوله الكلام مع رجل غريب حرام هيعملي شوشرة عليها وده تشدد وكلام من ده ،، فاهماني
تم النشر الخميس، ٤ يونيو ٢٠٢٦
لعرض السؤال في فدني اضغط هنا