هحاول اختصر مشكلتي بس عايزة اعرف انا ممكن اتخطى دا ازاي
انا وجوزي كنا بنحب بعض واتجوزنا وكنا كويسين مع بعض كان ف مشاكل اللي هي ف اول الجواز زي اي حد المهم كان الوضع المادي مش احسن حاجه ففكرنا ف موضوع سفره وكان وقتها كنت حامل وحضر معايا ولادتي وسافر ع طول المهم اول ما سافر حبيت اتأكد هيفضل مخلصلي ولا لا
عملت اكونت سناب بصور بنت حلوه ودخلت كلمته كأني هي وهو فضل يعاكسها ويتكلم معاها بتفاصيل يومه وقالها انه مش متجوز ودخل ف الكلام ف كلام مش كويس ...
المهم بعد كام يوم انا قلتله ان عرفت كل حاجه واتخانقت معاه ومكنتش بكلمه وبكلمه وحش وهو فضل يتأسفلي وانه كان هيرجع اصلا ع اللي كان بيعمله حتى لو مقلتلوش انه انا عرفت وقالي انه شيطان وانه كان مضغوط ولوحده ف الغربه فعمل كدا
بعدها رجعت سامحته عشان انا اللي كنت بشتغله مش حد تاني بس اعترفتله انه لو كانت واحده فعلا حقيقي انا مكنتش هرجعله بس بقى المشكلة اوقات ابقى معاه كويسة واوقات افتكر اللي حصل وبقى مش طايقاه واقول ما هو ممكن يعمل كدا تاني بقيت بتخنق كتير اوي ومش عارفه ارجع زي ما انا نفسي ف الاول انا كنت بثق فيه اوي بس مش عارفه اتعافى م اللي انا فيه دا ازاي ! المشكلة ان كمان مش وحشه خالص بالعكس انا جميلة جدا شكلا وكويسة اخلاقا ومميزاتي كتير والحمد لله مش عارفه ليه عمل كدا !
وهو بيبعتلي زياره بس لما الظروف بتبقى كويسه بيبعتلي ع طول المهم ان كل ما بيبقى بعيد بيجيلي الافكار دي المفروض اعمل ايه واتعافى ازاي ؟؟؟!
السلام عليكم ورحمه الله وبركاته. طيب احنا هنا مشكلتنا ان احنا بايدينا بنفتح باب الشيطان وكده كده الشيطان بيجي يستغل اي وقت ضعف او اي مساحه ممكن يوسوس لنا فيها لان احنا يعني الاساس عندي هو ان انا روحي كويسه ايه اللي يخليني افتح باندا على الموبايل ان هو مسافر طيب يبقى هنا عندنا خلل مساله الثقه الخلل انه انا طول ما جوزي بعيد عني او انا مش على علم التصرفاته انا مش هبقى متاكده ان هو يتصرف الصحيح او ان هو هيكون احلاله متوقفه على مراقبتي يكون موجود ما بيننا اصلا ضروري جدا والاحترام والاصوات مش مشروط بشيء معين. فمتراجع كده عن الفكره الاساسيه. انه انا شرطه زوجي ان هو موجود جنبي او مش موجود جنبي مسافر او لا يكفي انه الموقف اللي حصل ده بس كده ايه يعني تنبيه ان احنا نراجع معنى الاشخاص ما بينا وهو انه حتى لو مش شايفين بعض وما حدش يتصرف تصرف ممكن يندم عليك يوم من الايام لو تم اكتشفه علشان. سعر الطرف الاخر هيبقى بناء على احساسه بالموقف ده. لما تلاقي نفسك بقى بتحسي بمساله انه انا مش واثقه دلوقتي دائما دائما فكري المواقف اللي انت شفتيها خلاص وتعدي بالله من الشيطان وعلى قد ما تقدري خليكي متواصله معايا خلي عندكم روتين كده تتواصلوا مع بعض طول اليوم بتشوفيه علشان ده.
تم النشر الأحد، ١٩ يوليو ٢٠٢٦
أختي العزيزة، أفهم تمامًا مدى الألم والارتباك اللي بتمرين بيه. اللي حصل مش مجرد "معاكسة" عابرة، ده خيانة للثقة في لحظة كنتِ فيها ضعيفة ووحيدة بعد الولادة، وده طبيعي يخلي الجرح يفضل ينزف كل ما يبعد عنك. أنتِ مش مخطئة في شعورك بالاختناق أو الشك، ولا في أنكِ بتتذكري التفاصيل وبتقولي "ممكن يعمل كده تاني". الثقة مش بترجع بكلمة "آسف" بس، هي بتبنى بالأفعال اليومية والوقت والجهد المشترك. من منظور إسلامي، الزواج ميثاق غليظ، والتوبة مقبولة إذا كانت صادقة ومصحوبة بتغيير حقيقي، لكن الشفاء من الجرح ده بيحتاج صبر ودعاء. قولي لنفسكِ إنكِ جميلة ومميزة زي ما وصفتِ، وده مش مبرر للي حصل، لكنه يذكركِ بقيمتكِ حتى لو هو أخطأ. حاولي تفتحي معاه حوار هادئ وصريح دلوقتي، مش في لحظة غضب: قولي له بالضبط إيه اللي بيوجعكِ وإيه اللي محتاجاه عشان تحسي بالأمان، زي إنه يشارك تفاصيل يومه بشكل شفاف أو يطمنكِ بطرق عملية. وفي نفس الوقت، ركزي على بناء ثقتكِ بنفسكِ من خلال أنشطة بتحبيها أو هوايات بتديكِ شعور بالقوة، عشان الشك ما يسيطرش على حياتكِ كلها. الأفكار دي بتيجي أكتر لما يكون بعيد، فحاولي تخلقي روتين تواصل إيجابي يقلل الفراغ اللي بيسمح للشك يدخل، وادعي الله إنه يشفي قلبكِ ويصلح ما بينكم. التعافي مش بيحصل بين يوم وليلة، وده طبيعي، بس لو استمر الشعور ده وأثر على حياتكِ اليومية، فكري في البحث عن أسئلة مشابهة على فدني عشان تشوفي تجارب تانية. أنتِ قادرة تتجاوزي ده، وهو محتاج يثبتلكِ كل يوم إن التوبة حقيقية. خدي وقتكِ وكوني لطيفة مع نفسكِ.
تم النشر الثلاثاء، ١٤ يوليو ٢٠٢٦
بوصي ، خليكي متمسكة بييتك هو يمكن فعلا غلطان ، بس يمكن شايف إنه عنده نقص او احتياج بيدور عليه عايزه منك ومش عارف إزاي ياخده منك ، اديكي شوفتي هو ازاي اتبسط لما لقي واحدة حلوة وبتقوله كلام حلو وبتبعت له صور حلوة ، عفي زوجك وهتلاقيه تحت رجلك ، اتدلعي اطلبي ، في كورسات كتير بتساعدك في كدا ، ممكن تسمعي لرضوي جلال لناس كتير بتساعدك في الموضوع دا
تم النشر الأربعاء، ١٥ يوليو ٢٠٢٦
زوجك غلطان ولكن سامحيني تصرفك صبياني وغير مبرر يعني انتي اللي فتنتيه بعدين بتلوميه انه اتفتن !!! ..... انتي المرأة اللي المفروض انك تعفيه مش تفتنيه ... كان من الأفضل انك تتكلمي معاه بحسابك الأصلي عشان يكون بينكم تواصل وميفكرش في غيرك / عموما انتو الاثنين غلطانين ودي لعبة من الشيطان للتفرقة بينكم .. عليكم بإعادة ترميم العلاقة وفي العموم قال صلى الله عليه وسلم :"كل ابن آدم خطاء وخير الخطائين التوابون"
تم النشر السبت، ١٨ يوليو ٢٠٢٦
انتي غلطانه انك حطيتي نفسك في موقف زي دا بصراحه كأنك بتستجلبي المشاكل لنفسك ما يعني كنتي عايشه ومبسوطة معتيش تعملي كدا حاولي تبقي معاه علطول توواصلي علطول وتهتمي وتكوني حنينه معاه يعني املي وقته حاولي تنسي الموضوع يضايق فعلا عندك حق بس يعني عديهاله المرة دي وخليكي متواصله معاه علطول متسيبيهوش للفراغ
تم النشر الخميس، ١٦ يوليو ٢٠٢٦
خدي معاه الموضوع بهزار وقولي له دي كانت أنا ،دا اكن اختبار وانت فشلت في الاختبار يا مهييييي 😂😂😂 ، وأسمعي كورسات الإغراء ، أنا بسمع لرضوي جلال وهي كويسة وهتفيدك جدا في الموضوع دا ، وخديها مني نصحية والله السوشيال ميديا بوظت الدنيا والراجل بطبع شهوته ضعيف ، اشتغلي علي نفسك وعلي علاقتكم ، وهو لو كان فيه صفة سلبية أكيد فيه حاجات حلوة كتير ولا تنسوا الفضل بينكم ، رجعي الثقة يا أختاااه الراجل والله طيب وغلبان والشيطان غلبه وغلبك
تم النشر الأربعاء، ١٥ يوليو ٢٠٢٦
رجعي ثقتك ليه تاني ، هو يمكن الشيطان عايز يوقع بينكم علشان كدا خلاكي انتي بنفسك تدخلي وتوقعيه في الحرام مع انه كان ممكن تعملي كل الحاجات دي بالحلال وهو كان هيبقي مبسوط ومكتفي بيكي أوي ، الجمال في الشكل والجسم مش كل حاجة صدقيني ، في بنات كتير منوسطين الجمال وعارفين ازاي يعفوا أزواجهم
تم النشر الأربعاء، ١٥ يوليو ٢٠٢٦
لعرض السؤال في فدني اضغط هنا