انا عايز اخطب بس مش معايا مبلغ كبير وخايف اروح وجوايا تردد انا بحبها جدا اعمل اي
لو انت مخطط لترتيباتك الزواج كويس أهلها هيحترموك لما يشوفونك واثق من كلامك.... لأنها مش شرط تبقي محوش المبلغ اللى يجوزكم على طول... بين يوم وليله اللى محوش مبلغ ممكن بردوا ميكفيش بسبب اللى بيحصل ف البلد. المهم اثبت انك داخل البيت وشارى وعارف هتعمل ايه... لانك لو معاك مبلغ بس تايه فى الخطوات اللى بعد كده يبقي بلاش تقعد مع حد.
تم النشر السبت، ١٦ مارس ٢٠٢٤
فيه فرق ما بين ان مش معاك مبلغ كبير .. ومن ان معاك اللي هو المتوسط مثلا ! على العموم احسبها .. هل المبلغ اللي معاك مصلا يكفي انك تعمل خطوبة وتجيب دبلة ع الاقل في الوقت الحالي ولا لا؟ حتى لو هتتفقوا ان مثلا مش لازم يحصل خطوبة في قاعة ممكن تبقى قعدة في البيت كده .. بين الاهل .. وده طبعا على حسب اهل البنت .. وعاداتهم.
تم النشر السبت، ١٦ مارس ٢٠٢٤
نصيحه من أخ بلاش تتقدم للخطوبة إلا وأنت مستعد وجاهز من كل حاجه وافتكر ديما إن الزواج مش مرتبط بوقت معين ولكن الزواج مرتبط بقدرتك أنت كزوج إنك تلبي احتياجات ومطالب الحياة الزوجية يعني من الاخر كده الزواج مشروع كبير ولازم يتنبي على أساس قوي
تم النشر السبت، ١٦ مارس ٢٠٢٤
شكرا لحضرتك جدا يسمع منك ربنا يارب
تم النشر الأحد، ١٧ مارس ٢٠٢٤
طيب ومالو روح اخطبهابالمبلغ اللي معاك. وبعد الخطوبه بقا طبق تسافر تعمل اللي انت عايزه المهم تكون نفسك ففترة الخطوبه دي. علي فكرة كل الشباب بيعملوا كده. وعلي فكرة الشباب اليومين دول معزورة. يعني اكيد الواحد هيبص لاخلاقك واخلاق عيلتك. هي صح الحجات التانيه مهمة. بس برضو اديك هوجري علي نفسك وتكون نفسك فالفترة دي يعني اكيد همشوا معاك. وربنا يوفقك أن شاء الله🤍🤍👥
تم النشر السبت، ١٦ مارس ٢٠٢٤
لعرض السؤال في فدني اضغط هنا