يا جماعه هل طبيعي كمية المحاولات والضغوطات والتعب والفشل الكتير والفراق وكل الحجات الصعبه دى لحد يدوبك عندو ١٦ سنه طيب انا سؤالي هو لو حد كبير بسألو هل انت كمان ف مراهقتك مريت بحجات زى دى لأن انا مش هل طبيعي أعانى ف السن ده وبدرى كده ولا ايه بالظبط ؟ وبعدين انا روحي رافضه فكرة التغيير للأحسن وكان فى شيطان جوايا مش مخلينى حابه اتغير وبردو هل ده طبيعي ف السن ده امال هعمل ايه لما اوصل التلاتين !!!!!
"١٦ سنه= بداية المراهقه المراهقة= تغيير في الشخصية باستمرار هي اصعب مرحله هتوجهك فدا أمر عادي جدا لكن اذي انجح في عبور هذه المرحلة ؟ خلينا نتفق علي حاجه مهمه جدا وهي إن دا مرحلة التعليم اي فشل نجاح ثم نجاح هتتعلمي كل حاجه مين بحبك ومين بكرهك ، ههتعلمي يعني اي صداقه ،،يعني اي العائلة واهمية العائلة ، هتبداء في خلق اهداف ليك وتسعي الي الوصول وتفشلي وتنجحي ، وتوصلي الي اعلي درجات هتتعلمي كل حاجه....لكن فيه فرق بينك وبين غيرك هو العقل وهو المبادئ علي إلا حضرتك اتربيتي عليه علي صلاة علي حب الناس وعلشان نعدي المرحلة دا محتاجين تقوية ومناعة علشان لما نوقع في كل مرة نقدر نقوم دوري علي المناعة ؟؟؟؟ يتري اي هي المناعة بالنسبة لك إلا تقدر تكون هي سبب في انك تكوني قوية في فشل هتمري بيه ؟؟
تم النشر الخميس، ٢ نوفمبر ٢٠٢٣
طبيعي حبيبتي الحياه مش سهله علي اييي حد بس طبعا كل واحد ليه مشاكله لو هديكي مثال عن نفسي فانا اتعرضت لكميه ضغط ومواقف كتير ميعلم بيها الاربنا من وانا تقريبا ف ابتداائي لكن كل حاجه بتعدي بأمر ربنا قربي من ربنا وصلي واحكيله دايما اللي مضايقك وحاولي مره واتنين ومليون واكتشفي نفسك وركزي ف دراستك اتعلمي حاجات جديده دايما ابعدي عن اي حاجه تحبطك بوصي زي ما بيقولو لنص الكوبايه المليان
تم النشر الأربعاء، ١ نوفمبر ٢٠٢٣
طبيعي .. وكل شئ متوقع واي حاجه بتحصل، هي مش قاعدة.. يعني وارد انك تلاقي حد حياته كانت اقل معاناة، وحد تاني اكتر .. وحد تالت بيعاني جدا. ولكل شخص معاناته الخاصة، ولكل موطن كمان له المعاناة بتاعته. يعني الموضوع ملوش قاعدة معينه .. ولا احنا في سباق مع شخص علشان نشوف مين بيعاني اكتر. السؤال هنا .. انتي عايز تطلع بره كل ده، ولا مستسلم لكل انت فيه؟
تم النشر الأربعاء، ١ نوفمبر ٢٠٢٣
بصي يا روحي انا بمر ب نفس الي انتي بتمري بيه ده ودايما بسأل نفسي زيك بالظبط كده . ومهما حكيتي محدش هيقدر يفهمك الا الي بيمر بالتجربة دي زيك بس احنا لازم نعرف ان ربنا بيحطنا ف امتحانات ولازم نعديها ومنستسلمش صح هنحاول كتير ونقع بس اهو احسن م نبطل خالص ونستسلم ل ده . وخليكي عارفة انك مش لوحدك ولو عايزة تتكلمي او تفضفضي ب أي حاجة جواكي انا موجودة ♥️.
تم النشر الأربعاء، ١ نوفمبر ٢٠٢٣
فترة مراهقتي كانت اصعب فترة مرت عليا وكانت مليانة صدمات ومشاكل لدرجة اني دخلت ف اكتئاب حاد ولكن حاليا بقي نادرا لما حاجة تأثر فيا وبقيت بعرف اتعامل مع مشاكلي .. هتحس دلوقتي ان الموضوع صعب جدا ولا يحتمل بس كمان كام سنة هتحس انك اكتسبت خبرة وبقيت تتعرف تتعامل مع مشاكلك وانت لسة سنك صغير
تم النشر الجمعة، ٣ نوفمبر ٢٠٢٣
لعرض السؤال في فدني اضغط هنا