Shahd Hany

متجربي تروحي لدكتور نفسي لو في الامكانيه يمكن تقدري تقولي الكلام اللي جواكي اللي مش عارفه تتكلميه مع حد بجد لو مقدرتك الماديه تسمح بدا حاولي تستشيري دكتور نفسي بيريح جدا ومعتقدش بقي في الثقافه بتاعت ان الدكتور النفسي للمجانين والكلام دا

حاولي تقنعيهم لان من رايي ادرسي اللي هتكوني حباه اكتر عشان تقدري تحققي فيه وكليه زراعه مجالتها كتيره جدا وفيها اقسام للبنات برضو ولكل مجتهد نصيب وممكن تشتغلي منها مدرسه برضو وكدا كدا كل شيء نصيب والطب مش من نصيبك بس كليه زراعه كليه علميه برضو بتكوني اعتقد دكتوره تحاليل برضو

هو فعلا القرض دا حل وتسدوه بعد الجواز بس حقيقي انا شيفاه راجل ومحترم اوي وبتحبه بعض كمان بس كونك بداتي تندمي وتفكري ف كلام الناس دا وحش بصراحه هل مكنتيش فاهمه ان القصه هتكون صعبه فياريت لو هو فعلا حد غالي عليكي اقعدوا كدا صفو الدنيا خالص بلاها فرح بلاها عفش غالي وبلاها حاجات كتير وحاولوا تاخدوا قرض زي ما بباكي قال بس تتاكدي الاول انه مش هيجي يوم ويقعد ف البيت او مش هيقدر يلاقي شغل وياريت لو تشتغلي انتي كمان وياريت تهونوا ع بعض بلاش تبقوا انتو والظروف ولو هو كويس معاكي ومحترم ويعرف ربنا صدقيني تولع الناس ابن خالتي خطب اربع سنين ومكنش صغير كان مخلص كليه وبعد ما خلص خطب اربع سنين مع انه كان نوعا ما ماديا كويس بس الجواز صعب وحواراته كتير وكمان الجيش طبيعي عمل دروب كبير ليه ويارب لو فيكوا خير لبعض يجمعكوا ف الحلاب عاجلا غير اجلا

حاولي تروحي لثيرابيست اتكلمي معاه لو في مقدره لدا لو مفيش فاقعدي انتي اتعرفي ع نفسك بنفسك شوفي نفسك تحققي ايه واكتبي دا دايما حبي نفسك لان لو انتي حبيتي نفسك هتحسي ان الكل بيحبك اكتبي دايما انجازاتك ومميزاتك عشان دا هيساعدك تشوفي نفسك حلوه متفضليش تقولي انا وحشه انا وحشه فكك من الناس الناس اوقات كتيرررر بتكون سبب تعاستنا والله دا ان مكنش دايما ويمكن الاهل برضو بيكونوا سبب التعاسه عشان بيكونوا شايفيين انهم خايفيين علينا

عاوزه اقول لحضرتك اني كنت كدا وانا صغيره وانا بصراحه معرفش مسمي لدا بس انا حاليا بقيت عادي وكل دا مبقاش موجود اه بشكك اوقات ف حاجات خوف من اني معملهاش كويس ودا طبيعي لكن انا زمان حرفيا كنت بتعب وبتعب امي من الحوار دا كنت افضل اقولها ماما الحقيني تقريبا حصل كذا انا علي فكره شكلي دهولتلك الحيطه وشكلي وشكلي وحاجات كتير اوي معرفش مسمي لدا فعلا بس اتغيرت كتيرررررر وكانت فتره وانتهت

كل عام وحضراتكم بالف خير ودائما سبب في مساعده الغير جزاكم الله خير الجزاء

مامتك هدف اهو حطيه قدام عينك واحنا دايما ف الكليه بنقول ان سنه اولي بتكون ملغبطه شويه بذات لو دخلتي كليه مش حباها بس اللغبطه دييي مينفعش تاثر عليكيي كتير واحمدي ربنا انه بيفوقك ذاكري لسه معاكي وقت كل يوم حددي اهدافك ف ورقه هذاكر كذا و كذا عشان كل لما تعلمي انك خلصتي حاجه تتشجعي وتخلصي اكتر وكمان بما انك متعلقه بالموبايل ممكن تجيبي study with me وانتي بتذاكري وربنا يوفقك وتجيبي تقديرات عاليا وتفرحي مامتك

بيهزر معاها!!!!!!! وانتي اقتنعتي!!؟؟؟ حبيبت قلبي احمدي ربنا انه كشفهولك قبل ما يحصل حاجه وابعدي عنه وقربي من ربنا وربنا هيعوضك بالحلال وهيريح قلبك دا شخص غير جاد ومحدش هيندم غيرك والله لو اتجوزتو ربنا يرزقك بالزوج الصالح ويقربك منه ويبعدك عن اي حاجه بتغضبه

اشغلي وقتك حاولي بقدر المستطاع انك متقعديش لوحدك طبعا قربي لربنا ومتسيبيش فرض صومي لان طول منتي صايمه مش هتشوفي حاجه زي كدا خافي حبيبتي ع حياتك مش بسبب حاجات مقرفه زي كدا تضيعي نفسك وتخلي ربنا غضبان عليكي...... انوي التوبه قومي كدا اطهري وصلي ركعتين وادعي انك مش هتقربي لحاجه زي كدا تاني ابدا وادعيه كتير انه يقويكي ويعينك واندمي من كل قلبك ع حاجه زي كدا واستغفري كتيرررر هل لو دخل حد عليكي وانتي بتشوفي حاجه زي كدا من اهلك هيكون ايه رد فعلك احتمال اصلا متعرفيش توري وشك ليهم تاني طب وربنا اللي شايفك ومطلع عليكي!!! ربنا يحسن ختامنا وختماك بس تخيلي انه اذن بموعد موتك وانتي ف الوقت اللي قاعده تشوفي فيه الحاجات دي!!! فوقي لنفسك قبل فوات الاوان اشغلي وقتك اقعدي مع اهلك ادرسي اشتغلي متديش مساحه انك تمسكي موبايلك وتشوفي القرف دا امسكيه وجيبي كتب اقرأيها بودكاست اسمعيه مهاره اتعلميها ذاكري واجتهدي اعملي رياضه صدقيني ساعتها قلبك هيتملي بالسعاده بدل مانتي اكيد بعد مابتشوفي الحاجات دي وتكوني مبسوطه ف ساعتها لكن قلبك هيفضل تعيس دايمااااا...... انوي التوبه النصوحه ولو حصل ايه اياكي ترجعي ادعي دايما اللهم باعد بيني وبين المعاصي والشهوات كمان باعدت بين المشرق والمغرب.... استغفريه وصلي فروضك واتقربي منه وادعي بالزوج الصالح اللي تعيشي معاه حياه سعيده.... ربنا يصلحلك حالك ويحفظك من كل سوء ويبعدك عن اي حاجه مش بترضيه يارب

حبيبتي اعمل لدنياك كانك تعيش ابدا واعمل لاخرتك كانك تموت غدا االموت علينا حق وكلنا هنموت بس بلاش تخلي الموضوع ياثر عليكي هو لو انتي صليتي فروضك و قرأتي قرءان ايه اللي يخوفك من الموت قومي كل يوم واعتبريه اخر يوم هتعيشيه هل هتكلمي والدتك او والدك وحش؟ هل مش هتصلي الخمس صلوات؟ هل مش هتقرأي حتي لو صفحه قرءان؟ وبرضو قومي كل يوم واعتبري انك عايشه لسنين طويله اخرجي مع صحابك واتعلمي وذاكري واتبسطي واعملي الهوايات اللي بتحبيها منخليش نفسك والشيطان يتحكمو فيكي ربنا رحيم اوي بعباده وغفور كويس انك تخافي من الموت عشان تقدري تعملي حاجات كويسه لاخرتك بس مش تخافي من الموت الخوف اللي يخليكي تكرهي دنيتك ومتعمليش حاجه لاخرتك ربنا يريح قلبك ويحسن ختامك ويرزقك الجنه يارب

طبيعي حبيبتي الحياه مش سهله علي اييي حد بس طبعا كل واحد ليه مشاكله لو هديكي مثال عن نفسي فانا اتعرضت لكميه ضغط ومواقف كتير ميعلم بيها الاربنا من وانا تقريبا ف ابتداائي لكن كل حاجه بتعدي بأمر ربنا قربي من ربنا وصلي واحكيله دايما اللي مضايقك وحاولي مره واتنين ومليون واكتشفي نفسك وركزي ف دراستك اتعلمي حاجات جديده دايما ابعدي عن اي حاجه تحبطك بوصي زي ما بيقولو لنص الكوبايه المليان

دكتور نفسي يا قلبي حقيقي بيفرق

طب لو هي مناسبه ليك وانت حالتك الماديه كويسه ع الاقل قادر تاخد خطوه الخطوبه حاول تاخد الخطوه دي لان من المحتمل انها هي كمان تكون اتعلقت بيك وبعيدا عن كدا عشان متكونش بتغضب ربنا ولو مش شايف انها مناسبه اصلا ليك وكل القصه انك عجبك شكلها او كدا يبقي الافضل تبعد عشان ميحصلش تعلق شديد من نحيتها ويتطور الامر..

حبيبتي ربنا يكتبلك كل الخير يارب واسفه لو قولت حاجه سببتلك ضيق ربنا يكتبلك السعاده يارب

ربنا يبارك في عمرك بس اكيد اهلك بداو مرحله انتي كبرتي بقي ومش عارفه ايه بعيدا عن كل دا طبعا مش صح وان الجواز بيكون بايد ربنا وبيكون نصيب بس انا خايفه بعد ما تفسخي خطوبتك انتي شخصيا تبداي تميلي للكلام لان تقريبا انتي كمان خلصتي دراستك فهتبداي بقي ان مثلا زمايلي بيتجوزو منا كنت مخطوبه وليه سيبتو.. فاهم شيء انك تفكري ف كل دا كويس عشان متندميش لو للحظه وف الاول والاخر دا نصيب وربنا يجعل نصيبك جميل زيك 💙

ولو شوفتي ان بعد التفكير انتي مش متقبلاه خلاص عادي زي ما قولتلك هتكلميه تنهي بكل ذوق...... وبالنسبه ليكي فانتي اتعلقتي بيه فطبعا هتاخدي فتره تنسيه فيها بس تنسيه مش تقعدي تقولي ياريتني ما سيبته وياريتني ما فسخت الخطوبه والكلام دا لا لازم تفهمي انك هتبداي تتاقلمي ان الشخص دا مش موجود.... وتكوني مقتنعه عشان تواجهي اهلك فيما بعد

لا مينفعش تعندي مع أهلك ع حساب نفسك وعلى حسابه..... بصي انتي بتقولي انك قولتيلو أن دي آخر فرصه ليكو..... الكلام دآ تقوليه لنفسك مش ليه تقعدي كدا مع نفسك قاعده جددد وتجيبي ورقه وقلم وتكبتي مميزاتو وعيوبو اللي من ضمنهم شكلوا اللي مش متقبلاه.........وهل فعلااااا انتي مش متقبلاه تماما وهو شخص بشع للدرجه ولا لا تخرجي اهلك من الحسابات تماماااااااا تنسى أنك اتغصبتي انتي تتخيلي أن دآ شخص شوفتيه وبتقعدي معاه عادي جداااااا واهلك ملهمش علاقه....... لقيتي نفسك لا مش متقبله خلصناااااا قطعاااااااا بقي هتكلميه ان كل شيء قسمه ونصيب وهتقولي انه مش عشان الكلام اللي قولتلو بس حقيقي انا فكره ان اهلي غصبوني خليتني مشوفش مميزاتك بس حقيقي انت والله شخص كويس جدا وتبداي انك تمحي كل الافكار السلبيه اللي اديتيهالو بس ف الاول فكري صح فكري ف شخصيتو وف عيالك وفكري ف الزمن الزباله اللي الرجاله فيه بقيت عاوزه تلعب الا من رحم ربي وربنا يكتبلك الخير يارب بس معلش انا عاوزه اعرف انتي سنك قد ايه

طب ليه مفكرتيش انك واخده الموضوع عند مع اهلك لدرجه زي ما بتقولي انه هو احسن واحلي من ناس لكن انتي بتشوفيه وحش برضو ممكن تكوني عاوزه تثبتي لنفسك ان غصب اهلك ليكي مش صح وان اكيد هو وحش وان اختيارهم لا مش حلو

الجواز قبول لكل حاجه شكل وعيوب قبل مميزات وحاجات كتير لازم تكوني متقبلاها تكوني حابه عيوبو لكن انتي ع البر ومش متقبلاه لدرجه انتي جرحتيه بكلامك بصي انتي باين انك طيبه وبتخافي ربنا بس حقيقي بلاش تكملي معاه طالما م متقبلاه مينفعش يحبيبتي اياااااا كان سببك زي ما بتقولي انك مغصوبه عليه انك تجرحيه مفيش بني ادم يستاااهل انه يتعاير بحاجه ملوش ذنب فيهااا وانتي بتقولي هو مش بشععع يعني الفكره فانك حاطه طموحات هي مش فيه فبجد هو ميستاهلش انك تحسسيه انه وحش وتهدي ثقته ف نفسه.......لانه لبنت تانيه هيكون فتي احلام بالنسبه ليها مش عشان هو مش التايب بتاعك تحسسيه انه قليل ف نظر نفسه...................... بس نصيحه مني مش بالشكل والله دا راجل يحبيبتي في حسابات تانيه لازم تحسبيهااا غير شكلو حنين..... كريم....... بيحبك بجد....... بار باهله....... صادق مش كذاب......قد المسئوليه ولا لا دا الراجل يحبيبتي وعارفه انك خايفه من كلام الناس وعاوزه حد لما يمشي معاكي تتحسدي عليه من جمالو بس صدقيني لما تروحي بيتك وتلاقي معاكي حد حنين واب لعيالك حنين هتعرفي انه احسن بكتيررررر من حد تكرهي تشوفي وشه اصلا حتي لو ملك جمال الكون بسبب انه مش مقدرك ومش حنين عليكي وعلي عيالك................ ونصيجه مني شخصيه اختاري اب لعيالك قبل جوز ليكي تتباهي بيه