محاط بين اختيارين احلاهما مر ....اتبع اهلي واسعي للنجاح حتي وان كان زائفا .....ابحث عن شغفي وان كنت واهما .....اعمل اي ؟
اهلي او امي بالتحديد شايفه ان انا مقدرش ابني بيت او عيله بسبب فشلي ...
مع ان المفارقه المضحكه هنا ان انا لسه عندي ١٥ سنه بس... اه عارف ان المفروض ابدأ ابني حياتي ومستقبلي ...بس مش بالطريقه دي...
ضغط وإحساس بمعاناه وخذلان ان انا حتى مش قادر اوفي متطلباتهم ... عايزيني اكون انجح واحد بس انا محتار أسعى للنجاح اللي هما عاوزينه حتى لو في مجال انا مبحبهوش ولا ادور علي شغفي وانا مش متأكد هلاقيه ولا ...
وهل كده هبقي بضيع وقت....هل كده هبقي فاشل ؟
والمشكله الاكبر ان في بعض الاحيان بيوصل بها الامر لاهانه رجولتي والمفروض اني الابن العاق عشان قررت احتفظ بكرامتي ومصالحهاش ....تعبت
السلام عليكم ورحمه الله وبركاته انا هبدا باول حاجه كده ما فيش حاجه اسمها انا احتفظت بكرامتي في مصالحتش اهلي او مصالحتش امي او ما صالحتش ابويا ما ينفعش خالص ما ينفعش خالص لو انا بتعامل مع الاب والام هم مش صحابي هم مش شبه منزله اي حد تاني انا ممكن اقف واقول لا انا كرامتي عندي مفيش الكلام ده مع الاب والام ليه بقى علشان ربنا اللي قال لنا كده ربنا قال لنا دول في مكانه ثانيه خالص بنقال ان انت مهما عملوا هتفضل تعمل ايه واخفض لهما جناح الذل من الرحمه انت هتتنازل ايوه هتبقى هي اللي غلطانه فيك وهتروح تقول لها رضاك اهم حاجه يا امي وهبوس على راسك عادي جدا بس انا زعلان منك عادي عادي يعني الاثنين مع بعض ينفعوا الاثنين مع بعض ينفع يبقى زعلان منها وانا رايحه اراضيها اه عادي جدا ليه بقى علشان دي الام والاب كذلك فحذري انك تقع في الغلطه دي مش هقول لك بقى ان انت كده ابن عقل لا بس هقول لك انه انت اللي منك لنفسك كده حط دي قاعده بدايه من النهارده كده باذن الله لانه دي اساسيه ما فيهاش كلام ولو اعتبرتها في حياتك صدقني هتشوف في حياتك بركه هتشوف في حياتك كده الامورك بتتيسر مهما ضاقت علشان خاطر انت مهتم قوي بالركن اهلك لاقصى الحدود. ربنا امر. النقطه الثانيه 15 سنه احنا هنا مش بنبدا نبني حياتنا مستقبل 15 سنه احنا هنا بنبدا نتاكد ان احنا شخصيتنا واقفه على ارض صلبه وده مهم جدا جدا هل انا ينفع ابني عماره 20 دور وانا الاساسيه اتهونت فيها اعتقد انه عارف انه ما ينفعش فانا المرحله دي واللي هي على فكره اهلك هيحترموها لما يشوفوك بتعملوها بتعملها وهيعرفوا قد ايه انت كده ماشي في الطريق المظبوط لان الطريق المظبوط سواء بقى في نظر اهلك او في نظرك انت الشخص سواء هو شغف ولا راي اهلك ااا الطريق المضبوط وانا مش قصته ان انت طب الكلام ده بيتعمل ازاي الكلام ده بيتعمل بالقراءه فين مكان القراءه في حياتي الكلام ده بيتعمل بوجودي في المسجد فين انا المسجد من من حياتي وتقربي من من مجتمع كده يكون في ناس صالحين ناس دائما طول الوقت بيذكروا ربنا فانا كلام اللي ليه علاقه بربنا وقواعد اللي هي علاقه بالدين موجوده بترن في وداني في اوقات كثير تذكره تذكره طول الوقت بسمعها بسمعها في خطبه الجمعه بسمعها لما حد بيقول حديث انا ما سمعتوش قبل كده فين فين الكلام ده لو ده مش موجود في اساسيات هنا مش هتندمي بلاقي مثلا كورس صغير او ورشه عمل كده بتتكلم عن موضوع من الحاجات اللي هي انا عايزه احط فيها اساسيات ادخل اسمعها او ادخل احضرها وهكذا في حاجات كتير بتتعمل مجانيه في حاجات على حسب بقى المكان اللي انت متواجد فيه ممكن تلاقي المكان اللي انت فيه فيه مركز شباب موجود فيه ده فانا اروح احضر حاجه رياضيه علشان جسمي برده انا بابني وبحط له اساسات يكون عندي عادات يوميه تساعد ان انا ابني نفسي جسمانيا ونفسيا كويس حاجات كتير جدا ممكن تتعمل بسيطه ولكن هي دي اللي هتحط معايا الاساسات وجودها في يومك اساس هيفرق جدا جدا تمام طيب. مشيت في السكه المهنيه دي ولا السكه المهنيه دي درست الحاجه دي ولا درست الحاجه دي اهو مش هو ده اللي بيحدد الطريق المضبوط قد ما ي لو هنتكلم بقى على نقطه اختيار المجال وهو المجال اللي اهلي عمالين بيزقوني عليه او بحثي عن الشغف بتاعي فخليني اقول لك النصيحه العمليه اللي من قلب الواقع عشان احنا بقى ايه جايلك من المستقبل وبنقول لك ايه اللي بيحصل شغفك والحاجه اللي انت بتحبها طول ما انت ماشي في حياتك ممكن تكتشفها لان هي مش شرط تطلع من بدري مش شرط تكتشف شغفك في ايه من من الاول ليه لان في ناس بتكتشف شغفها لان هو بيظهر معاها من الطفوله حاجات هم دايما مهتمين بيها حاجات بيعملوها اكثر من اي حاجه ثانيه فبيظهر الشغف بتاعهم في ناس تانيه بتكون في طفولتها او في مراحل حياتها الاولانيه وتعرضتش للتجارب اللي تبدا تطلع معاهم الشخص في تعامل معنى كده انهم يوقفوا حياتهم لا احنا محتاجين نتوجه في حياتنا عموما في طريق يحطنا في حاجه مستقره متوفر لنا احتياجاتنا فانا دلوقتي. مثلا انا ما اعرفش انت احتياجاتك الحلاقي هل احتياجاتك انك تبدا يكون لك جزء انت بتعتمد فيه على نفسك فانت بتصرف على نفسك يبقى تمام يبقى انا ده شكل الاستقرار اللي محتاجه في حياتي يبقى انا ااا بشتغل مثلا اي شغل اي نوع شغل مش مهم بقى ده ليه علاقه بشغف ولا مش شغف لانه ده اللي هيوفر لي الاستقرار الحالي اللي هيخليني اقدر اجرب تجارب تبدا تطلع معايا الشغف بتاعي عشان اعرف فعلا دور عليه لانه البحث ده مش معناه ان انا افضي نفسي نهائي لا ده بيظهر معانا فجاه يديك امثله من ده شفت انت اكيد ناس كتير كان دكتور وثاب الطب واشتغل مش عارفه ايه كان شيف وساب المطبخ وراح اشتغل في التسويق كان ايه ودرس ايه وقعد سنين كثيره لحد ما بقى عنده مش عارفه 40 سنه والله كانوا 40 سنه وبعدين سابه وراح اتجه لمجال تاني اللقطه دي هي لحظه انه الانسان يتاكد من شغفه وقرر ان هو يبدا يعمل ايه بقى يبدا يعمل شيفت كده ويروح ليه الناحيه الثانيه اللي فيها شغفه ده ممكن اعمله في اي وقت في حياتي بس ما اكونش وقفت حياتي على البحث عن الشغف فلو في دلوقتي مجال اهلك بيرجحوني ومتاح فاتحرك فيه لحد ما تبقى تلاقي شغل بسيطه جدا.كون الطريق المضبوط انا وانا جواه انا انسان كويس انا انسان ااا شغال على نفسي وشغال على كل حاجه ترضي ربنا وترضي وترضي اهلي قبل اي حد وهو ده المهم انا انسان كويس بادي دور كويس في حياتي من ساعه ما بصحى ولا انا بتحول انسان مؤذي مؤذي نفسي وباذن حواليا هو ده اللي ياكد ان انا على الطريق كويس ايا كان بقى تفاصيله ايه؟
تم النشر الأربعاء، ١٣ أغسطس ٢٠٢٥
انا مش هكلمك بالمنطق. ولا هكلمك بقال الله وقال الرسول ودينا اللي قال واغفر لهما جناح الذل انا مش هقول لك الكلام ده هقول لك حاجه واحده انت شايف اني شغفك يستاهل ان انت تضحي بيه حياتك كلها ومستقبلك وتفضله انت شايف ان مامتك ما عندهاش حق؟ انت شايف ان مامتك مش خايفه عليك؟ دائما بتبقى الحياه مديانه فرص. كبيره ما فيش حاجه اسمها الفرصه ما تجيش غير مره واحده لان الفرصه احنا اللي بنعملها بايدينا المشكله في حاجه واحده ان احنا دائما شايفين نفسنا صح ما حدش شايف نفسه بيغلط. يبقى اللي قدامنا هو اللي شايب غلطتنا فانت ممكن تقعد تفكر مع نفسك شويه بتشوف مامتك عندها حق ولا لا ولما بتهينك هي مش قصدها ان هي تهين رجولتك ايه قصدها تفهمك الحياه اللي انت لسه 15 سنه ما فهمتهاش.
تم النشر الأربعاء، ١٣ أغسطس ٢٠٢٥
15 سنه غالبا الحوار بتاع ثانوي وتمريض وتجاري وكده يعني غالبا اهلك عارفين الأصلح ليك الشغف ده خليه على جنب لما تظبط مستقبلك مفيش كرامه مع الام أو الأب طاعتهم واجبه الا في معصية الله استخير ربنا في اللي هم عاوزينك تختاره رضاهم هيفرق معاك في كل خطوة في حياتك خبرتهم في الحياة أضعاف أضعاف خبرتك اتناقش معاهم بهدوء من غير صدام وإن شاء الله خير
تم النشر الأربعاء، ١٣ أغسطس ٢٠٢٥
اهلك اهم من اى شئ اتباعهم سنه ومعروف حياتهم نجاحك حاول تنجح في اى شكل عايزه ولا تعصيهم وادعى لهم وفقك الله واعانك عليهم واستمع لهم وخذ رأيهم فليس لك الا هم وهم ليس لهم إلا أنت فاتق الله فيهم انهم رزقك فى الدنيا وحسناتك فى الاخره
تم النشر الأربعاء، ١٣ أغسطس ٢٠٢٥
لا تتبع أحلامهم ولا تتبع أحلامك انت لسة صغير متتحملش فوق سنك / ذاكر وشوف لك هوايات واعرف انك مش مذنب ولا مطلوب منك الكسب ولكنك تحت ضغط وهمي من والدتك بسبب قلقها الزايد أو حتى قد تكون عندها مشاكل نفسية مش هتقدر تحلها ولا عليك انك تحلها ... (اصبر واحتسب .. ذاكر وشوفلك هوايات وحاول تخفف الضغوط)
تم النشر الأحد، ١٧ أغسطس ٢٠٢٥
هقولك على حاجه صديق ليا كان حلمه السفر بره مصر وأمه كانت رافضة لأن حلمها ابنها يتخرج الاول صديق تخرج من الكلية بعدين اخد كورسات برمجه كورسات في اللغة الألمانية حاليا صاحب وظيفة كبيرة في ألمانيا العبره جد واجتهد وبلاش تزعل امك لأن وراها كل الرزق والتوفيق
تم النشر السبت، ١٦ أغسطس ٢٠٢٥
لعرض السؤال في فدني اضغط هنا