بصي يا بنت الحلال ارمي التلفون ده من إيدك أو امسحي الأبليكيشنز اللي بتجيب رجلك للسكك دي خالص مفيش جحاجة اسمها هكلمهم بس عشان أهدى ده فخ وأنتي بتضحكي بيه على نفسك اقطعي الحنفية دي خالص ومتقوليش مش قادرة خدي خطوة بلوك دليت لكل حاجة في ثانية واحدة من غير تفكير. و لما تيجيلك الحالة أو الرغب دي وتلاقي نفسك هتضعفي غيري وضعيتك يعني لو قاعدة في سريرك قومي اقفي.. ادخلي خدي دوش مياه ساقعة يفرمل جسمك وعقلك ..أو انزلي اتمشي في الصالة وسط أهلك المهم متقعديش لوحدك في أوضة مقفولة والنت شغال غيري المكان والوضعية عشان تفصلي وتشتتي عقلك. ومتوقفيش حياتك عشان أهلك مش معاهم فلوس فيه مستشفيات جامعية فيها عيادات نفسية حكومية تذكرتها بكلام فاضي ودكاترة شاطرين وسرية تامة أو لو في اخت هنا ولا حاجه تتابع معاكي ..وأنتي بتدرسي في الجامعة يعني عندك طاقة ووقت اسحلي نفسك في المذاكرة انزلي كورسات اتعلمي مهارة تجيب لك قرش اعملي أي سبوبة أو شغل أونلاين..اوصفحه دينيه.. والطاقة اللي بتروح في السكة الغلط دي لازم تتوجه في حتة تانية تفيدك وتبني مستقبلك الحركة والمسحولية هي اللي هتنسيكي لكن الفراغ والقعدة لوحدك هما اللي بيخربوا الدنيا ... ةدوحد والله ربنا يحفظك ويوفقك لما يحب ويرضى... ويعافيكي و لازم تعرفي وتتأكدي إنك مش مذنبة ولا وحشة خالص واللي حصلك وأنتي عندك تمان سنين ده ذنب الحيوان اللي أذاكي ومش ذنبك أنتي والوضع اللي أنتي فيه دلوقتي ده مش قلة أدب منك ده عقلك بيحاول يتعامل مع صدمة قديمة ومأثرة فيكي من جوه من غير ما تحسي والكلام مع رجالة أغراب على النت وبعت الصور ده مش بيهديكي ده بيزود الطين بلة وبيخليك تلفي في دايرة مقفولة من جلد الذات...
العفو.. ربنا يحفظك
تم النشر الأربعاء، ٢٠ مايو ٢٠٢٦
شكرا لحضرتك جدا اول مره اعرف حتت ان المستشفى ااجامعية في عيادات نفسيه هشوف الحوار ده بإذن الله.
تم النشر الأربعاء، ٢٠ مايو ٢٠٢٦
لعرض الإجابة في فدني اضغط هنا