تم حذف هذا السؤال
الجزء الديني في الحقيقة مقدرش افيدك فيه بنسبة كبيرة، ولكن طبعا كلنا عارفين قد ايه الموضوع فيه معصية ل الله ... اما عن دخوله للنار للابد، ف ديه مقدرش افيدك فيها. ولكن تعالى نتكلم في الشق النفسي التاني ... انتي قولتي انك بطلتي تصلي .. يمكن علشان حاسه ان اخرتها زي اولها يعني؟ اصل فيه ناس بتعمل ذنوب وحياتها مليانه بس مش حساه ربنا بيعاقبهم؟ ف انا اصلي ليه؟ اذا كنت حاسه بالظلم من ربنا؟ ممكن يكون ده اللي جواكي ولكن للاسف ده مش صح .. احنا مش لازم نكون عارفين كل تدابير ربنا ..+ انتي دخلتي جوا قلوب الناس ديه وعرفتي مثلا عندهم ايه في حياتهم؟ طيب هما اخر كل يوم في اليلل ايه اللي بيحصلهم؟ بيتألموا ، بيتوجعوا؟ طيب فيه ايه في حياتهم؟ طيب ممكن ميبقاش فيه ده كله .. ممكن اه .. بس حساب ربنا برضه ليهم الله اعلم هيتم ازاي؟ ربنا عمرى ما هينسى اي حد ولا بالشر اللي عمله، ولا بالحلو .. ف لو ديه كانت نظرتك وانك متصليش ف ارجعي صلي، قربي منه .. ف قربك لربنا صدقيني في حاجات كتير هتتغير .. الجزء التاني ايه اللي يمنع انك تدي مثلا تفاصيل صغيرة جدا ل بابا وماما .. او حتى قولي انك مش قادرة تحكي لهم .. بس انتي محتاجة لدكتور نفسي ضروري .. بس ياريت يكون معالج او اخصائي، بلاش طبيب .. بالنسبة للحاجات اللي مريتي بيها في حياتك .. انتي لازم تتكلمي فيها مع حد بالتفصيل علشان يدي ليكي رايه في التجارب اللي انتي مريتي بيها .. بس صدقيني مهما كنتي انتي الوحشة او الحلوة في كل الحاجات اللي انتي عشيتها .. الموضوع ميستاهلش انك تضحي بحياتك .. كل حاجه ممكن تتصلح، كل حاجه ممكن تبدأيها من جديد.
تم النشر السبت، ٢٩ يوليو ٢٠٢٣
بصي بقى عشان انا اللي حطول عليكي في الرد فا ما تزهقيش صلي على أفضل خلق الله صلى الله عليه وسلم واضح من كلامك انك حوالي 16 سنة لسه صغنونة يعني والفترة دي بتكون محتاجة اهتمام ورعاية من الاب والام بالذات لو هما اهملوا في التأسيس من الاول، انتي دلوقتي قصاد اختيار ما ينفعش يكون اختيار من الاساس وهو الانتحار فا هنعتبر ده مجرد وساوس نفسية وشيطانية وذلك لضعف النصح بالدين والعمل بيه، لكن فيه تجارب كتير اكيد اثرت فيكي بشكل مؤذي وتجارب اثارت جواكي كمية مشاعر متضاربة وتجارب خلت جواكي كمية تساؤلات عن سبب وجودك في الحياة وسبب تواجدك وسط الفئة دي من البشر او اختيارك ليهم وده لسبب بسيط وهو انك حيدتي عن السبب الرئيسي لوجودنا كبشر وهو العبادة لله وحده والاعمار في الارض ومش وقت لوم على اللي فات خالص بالعكس ده وقت وضع أسس جديدة نمشي عليها في حياتنا بناءاً على تجارب مرينا بيها زي مثلا الارتباط بشخص والتعلق بيه ثم الانفصال بدون سبب واضح ده كفيل يخليكي شخص يحب يئذي الغير لمجرد انك تحبي تخلي غيرك يعيش نفس احساسك وبعدين بتحسي بالندم لان ده مش طبعك ولا تربيتك مرافقة اصدقاء السوء برضه نابعة عن فكرة انك تايهه ومش عارفه انتي عايزة ايه، ومش معنى انك عملتي كل ده انك شخص وحش لا بالعكس اللي يثبت للجميع انك شخص كويس وأصلك طيب وجواكي خير هو انك رجعتي تفكري في النصيحة وتستنجدي بالناس وتحاولي تشوفي حد يلحقك، جواكي الخير بس مشوه او بمعنى اصح ضعيف زي الطفل وسط غابة لوحده لا قادر يكمل ولا قادر يتعايش ولا عارف يطلع من الغابة دي الحل بقى اننا نبدأ ننسى كل اللي مرينا بيه من وحش بعكس الوحش بمعنى انك تبدأي تدوري على اصدقاء كويسين وانصحك وبشدة تتوجهي لدار تحفيظ القران هتلاقي الصحبة وتلاقي الهدف اللي بطريقة لا ارادية منك هتتكولي 180 درجة للصح وابدئي في ده في اسرع وقت ممكن ، والحل التاني انك لازم لازم تصالحي اي شخص اذيتيه وتعترفي بده له وتخليه يسامحك وما تطلبيش منه الرحمة لا هو مجرد الاعتراف و طلب السماح وبس كده، وده بسبب انك لو ما عرفتيش تخليهم يسامحوكي هتفضلي تتعذبي بذنبهم جواكي وهيكون اللي عملتيه فيهم زي النار جواكي بتاكل كل حلو فيكي ومع الوقت هتلاقي نفسك بتسوووئي بدون سبب واضح فا لازم نطفي النار دي بسامحتهم والاعتراف بغلطنا في حقهم والحل التالت هو صلاح امرك في الدنيا بالدعاء والاستغفار والالتزام في الصلاة وجعل يومك اكثر انشغال بذكر الله وقراءة ما تيسر من كتب السنة ويفضل قراءة قصص الصحابة. ربنا يهديكي الي صراط مستقيم يارب ويهدي قلبك ويريح بالك ويجبر خاطرك يارب ❤️
تم النشر الجمعة، ٢٨ يوليو ٢٠٢٣
حضرتك ممكن تنتحرى عادى جدا فين المشكله فى الانتحار ؟ وجع ٣ دقائق أو اقل وبعديها نرتاح للابد صح ؟ واضح جدا انك فكرتى بالاسلوب ده علشان كده عندك قابليه كبيره جدا ومستسهله فكره الانتحار ومش مانعك منها غير دينك . بس ايه المشكله انك تبدأ من جديد تحطى هدف فى حياتك وتحاولى تحققيه ولو مفيش هدف علي الاقل جدا تنضفى دائره معارفك كلها زى اصحابك وقرايبك ( إلى مش كويس منهم مع احترامى ) وتبدأ فعلا حياه كويسه . تخيلي كده مصاحبه واحده مختمره ومحترمه ومبتكلمش حد وبتصلي ( ودول كتير برضو ) بطريقه تلقائيه جدا هتلاقي نفسك داخله معاها المسجد وواحده واحده هتبقوا زى بعض . وعلى النقيد برضو لو واحده مش كويسه هتخليكى مش كويسه . اختصار كلامى مفيش حد مبيغلطش ومفيش حد معصوم من الغلط وانتى عندك فرصه تانيه ربنا سايبك لسه عايشه علشان تعدلى من حياتك وتروحى لعنده سعيده . ممكن يكون لسه سايبك علشان ترجعيله قبل ما يجى معادك ( بعيد الشر ) صدقينى الانتحار مش حل ابدا ولو ربنا شايف أن مشاكلك كبيره اوى عليكى مكنتش حصلتلك ( لا يكلف الله نفساً إلا وسعها )
تم النشر الجمعة، ٢٨ يوليو ٢٠٢٣
طيب يا حبيبتي ربنا سبحانه وتعالي أحن عليكي من الدنيا كلها ومش مظلومه ولا حاجه كل الحكايه أن طريقك فيه شويه أخطاء وعاوزه تتصلح منك فا بتقعي وتبتلي علشان تفتكري أن ربنا موجود وحل كل مشاكلك عنده وتقربي من ربنا تصلحي أخطاءك وأن طول ما عندك حسن ظن بالله وثقه في ترتيب رب العالمين لأمرك ربنا هيراضيكي وهيعوضك ربنا عادل مين قالك أنه الإبتلاء ظلم أو أنك مظلومه وغيرك لا حاشا لله هو سبحانه وتعالى ابتلاكي علشان أنتي طريقك غلط وعاوز يفوقك وبيحبك الله إذا أحب عبدا إبتلاه لكن غيرك نسأل الله ليهم الهدايه ويهدينا جميعاً يارب أنتي فيكي خير علشان كده ربنا عاوزك تقربي وتبعدي عن الجو اللي مش شبهك المفروض تعملي إيه تقربي في دنيا باب التوبه فيها مفتوح ورب العالمين يقول من تقرب إلي شبرا تقربت إليه ذراعا، ومن تقرب إلي ذراعا تقربت إليه باعا، ومن أتاني يمشي أتيته هرولة ولا تروحي دار الحساب وتأكدي أن سبب الهم والغم والابتلاء هو كثره الذنوب والله يا حبيتي الدنيا أبسط من كده مهما عدت عليكي مشاكل هتقدري تحليها بس وأنتي ماشيه في طريق صح وبترضي الله أنتي ما شاء الله ربنا يحميكي متفوقه ركزي على مستقبلك اجتهدي وأرضي رب العالمين قومي صلي ركعتين وقولي كل اللي في قلبك لربنا وتأكدي إن مفيش حد في الدنيا أحن عليكي بس أصدقي مع الله وخرجي كل الطاقه السلبيه وهترتاحي إن شاء الله ربنا يراضيكي ويرضي عنك ويطيب خاطرك ويسعدك يارب
تم النشر الجمعة، ٢٨ يوليو ٢٠٢٣
وانتى اي ضمنك انك لما تموتى هيبقى اريحلك ما يمكن الى جاى هيبقى اصعب من الدنيا ( دا ف حالة انك قررتى تنهى حياتك وإزهاق الروح دى حاجه عند ربنا كبيرة ) طب هل انتى جاهزة فعلا انك تتسألى عن أعمالك ؟ ،انتى بتقولى أن فيه ناس حواليكى بتعمل معاصى وربنا سايبهم ،انتى حاسبه أن دى حاجه حلوة ؟! ابدا والله دى حاجه تخوف ( إن الله إذا غضب على عبد من عباده تركه لنفسه فهى كفيلة أن تهلكه ) عشان كدا كان النبى صلى الله عليه وسلم كان بيدعى ويقول لا تكلنى إلى نفسى طرفة عين ،تخيلى تفضلى تعملى فى ذنوب طول حياتك وتفضلى مغيبه لحد ما تموتى وبعد كدا تتفاجئ بأعمالك ،المفروض الى بيعمل ذنوب دا وحياته ماشيه عادى دا يبقى خايف ،قال الله تعالى : (نسوا الله فنسيهم ) ودا اسموا استدراج ربنا يسببه كدا لحد ما ييجى يتفاجئ بقا يوم الحساب ،برضوا فيه آية بتقول (فذرهم فى غمرتهم حتى حين ، أيحسبون أنما نمدهم به من مال وبنين نسارع لهم في الخيرات بل لا يشعرون ) أى أيظنون أن زيادتنا إياهم بالأموال والأولاد، دليل على أنهم من أهل الخير والسعادة، وأن لهم خير الدنيا والآخرة؟ وهذا مقدم لهم، ليس الأمر كذلك. { بَل لَا يَشْعُرُونَ } أنما نملي لهم ونمهلهم ونمدهم بالنعم، ليزدادوا إثما، وليتوفر عقابهم في الآخرة، وليغتبطوا بما أوتوا { حَتَّى إِذَا فَرِحُوا بِمَا أُوتُوا أَخَذْنَاهُمْ بَغْتَةً } ،دا انتى المفروض تكونى مبسوطة انك لما بتعملى ذنب ربنا بيبعتلك العقوبات فى وقتها عشان تفوقى من الغفلة وترجع تتوبى تانى وترجعيله ربنا مش عاوزك تبقى ماشيه فى ضلال ،كل دى افكار من الشيطان اوعى تسيبي نفسك ليها وبالنسبة للمشاكل الى عندك حاولى انك تلاقى طرق وكلمى اهلك عادى أو حوشى فلوس وروحى لدكتورة نفسية كويسة بس اسألى كويس قبل ما تروحى من غير ما تقولى لحد بس قرار الانتحار دا ابعدى عنوا تماما ،ربنا يطمن قلبك ويصلح حالك يا رب ❤️
تم النشر الخميس، ٢٧ يوليو ٢٠٢٣
لعرض السؤال في فدني اضغط هنا