السلام عليكم هل انتى من صغرك كده ولا ده جديد عليكى ؟ الشخص اللى مبقاش موجود ده كان بينك وبينه ارتباط عاطفى ؟
تم النشر الثلاثاء، ١٩ أغسطس ٢٠٢٥
تم النشر الثلاثاء، ١٩ أغسطس ٢٠٢٥
تاني حاجة بخصوص أهلي وإنهم بيقدموا ولا لا ف أنا مش بطلعهم وحشين وإنهم ومبيعملوش ليا حاجة بس لا فعلا حتى لو كانوا بيعملوا حاجات بسيطة مشكورين بس ده يعتبر غير كافي فالوقت ده ليا لاني ببساطة محتاجه حاجات أكبر بكتير من اللي بيقدمها يعني يحسسوني ب نفس الاحساس اللي حكيت عليه فوق بس انا لاقيه فيهم لا لاقيه الحب والاهتمام من امي ولا الأمان من بابايا يعني ببساطة انا مقدرش أقعد أتكلم معاهم انه انا عملت ايه النهاردة هو احكي هاي حاجة مضيقانى لاني فالغالب م ش بلاقي ان هما مهتمين يسمعوا أصلا. وده بعيدا عن ردودهم بقي
تم النشر الاثنين، ١٨ أغسطس ٢٠٢٥
بالنسبه ل أهلي ف لا هما مش بيقدموا أي حاجة حرفيا ابسط حاجة ف انهم لا عافية انا كام سنه ولا انا بدرس إيه ولا مهتمين يعرفوا + بلص اني ديما كنت حاسه ب فراغ وأني لوحدي ومش قادرة أعمل حاجه لوحدي من صغري لعند ما كبرت ولكن الفتره اللي كنت بتكلم فيها مع الشخص ده هى من احلي الفترات اللي عيشتها حرفيا كان فيها كل حاجة الاهتمام واحساس الأمان وكل ده وإن فيه حد مهتم أصلا بيسأل عملت إيه النهاردة وايه إللي حصل وهل فيه حاجه مضيقانى وحابه احكي ولا لا ومتابع معايا كل حاجة ف يومي حرفيا ولاحظت ان سلوكي أتغير كتير اوي فالفتره دي يعني مبقتش اني اتعصب واتضايق من أقل حاجة زي الأول جني أو حصل ببقي حاسه ب امان باني ليا ملجأ يحتويني وحد أروح اعيطلة وأقوله إيه اللي حصل وهو ييراضيني كل ده بمعنى انه كفي حفره الفراغ الداخلي إللي جوايا وحاليا انا حالتي أسوأ من الأول بكتير وتفكيري مش غير مع الشخص ده ف إللي محتاجاه هنا هو إزاي اتكيف مع البيئه إللي أنا عايشه فيها ومكنتش محتاجه ده حد وافك تعلق بالشخص ده
تم النشر الاثنين، ١٨ أغسطس ٢٠٢٥
الافكار المتخزنه جواكى هى اللى بتحركك من غير ما تحسى ...جربى كده تبصى لاهلك ان الحاجات البسيطة اللى بيقدموها هى قمة الاهتمام هتلاقى نفسك مش حاسه انك محتاجة اى حاجة من حد اصلا
تم النشر الأحد، ١٧ أغسطس ٢٠٢٥
الموضوع مش موضوع انك تقولى لنفسك كلمتين وخلاص...هنا فى تعود على جرعة اهتمام بقت زى الادمان ...زائد انك مديه لنفسك الاسباب اللى تخليكى محتاجة دايما حد هو اللى يجى يملا الاحتياج وكأنك مش مسئولة عنه ...يا اما يكون فى اشخاص تهتم وتدعم يا اما انا مقدرش اقوم بالدور ده لانه بتاع اى حد الا انا
تم النشر الأحد، ١٧ أغسطس ٢٠٢٥
ومهما حاولت مع نفسي انو خلاص الحد ده مبقاش موجود ومحدش هيقوم بدور اعلي وانو لازم اركز مع نفسي واعمل كل حاجه لوحدي ومحدش هيبقي معايا طول الوقت بس الكلام ده مفعوله مبيكملش خمس دقايق وكل حاجة بتبقي زي ماهي وأنا بردو مش قادره أعمل حاجه بنفسي لدرجة إن أنا اتمنيت لو إني اتخطب فالعمر ده عشان ألقي الاهتمام من الراجل إللي هيبقي معايا وانو يعوضني عن كل حاجة وفنفس الوقت تجنبا للدخول ف اي علاقه محرمه أخرتها تبقي مش كويسه وكل ده ولكن الموضوع ده مينفعش تماما لأني ما زلت بدرس وأهلي مش هيفواقوا علي كده
تم النشر الأحد، ١٧ أغسطس ٢٠٢٥
وعليكم السلام ايوا الموضوع ده من زمان مش بس من دلوقت ولكن حاليا زاد كتير عن الأول بمعنى لو انا كنت قادره أعمل حاجه لوحدي قبل كده ولو بسيطة دلوقت لا مش قادرة أنا عايزه حد اعتمد عليه أو حد يقوم بدور الاهل عندي انه يوجهني ويتابع معايا دروسي وكل دة ايوا الشخص اللي اتكلمت عليه ف سؤالي فوق كان بينا ارتباط عاطفي بلص انه كان قايم فعلا بالدور دة يعني بيعملى الحاجات اللي قولت عليه دي وكنت معتمده عليه تماما ف كل حاجه انزل دروسي اذاكر إللي عندي بعد ما اخلص هعمل ايه ف يومي النهارده إيه ينفع يتعمل وايه لا وحاليا هو مبقاش موجود وأنا بقيت بعاني الضعف لأنو كان بيعطيني كل لاهتمام الللي أنا فقدته من أهلي ومعوضني عنهم كتير وعن اي حد
تم النشر الأحد، ١٧ أغسطس ٢٠٢٥
لعرض الإجابة في فدني اضغط هنا