ازاي اطور من نفسي ويبقا عندي معلومات في مختلف المجالات سواء رياضه او معلومات عامه وازاي اطور اكتر من نفسي في الانجليزي لاني في كليه انجليزي واهلي دخلوني فيها غصب فلازم اثبت نفسي فيها مع اني مستوايا وحش خالص في الانجليزي لاكن مستوايا في العام جيد جدا كنت ادبي وجبت في الثانويه 91٪ وكنت محتهده جدا لاكن لما دخلت الجامعه فقدت شغفي وبقيت كسوله واكتر وقتي نوم والتلفون مدمر حياتي ومضيع وقتي ومش بذاكر وبنجح بالعافيه كمان غير اني
معنديش معلومات كافيه في اي مجال ياعني احيانا صحابي بيتريقوا عليا بسبب اني معرفش حجات كتير وبيقولوا عليا نرم وبجد زعلانه اوي نفسي ابقا مثقفه وعندي معلومات كتير وابقا شاطره ف الحسابات والرياضه لاني لم ادرس رياضه من اعدادي وناسيه اي حاجه متعلقه بالرياضه عايزه اطور من نفسي وذاتي وابقا حاجه كويسه ومسمحش لحد يهيني او يجرحني بكلمه واتفوق في جامعه واعرف انظم وقتي واحسن من نفسيتي وارجع شغفي للحياه تاني
طيب اولا هنقعد نرتب الدنيا واحده واحده ...لان اللغبطة دى بتزود توترك لانك بتفكرى فى حاجات كتييير اوى فى نفس الوقت عشان تحققى نتيجة حاليا لازم ندى الحاجة حقها على قدر طاقتك الحاليه مش كله هيتعمل فى نفس الوقت . طبعا جزء من احساسك انك ضعيفه هو ان الكلية مش على مزاجك اولا استغلى الموبايل فى انك تزودى معلوماتتك العامه لو حابه ...يعنى خليكى متابعة ناس بتتكلم فى حاجات مهمه واشتركى فى برامج او العاب فيها معلومات عامة ...تابعى اخبار العلماء مش المشاهير وخلاص. وطول الوقت احنا فى مرحلة تعلم واللى يتريق على حد بيتعلم اعرفى انه اكبر جاهل للاسف . ابدأى بصى للحياة والواقع من ناحية عمليه ...الكلية شوفى مجالاتها المفتوحه ايه وتقدرى تستفيدى منها ازاى وممكن الكليه تخليكى تتجهى اتجاه انتى لسه مش شايفاه عشان واقفه باصه للحيطه وسايبه الشباك المفتوح. اى شخصيات سلبيه بتعطلك سيبك منهم ابدأى ع طول
تم النشر الثلاثاء، ١٤ مارس ٢٠٢٣
أولا : متسمحيش لحد انه يقل منك، او انه يتفه من شخصيتك، حتى لو كانت ايه! واعملي حدود لنفسك ثانيا: لو عايزة برنامج تمشي عليه في اللغة الإنجليزية وتكوني فيه بعد كده قوية في اللغة. فيه ابليكشن اسمه ZAmerican English ده ممتاز جدا، وفيه كمان طليق. الاثنين تابعين لمستر ابراهيم عادل، وليه كمان قناة على اليوتيوب. لتحميل الابليكشن ذا امريكان انجلش https://play.google.com/store/apps/details?id=com.zamericanenglish لتحميل طليق .. وبالمناسبة طليق فيه لغات كتير غير الانجليزيه https://play.google.com/store/apps/details?id=com.taleek.app وديه القناة ع اليوتيوب https://youtube.com/@ZAmericanEnglish أما عن ازاي تبقى مثقفة .. أقرأي كتير وشوفي انتي حابه اي مجال واقرأي فيه... وحاولي انك تستغلي السوشيال ميديا في حاجات كويسة تتابعيها هترك ليكي قنوات على اليويتيوب مفيدة جدا جدا وان شاء الله هتترك ليكي حاجاة جديدة في حياتك. قناة حازم الصديق والبودكاست بتاعه Hazcast : اجتماعية، تعليمية قناة اسماعيل فؤاد قاسم : صحة نفسية قناة وعد امين : تغذية دروس اونلاين : تعليمية Nedal Reads : مراجعة كتب نادي القراءة العملية : تعليمية ومهنية وتطوير ذات وده برده الموقع بتاعهم (نادي القراءة العملية) هتستفادي منه جدا باذن الله ن رمين البحيري : صحة نفسية اخضر : تعليمية ، تطوير ذات، مراجعة كتب جيل يقرأ : تعليمية ، كتب وديه منصة عالمية عليها كورسات من معظم جامعات العالم (كورسيرا) وكمان فيه منصة ادراك انزلي كمان انشطة تطوعية .. هتفرق معاكي جدا سواء في العلاقات اللي ممكن تكتسبيها، او انك تطوري نفسك .. هتتعلمي كتير، والعبي كمان رياضة هتفرق معاكي جدا استثمري اليوم بتاعك كويس
تم النشر الثلاثاء، ١٤ مارس ٢٠٢٣
انتي بنت جميله جدا وخام ودي ميزه حلوه قوي متسمحيش حد يقول عليكي نرم او يستهزء ببكي ابدا حتى لو هتقطعي علاقتك بيه بالنسبه لتطوير اللغه معاكي في ابلكيشن اسمه BBC LEANING هيعلمك الانجليزي حلو جدا ويقويكي فيه بس خدل لنفسك كل يوم جزء وعدد فديوهات تسمعيها وتجاوبي ع اسألتها هيفرق معاكي كمان الرياضه ذاكري الي عليكي ولو صعب عليكي فهمه استعيني بمدرس رياضه ثانوي يضبطهالك ويحسن من مستواكي فيها والمهم انك تكوني عارفاه ان مذاكره ونظام ثانوي مختلف تمام عن الجامعه ف المدرسه كان بيربطك بالمذاكره درس ومدرس وامتحان لكل درس لكن الجامعه انتي الرقيب ع نفسك بس انتي ف الجامعه مش محتاجه غير انك تحضري محاضراتك وبعدها ترجعي تبصي عليها والي مش فاهماه منها دوري ع فديوهات تشرحه وتبسطه بس وتابعي محاضراتك اول بأول وهتبقي احسن واحده ثقي ف قدراتك وانبسطي بفتره الجامعه هتفضلي طول عمرك فاكره انجازاتك فيها
تم النشر الثلاثاء، ١٤ مارس ٢٠٢٣
أولا حل المشكلة سهل للغاية ولاكن سأدلك علي الطريق، اولا انت في بداية حياتك الجامعيه، انصحك اذن بقراءة كتاب 10 امور تمنيت معرفتها قبل دخولي الجامعه. بعد ذلك عليك بالالتحاق بمنصه اصبوحة، هو مشروع لجعلك مثقفا عن طريق توفير مكتبة للكتب وانت عليك اختيار الكتاب والالتزام بالتاسك المطلوبة ويمكنك رسم الطريق من خلال خطوات ثابتة.
تم النشر الثلاثاء، ١٤ مارس ٢٠٢٣
لعرض السؤال في فدني اضغط هنا