هي الاحلام نابعة من التفكير الكتير في الموضوع مش اكتر! بس ليه هي بالذات اللي عايزاها تبقى صاحبتك؟ ولما حاولتي تقربي منها بشكل ما .. هي كان رد فعلها ايه مثلا!
العفو يا قمر على ايه ❤❤❤ وربنا معاكي ويوفقك باذن الله😍
تم النشر الأحد، ٢٨ مايو ٢٠٢٣
شكرا جدا جدا لحضرتك و تشتغل على الموضوع ده اكتر و هحاول اركز اكتر على نفسي بدل ما اضيع طاقتي مع الناس 💖
تم النشر الأحد، ٢٨ مايو ٢٠٢٣
حاجه اخيرة ... ع مر السنين فيه حاجات كتير جدا هتتغير منهم الصحاب .. لما افكارك تتغير او افكارهم هما تتغير ل اما مثلا انتي تبعدي ل اما هما يبعدوا .. وممكن متبعدوش ممكن تفضلوا ده على حسب .. وعلى حسب قبول كل واحد للتاني .. ف اتمنى انك تقدري الجزئية ديه .. وتعرفي ان ممكن اساسا محدش فيكم غلطان .. هو بس الموضوع وما فيه قبول مش اكتر ولا اقل. واكيد هتلاقي اشخاص يفهموكي وتفهميهم .. ويقبلوكي زي ما انتي بأفكارك وبشخصيتك.
تم النشر الأحد، ٢٨ مايو ٢٠٢٣
مش درامي ولا حاجه .. بما ان الموضوع بمثابة مشكلة بالنسبالك ف هو اكيد مهم ..
تم النشر الأحد، ٢٨ مايو ٢٠٢٣
ممكن فعلا و انا خليت الموضوع درامي شكرا جدا لحضرتك و هفكر كويس في كلامك
تم النشر الأحد، ٢٨ مايو ٢٠٢٣
بصي هو ممكن دلوقت تشوفي ان الموضوع صعب .. بس هقولك على حاجه .. بالذات لو السن في العشرينات او ما قبل العشرينات .. بتبقى لسه الشخصية متكونتش ومش بيبقى فيه نضج وده عند الاغلبية .. عموما . ف عايزة اقولك ان ممكن جدا محدش فيكم غلطان .. كل الحكاية ان انكم مش متوافقين مع بعض
تم النشر الأحد، ٢٨ مايو ٢٠٢٣
عندك حق فعلا بس بجد حاجه تضايق يعني هي حتى متعرفش عن اي حاجه من الي بقولها دي دلوقت و عايشه عادي جدا و اظن انها معتبرتنيش صديقة ليها حتى
تم النشر الأحد، ٢٨ مايو ٢٠٢٣
علشان محدش فيهم بيفهمني و علشان مش بعبر عن مشاعري للأشخاص الي بحبهم و مش بقدر اقول كلام ذي بحبك او انتي صاحبتي المقربة او اي حاجه شبهها و كمان علشان أفكاري غريبه جدا فنوعا ما صعب الاقي حد بيتفق مع أفكاري او يفهمها
تم النشر الأحد، ٢٨ مايو ٢٠٢٣
بس مين قال ان الاهتمام بيدل على الضعف؟ الاهتمام شئ حلو جدا .. ف ناس تقدر الاهتمام وفيه ناس تانية لا .. وانتي اتصرفتي صح لما ادركتي انه خلاص الشخصية ديه مش بتتعامل معاكي بنفس الطريقة اللي نفسك فيها، ف خلاص بعدتي انتي تماما. انتي اللي اخدتي القرار مش هي.
تم النشر الأحد، ٢٨ مايو ٢٠٢٣
حاسة بالندم علشان حاولت اساعدها و يمكن هي تكون عرفت نقاط ضعفي او اني مهتمه بيها مثلا
تم النشر الأحد، ٢٨ مايو ٢٠٢٣
في الغالب اه يعني مثلا واحدة فكرتني اني غيرانه منها علشان هي متفوقة جدا و معرفتش اوضح سوء الفهم ده و واحدة تاني لما بتقولي على حاجه خايفه منها او مضايقاها بحاول اساعدها لكنها بتفكرني اني عاوزة أثبت اني صح و خلاص رغم أن نيتي اني اساعدها بس و وضحت سوء الفهم ده بس واثقه انها مش هتتكلم معايا ذي الاول تاني و كمان واحدة تاني كانت بتبعد عني و خلاص و الي كانت معايا لمدة ٦ سنين بقت بتصاحب غيري و نسيتني تماما و غيرهم كتير
تم النشر الأحد، ٢٨ مايو ٢٠٢٣
من وجهة نظرك ليه شايفة نفسك بتفشلي في تكوين صداقات؟
تم النشر الأحد، ٢٨ مايو ٢٠٢٣
طيب عظيم .. يبقى احنا محتاجين نشتغل على النقاط ديه ... اول حاجه متندميش ع حاجه انتي كنتي محتاجها .. ده شئ طبيعي انك كنتي عايزة تقربي من حد معين فضلتي تعملي اللي عليكي لحد ما خلاص قررتي انك تبعدي .. يعني عملتي اللي عليكي اتجاها .. ف ليه تحسي بالندم ؟
تم النشر الأحد، ٢٨ مايو ٢٠٢٣
لما بفكر فيها بفكر انه قد ايه اني نسيت و أهملت نفسي مقابل اني اكون صداقة قوية و اني رغم المحاولات دي و مش معاها هي بس بل ما غيرها كتير كمان دايما بفشل و ان عمري ما هيكون عندي صديقة مقربة و بكره نفسي خالص لما بفكر في أصحابي و خصوصا هي لأني بندم على كل التصرفات الي عملتها في محاولة للتقرب منهم
تم النشر الأحد، ٢٨ مايو ٢٠٢٣
طيب لما بتفكري في البنت ديه بتفكري فيها ب ايه بالظبط؟
تم النشر الأحد، ٢٨ مايو ٢٠٢٣
طيب وهل كان فيه اجماع على كل العلاقات اللي بتدخليها انهم بيفهموكي غلط؟
تم النشر الأحد، ٢٨ مايو ٢٠٢٣
حاولت اكون صداقات تانيه بس لا اما بيفهموني غلط في كل مرة اتكلم فيها في اي موضوع و بيفكروا اني متكبرة و عاوزة اتفلسف عليهم لا اما بتكون علاقات سطحية هدفها الدراسة فقط
تم النشر الأحد، ٢٨ مايو ٢٠٢٣
طيب ليه محاولتيش تعملي صداقات تانية ..؟ ولما بتفكري فيها وبتيجي على بالك بتفكري ف ايه مثلا او ايه اللي بيخطر ع بالك !
تم النشر الأحد، ٢٨ مايو ٢٠٢٣
في الاول خالص اه لأن حاولت كتير بينما هي مش فارق معاها اصلا بس حاليا لا مش فارقة معايا المشكلة حاليا اني لما اقعد مثلا على التليفون و افضى من شغلي بفتكرها
تم النشر الأحد، ٢٨ مايو ٢٠٢٣
طيب انتي حاسه باحساس وحش اوي بعد رفضها ليكي؟
تم النشر الأحد، ٢٨ مايو ٢٠٢٣
كنت مفكرة اني عندي اصحاب بس أدركت انهم مجرد زملاء و معنديش و لا صديقة مقربة بس عادي الحمد الله على كل حال
تم النشر الأحد، ٢٨ مايو ٢٠٢٣
هو طبعا يستحسن خلاص تبطلي محاولات في التقرب منها، هل ليكي صديقة قريبة حاليا منك ؟
تم النشر الأحد، ٢٨ مايو ٢٠٢٣
و الله حاولت اعرف ليه هي بالذات رغم أنها عادية جدا و فيه الاحسن منها بس معرفش ليه ...... لما حاولت اتقرب منها كان كلامها عادي جدا مثلا مرة قولتلها تعالي نلعب لعبة و الكلام ده على الواتس و هي كانت بتلعب معايا عادي بس ما صدقت أذان الفجر اذن و قالتلي هروح اصلي و انام و كمان لما كنا بنلعب كانت بتاخد وقت عقبال ما ترد عليا رغم أنها قاعدة على التليفون اصلا و دايما بترد متأخر و لو انا مسألتش عليها هي عمرها ما هتسأل او تكلمني حتى و مرة قالت إنها مكتأبة و وقتها حاولت اساعدها و كل الي قالته شكرا لأنك مهتمه و بس كده مردتش و كمان كنا متعودين نروح البيت مع بعض و لكن بعد كده بقت بتنزل بسرعة قبلي و تمشي بسرعة علشان مروحش معاها و بتروح مع واحده تاني حتى كمان كنا بنقعد جمب بعض في المدرسة و لكن بعد كده عرفت واحده تاني و بقت بتقعد معاها و انا بقعد لوحدي و لما سألتها مثلا ضايقتها في حاجه او لا ردت و قالت لا مفيش حاجه و بس كده من ساعتها بطلت احاول اتقرب منها و مش عاوزة اتقرب منها خلاص اكيد في الاحسن منها بس اذاي ابطل تفكير فيها يعني مثلا كنت يشغل نفسي عادي و مشغولة بحياتي و عندي حاجات كتير يشتغل عليها بس رغم ده برضو بفكر فيها
تم النشر الأحد، ٢٨ مايو ٢٠٢٣
لعرض الإجابة في فدني اضغط هنا