طبيعي نشعر بالإشمئزاز من الصفات السيئة ونبغضها وطبيعي نتجنب المنافقين ومانحبش إننا نتعامل معاهم و فكرة إنك تكوني حذرة في علاقاتك وخصوصاً مع الناس اللي أذوكي قبل كده ده شيء كويس.. ولكن! هل أذيتهم كانت مُتعمَّدة وقوية لدرجة إنها تسببلك عقدة ؟ هل أذيتهم ليكي متكررة ؟ هل محاولات اقترابهم منك مش ممكن تكون من أجل الإعتذار والتكفير عن ذنبهم تجاهك؟ جربتي تديهم فرصة قبل كده وتختبريهم وتشوفي هل نيتهم سليمة وللا لا؟
طيب بما إنك اديتي فُرص و واجهتي وعاتبتي ووضحتي إن تصرفاتهم معاكي دي بتضايقك حتى لو شايفينها من منظورهم تصرفات عادية وماتزعلش و لقيتي إن العتاب ده ماجابش نتيجة ومع ذلك ماحاولتيش تردي الإساءة بالإساءة يبقى عداكي العيب... حاولي تسامحي علشان نفسك وعشان ترتاحي حتى لو قررتي إنك مش هتتعاملي معاهم تاني او المعاملة هتكون سطحية وبالمثل.. و لو مش قادرة تسامحي او تتقبليهم ف ع الأقل استمري ف اجتنابهم وزي ما انتي ماتشغليش بالك بالقيل والقال ... عارفة إنك بني آدمة بتحسي و نفسيتك بتتأثر وبتتسائلي كتير هما عملوا كده ليه وكانت ايه دوافعهم وليه بيحاولوا يتقربوا منك تاني طالما مش بيحبوكي وبيتكلموا عليكي ف ظهرك وبيأذوكي ولكن صدقيني في ناس عندهم طباع مرضية بتدفعهم يعملوا تصرفات مؤذية وبيعملوها بدون وعي أو إدراك لمجرد إنها بتشبع عندهم رغبة معينة أو بتشعرهم باللذة وأعتقد سمعتي عن اللي بيرتكبوا جرايم وحشية لنفس الأسباب ف بالتالي مش دايماً هتلاقي سبب منطقي لأفعالهم ف ماتهلكيش نفسك ف التفكير
تم النشر الأربعاء، ٢٥ ديسمبر ٢٠٢٤
كانت قوية فعلا وغير مبررة ومش سببتلي عقدة بس تعبتني فترة وانا مش قادرة اتفهم سبب التصرف....كانت متكررة حاليا معرفش حاجة عنهم الا صدفة ومش بسأل حتى لو واقفين ع رمش عيني لو مكلمونيش سلموا بعمل مش شيفاهم فحتى كلامهم عليا بطلت اهتم موجود ولا لا...معتقدش لأن محاولوش ولما عاتبت واحدة منهم وهي اطيبهم من وجهة نظري ونظر الكل اكتشفت ان اصلا مش شايفين ان الغلط منهم وبيلوموني ع ان بعدت عنهم مش ال عملوه...للفرصة ايوة انا تجاهلت مواقف وكلمات ونظرات وتلقيحات كتير بس حسيت ان تعبت
تم النشر الأربعاء، ٢٥ ديسمبر ٢٠٢٤
لعرض الإجابة في فدني اضغط هنا