عليكم السلام ورحمة الله وبركاته محتاجة أعرف منك أكتر عن سبب اختيارك لعلم النفس: إيه اللي جذبك له فعلا؟ وإيه اللي مخوفك من الاستمرار؟ لأن قرار زي ده لازم يكون مبني على ميولك وقدراتك والفرص المتاحة مش على رأي الناس أو نتيجة اختبار MBTI وحده لو حابة ممكن نتكلم أكتر ونرتب أفكارك ونقارن بين الاختيارات المتاحة ليكي بشكل عملي وبعدها توصلي لقرار تكوني مقتنعة بيه 🤍
شغفي بالمجال واني بحب علم النفس جدا وكنت بحب اقرء فيه حتى وانا علمي ولكن مش حابة اشتغل بيه بس مش بحب اختلط بناس كتير بحب التفكير الذاتي وببدع فيه ولما بشتغل لوحدي النتايج بتكون احسن بكتير لما بشتغل مع مجموعة وديما بركز على أصغر حاجة والتفاصيل وكمان بحب التحليل جدا وشخصيتي تتميز بالذكاء العاطفي والكثير من الميزات ولكن عيبي من ضمن العيوب للتي امتلكها هو ان العلاقات تستنزف طاقتي وأهلي قالولي انتي حرة وانا مشتتة جدا وحاسة بالضياع وديه اول مرة احس بالشعور اني لوحدي وانا مسئولة عن قراري وكمان عايزة اشتغل وابني ذاتي لأني إلى اليوم مبحبش اخد من بابا فلوس ولا حتى مصروف دونا عن اخواتي والكل بيقولي ده غلط انتي مسئولة منه ولكني اشعر بالمسؤولية الشديدة تجاه نفسي وحتى كان نفسي ادخل تجارة انجلش ولكن لما عرفت انها بمصاريف شيلتها من حساباتي
تم النشر الثلاثاء، ٢٥ أغسطس ٢٠٢٦
لعرض الإجابة في فدني اضغط هنا