خلينا الاول نعرف يعنى اى فراغ عاطفى.. هي حالة الواحد بيحس فيها ان جواه نقص فى المشاعر.. محتاج اهتمام وحب واحتواء ومش لاقيهم فى حياته.. ببساطة شعور ان قلبك فاضى وعاوز حد يشاركك تفاصيلك يسمعك يهتم بيك وبغيابك وبتقلباتك.. وبيكون موجود عشان انت مش مرتبط او انت ممكن تكون مرتبط بس مش مكتفى عاطفيا والسبب الاكبر انك مش بتهتم بنفسك كفاية فبتدور على حد يديك الى انت مش مديه لنفسك.... ودا مشكلته انه ممكن يخلي الشخص يتسرع ويدخل علاقة غلط لمجرد انة يملأ فراغه ودا بيزود التعب والمشكلة مش بيحلها.... وللاسف لو انت بتحاول تتجاهله او تبعد عن التفكير فيه بيقلب عكسي معاك وبيخليك تفكر وتحس بنقص المشاعر اكتر + انك تشوف الى حوليك مرتبطين وعايشين حياتهم دا بيزود شعور النقص جداا.. الحل اى ومش هيكون سهل اوى يتعمل لازم معافرة.. . انك تشتغلى على نفسك وتملى وقتك بحاجة بتحبيها وتهتمى بنفسك وتدى نفسك الى انتى محتاجاه من تقدير وحب ورعاية واهتمام ولما يجي الشخص المناسب هتدخليه حياتك بالعقل والقلب مع بعض مش لمجرد احتياج.. وحاولى تشوفى حد قريب منك تثقى فيه تتكلمى معاها وتفرغى جزء من تفكيرك معاها.
محدش ف سني قريب مني لدرجه اني احكيله او بمعني أصح أثق ف حد و اقوله للأسف بكرا وبعده يمكن يفتكر ليا الكلام دا و يذلني ف كدا انا محتاجه اروح ل ثيرابست؟
تم النشر الاثنين، ١ سبتمبر ٢٠٢٥
طيب واي الحل ل الحنين فعلا بتشد لاي حد لمجرد بس انه يبان عليه طيب او محترم
تم النشر الاثنين، ١ سبتمبر ٢٠٢٥
الافضل تحكى مع حد قريب منك ف السن هيقدر يفهمك اكتر ويحتويكى وهيقدر انتى بتفكرى ازاى..
تم النشر الأحد، ٣١ أغسطس ٢٠٢٥
لو زاى ما انتى موضحة كدا.. دا ما اسمهوش " فراغ عاطفى" دا اسمة "حنين" يعنى انتى بتتشدى لاى حد بيعمل حاجة انتى بتعجبى بيها ف أنتى تعجبى بية مثلا بيتكلم بطريقة كويسة شيك فى لبسة لبق فى تعاملاتة..
تم النشر الأحد، ٣١ أغسطس ٢٠٢٥
للأسف انا مش بثق ف حد خالص غير ماما وحكيت ليها المواضيع دي قالتلي انتي صغيرة ومتفكريش كدا واشغلي نفسك ب حاجه كويسه و حبي نفسك زاي نصيحه حضرتك وكمان قالتلي اوديكي ل ثيرابست بس انا
تم النشر السبت، ٣٠ أغسطس ٢٠٢٥
فعلا لما كنت بتجاهل الشعور زاد عندي اكتر لكن اديني بدأت اعرف نفسي و اعترف ل نفسي انو ف مشكله بس حاسه بردوا اني محتاجه مساعده من حد زي ثيرابست عايزاه اتغلب عن الموضوع دا عشان لما اجي احب حد احبه هو بس احبه بكل غيوبه ومميزاته مشفش حد غيره
تم النشر السبت، ٣٠ أغسطس ٢٠٢٥
لعرض الإجابة في فدني اضغط هنا