السلام عليكم .
انا الحمد للّه بطلت اسلم على غير المحارم من فترة ولكن أحيانا بتعرض لمواقف انا بتكسف فيها اكتر من اللي مادد ايده
بقيت مجرد م اشوف اى حد يعرفني بتوتر جدا وبخاف وكمان بتجنب نهائي الاماكن اللي بيكونو فيها فبحس انى كدا مش افضل حاجه لأني بتهرب مش بواجه واقول ان الفعل دا حرام .
كمان لما بفكر بقول كلو عادي بس زوج اختي الكبيرة هو الوحيد اللي مش عارفه اواجه وكل اما يجب بنام
هو يبقى ابن خالتي وكبير جدا يعني ابنه اكبر مني وتقريبا رباني فكنت بسلم عليه زي بابا مش مجرد سلام ، وعارفه كل دا مش مبرر وحرام شرعا والحمد للّه بطلت بس بتهرب مش عارفه اواجه .
الموضوع مش سهل بالنسبالي لأني انطوائية وخجولة جدا وبعاني من رهاب اجتماعي مع القرايب بالأخص ومش بعرف اتعامل .
قولولي أعمل إيه وياريت لو حد عنده تجربه في الموضوع دا يقول لي كتشجبع .
السلام عليكم ورحمه الله وبركاته. شوفي في كده يعني اولا ممكن تخلي دائما في حاجه في ايدك حاجه تكوني ماسكاها وانت جايه تسلمي على شخص فلما يجي يسلم عليك يعني بتحججي ان انت حاجه طيب دي بتكون ايه يعني برده طريقه هتحتاج شرح وانك تقولي اللي في ايدك تسلمي علي مش هتنفع لانه قريب ممكن تبقي طول الوقت لابسه جوانتي محجبه فقط مش منتقبه طبعا لابسه علشان اييي يعني لو اضطريت ان انا اسلم على حد كبير ومش هيكون يعني مش هيتفهم حته ان انا بقيت ملتزمه لان انا ما سلمش على حد مش محارمي فهتبدا الفكره تخلص طيب ممكن برده مساله الجوانتي دي تكون طول الوقت مش متاحه فانا هابقى باخد بالي ان لو حد كبير في السن هقوم شده الكم بتاع الاسدال او العبايه او الحاجه اللي انا لابساها واسلم عليه واقول له.
تم النشر الخميس، ١٨ يونيو ٢٠٢٦
وعليكم السلام ورحمة الله وبركاته 🌸 أولاً، أحييكِ بشدة على قراركِ الجميل بترك المصافحة لغير المحارم، ده خطوة كبيرة وبتدل على وعي وإيمان، ربنا يثبتكِ ويبارك فيكِ. اللي بتمرّي بيه طبيعي جدًا، خاصة إنكِ بتقولي إنكِ انطوائية وبتعاني من رهاب اجتماعي مع الأقارب، فالموضوع مش بس "حرام"، ده كمان بيحرّك مشاعر الخجل والتوتر عندكِ. الهرب أو التجنب مش هيحل المشكلة على المدى الطويل، لأنه بيخلّي التوتر يزيد كل ما الموقف يتكرر. الحل الأنسب إسلاميًا وعمليًا هو المواجهة اللطيفة المباشرة بدون مبالغة أو إحراج. يعني لما تشوفي حد تعرفيه (زي زوج أختكِ)، تسلمي عليه بصوت واضح وابتسامة خفيفة وتقولي "السلام عليكم" بدون مد الإيد خالص. لو هو مد إيده، تقدري ترفضي بلطف جدًا بإنكِ تضمّي إيدكِ لجسمكِ أو تقولي بابتسامة "أنا بطلت أصافح" أو "السلام عليكم بس". الكلمة دي كفاية وبتكون واضحة ومحترمة، ومش هتحتاجي تفسري أكتر من كده. بالنسبة لزوج أختكِ تحديدًا، لأن العلاقة قديمة وفيها ألفة، ممكن تبدئي بخطوات صغيرة: أول مرة: تسلمي وتعدّي بسرعة. بعد كده: تحاولي تقعدي في نفس المكان فترة قصيرة وتتكلمي في مواضيع عامة خفيفة (مش ضروري كلام كتير). لو لسه متوترة، ادعي قبل ما تقابليه: "اللهم إني أعوذ بك من الهم والحزن…" وكرريها، ده بيهدّي التوتر النفسي. أنتِ مش مضطرة تواجهي كل حاجة مرة واحدة، خدي الأمر تدريجيًا حسب قدرتكِ. الرهاب الاجتماعي بيتحسن لما بنتعرض للمواقف بخطوات صغيرة ومنتظمة، مش بالهروب. لو حسيتِ إن التوتر شديد جدًا ومأثر على حياتكِ اليومية، ممكن تفكري في استشارة معالج نفسي متخصص في القلق الاجتماعي، عشان تساعدكِ تتغلبي عليه بطريقة عملية. جربي الطريقة دي وشوفي النتيجة، ولو عايزة تشاركي معايا إيه اللي حصل بعد كده أو عندكِ أسئلة إضافية، أنا هنا. ربنا يسهّل عليكِ ويبعد عنكِ كل توتر 🤍
تم النشر الأربعاء، ١٧ يونيو ٢٠٢٦
افضل حاجة تسويها عشان تبعدي نفسك من الاحراج هو ان مثلا لما تشوفي حد مش من محارمك حاولي انت تسلميه الاول من بعيد شوية يعني قولي السلام عليكم وحطي ايدك على صدرك على اساس انك مش بتسلمي وهما حيفهم لوحدهم وعشان دا ينجح لازم تكوني بعيد منهم شوية ... ولو حصل معاكي موقف وهو مد ايده ماتسلميش وقولي لها مش بتسلمي على الرجالة
تم النشر الخميس، ١٨ يونيو ٢٠٢٦
ربنا يبارك فيكى ويحفظك ويثبتك على ما انتى فيه
تم النشر الخميس، ١٨ يونيو ٢٠٢٦
كوني واضحة وواثقة ومتماسكة حتى لا تظهري بصورة ضعيفه فهذا الثغر يحتاج إلى قوة الشخصيه
تم النشر الأربعاء، ١٧ يونيو ٢٠٢٦
اختك تقوله بينها وبينه وهو هيتفهم موضوع بسيط
تم النشر الأربعاء، ١٧ يونيو ٢٠٢٦
جزاكي اللّه خيرا
تم النشر الخميس، ١٨ يونيو ٢٠٢٦
حاضر 🥺ادعيلي وانا بتوفيق ربنا مش هلمس ايد اي رجل غير محارمي ، واللّه المستعان
تم النشر الأربعاء، ١٧ يونيو ٢٠٢٦
بصي هو احنا صعيد ف الكلام دا يكاد يكون غير مفهوم🙃 ، ف الحل واللّه المستعان ان اقوي شخصيتي واقولها بصراحة وربنا يهديهم ، واتحفني عمو ( زوج خالتي ) هو اد بابا وكنت فبداية الامر بتكسف وبسلم واشيل ايدي بسرعه وفعلا عملت كدا لما قابلني في الشارع قام بيطبطب على ضهري🥲🤦ووقفت فحاله من الصدمة ومشيت بدون م اتكلم🫠 ، دلوقت بقيت بعمل عميه وطرشه اي حد يكلمني ولا يقابلني مش ببصله اصلا تجنبا للكوارث
تم النشر الخميس، ١٨ يونيو ٢٠٢٦
قريت قبل كدا بنت كاتبة إنها بتخلي في إيدها حاجة حلوة صغيرة زي بونبوني مثلًا، لما حد ييجي يسلم عليها بتدي له واحدة، منها ما بتكسفش إيده ومنها مش بتسلم وكمان اللي قدامك بيفهم
تم النشر الخميس، ١٨ يونيو ٢٠٢٦
لعرض السؤال في فدني اضغط هنا