عزيزتي انتي ما زلت في أول المراهقة و طبيعي جدا في الفترة دي تحسي انك محتاجة حنان لأن جسمك بينمو و هرموناتك متلخبطة، فطبيعي تبدأي تحسي انك محتاحة حنان و حب و عاطفة و تعيشي قصة حب زي روميو و جولييت. للأسف الكلام ده كله حكايات و أفلام مش موجودة في الواقع و بدري أوي أوي عليه لأن كل اللي في عمرك لغاية سن الثلاثين بيكونوا بيفكروا بجسدهم مش بعقلهم فحاولي انك تشيلي الفكرة دي من راسك (لو موجودة). النقطة التانية انه اللي حصل معاكي للأسف بيحصل كثير في الوقت ده و نسبة كبيرة أوي من البنات حصل معاها نفس الموقف فمتخليش شخص تافه و مريض زي ده يأثر على حياتك أو يشغل تفكيرك. في ناس وحشين أكيد بس برضه في ناس محترمه و بتخاف ربنا. انسي اللي حصل ده تماما و حاولي تبقي يقظة و ما تروحيش أماكن تكوني فيها لوحدك عشان محدش يستغل الفرصة و يتحرش فيكي. وآخر حاجه، الحياة مليانه تجارب حلوة و تجارب وحشة و لازم نتعلم من الاثنين. بالتوفيق
لعرض الإجابة في فدني اضغط هنا