في هذه اللحظة سيبنا من ابن عمتك و سيبنا من الراجل اللي جه اتقدملك و سيبنا من وجع الدماغ و الحاجات اللي ملهاش لازمة، مفيش داعي انك تبرري لابن عمتك موقفك، اهم حاجة انتي عارفة نفسك كويس، لازم تقعدي قاعدة مع نفسك تفكري انتي موافقة ع الشخص ده ولا لا بغض النظر عن ان انتي كلمتيه و ابن عمتك عرف و اضايق و كده انا عارفة ان انتي بتعزيه بس اهم حاجة نفسك، هو يمكن اضايق عشان انتي حطتيله حدود و اديتي فرصة للي جه اتقدملك ف هو زعل شوية و ده حقه بس مش معناه ان انتي السبب أو انتي المشكلة هي فترة زعل و هتعدي، بس انا عايزاكي تركزي ع نفسك انتي و تعرفي انتي عايزة الشخص اللي جه اتقدملك ده ولا لا، و طالما انتي عايزة تديله فرصة اديله و جربي و خوضي التجربة و ابن عمتك لما يهدى شوية ساعتها اتكلموا مع بعض و وضحوا سوء التفاهم اللي حصل بما انه برده شخص عزيز عليكي و زي اخوكي، بس في الأول و الاخر انتي ليكي الحرية انك تختاري و الاختيار اختيارك انتي و استخيري ربنا عشان تعرفي ايه الأحسن ليكي و متخلبطيش نفسك و تدخلي في دوامات ملهاش لازمة اهم حاجة انتي و صحتك
اين عمتى كلمته تانى امبارح وفهمته الموضوع واعتذرلته ع اى حاجه صدرت منى ومن الشخص اللي اتكلم وفهمته انه انا مرخصتش نفسي زى ما هو قال بل بالعكس انا قفلت معاه الكلام وقلته احترام لاهلى انا مش هتكلم معاك تانى معلش واهو انت عرفت طريق البيت.. ابن عمتى تفهم كام نقطه وكام نقطه خاصه بيه زعلان منها شويه بس هو قال انه صافى ومفيش حاجه وان شاءالله ينس كل حاجه يا رب واللى جه ده انا مرضيتش ابعتله تانى خالص وحتى لو بعت انا مش هرد عشان يعرف انى عند موقفى وانى غاليه واللى عايزني يتعب عشانى
تم النشر الخميس، ١٢ يونيو ٢٠٢٥
لعرض الإجابة في فدني اضغط هنا