تعبت من تحكمات اهلي ما بقتش شايف في حاجه حلوه ينفع ان انا اكمل عشانها بقيت متغير بقيت خايف من كل حاجه ما بقتش عايز أشوف نفسي بقيت حتى خايف ان انا اخد خطوه لقدام لحد النهارده انا مش قادر اعيش حياتي بشكل طبيعي حتى الدائره الاجتماعيه بتاعتي مقفوله..
بحاول اتعايش وبحاول اكمل يومي واتأقلم مع شغلي بس للاسف حاسس ان كل حاجه بتفشل.. حاسس إن أنا برجع لورا خطوات كتير بطلع الحاجات بتاذيني حاجات بتاذيني جسديا ونفسيا بجد.. مش عارف ابدأ منين وازاي وفين عندي اسئله كثير عايز لها إجابه.. بحس ان انا شخص مش سوي أبدا تفكير مش منطقي غريب عدواني بجد انا ما بقتش قادر اعيش حياتي طبيعي
بص هقولك على حاجة كلنا عايشين تحت تحكمات أهالينا وغصب عننا بنسمع كلامهم وبنبرهم لان غالبا هما بيكونوا عايزيك احسن حد في الدنيا. ممكن ساعات بتنخنق منهم بس محدش خايف عليك اكتر منهم. دول اهلك في النهاية انت متضطر تستحملهم بس برضو متجيش على نفسك. ودي بقا انت اللي تحددها. كل واحد عنده طريقته اللي بيعرف يظبط بيها أموره مع اهله . حاول تحسن علاقتك بيهم وحط نفسك مكانهم. ولو اهلك فعلا ظالمين يبقا خلاص ده ابتلائك في الحياة ادعي ان ربنا يهديهم . بس متخليش حد يوصلك لليأس ده من حياتك. استهدي بالله مفيش حاجة تستاهل. وحاول تقوى نفسك نفسيا وانت بتقول ان تفكيرك عدواني فده شئ كويس انك معترف ان فيه مشكلة محتاجه حل. حاول تحل المشكله دي وربنا يوفقك
تم النشر الأربعاء، ٢١ يناير ٢٠٢٦
أنا فاهمة تمامًا اللي بتمر بيه. التحكم ده من الأهل بيخلي الإنسان يحس إنه محاصر، وده بيغير الشخصية ويجيب خوف وعدوانية وشعور بالفشل.. بس أنت مش "مش سوي"، ده رد فعل طبيعي لضغط كبير، وفيه أمل كبير إنك تخرج منه خطوة خطوة. خطوات عملية عشان تبدأ: ابدأ صغير جدًا كل يوم : حدد حاجة واحدة بس، زي الصلاة في وقتها مع قراءة صفحة قرآن. ده هيرجع لك شوية سيطرة على يومك ويهدي التفكير الغريب. خطة استقلالية : ركز على شغلك أكتر، حاول توفر فلوس شهريًا (حتى لو 10% من راتبك) عشان تخطط لسكن لوحدك أو مسافرة عمل. ده هيقلل التحكم تدريجيًا. تعامل مع الدائرة الاجتماعية : ابدأ بكلام بسيط مع زميل في الشغل عن حاجة خفيفة زي "الجو النهاردة حلو"، مش لازم صداقات كبيرة فورًا. ولو عايز تفتح دماغك، اكتب أسئلتك هنا أو في فدني وابحث عن أسئلة مشابهة زي "ضغط أهل وخوف" هتلاقي إجابات كتير تساعدك. للأذى الجسدي/النفسي : لو بترجع لعادات سيئة، حدد "لا" واضح ليها يوميًا، واستبدلها بحاجة إيجابية زي مشي 10 دقايق بعد الإفطار. أنت قوي وقادر، وده مش نهاية الطريق. لو عايز استشارة متخصصة في الصحة النفسية أو تطوير الذات، روح على صفحة الخبراء في https://www.fedni.net/experts هتلاقي ناس محترفين هيساعدوك بشكل شخصي. قولي إيه أول خطوة هتعملها النهاردة؟ أنا معاك ❤️
تم النشر الثلاثاء، ٢٠ يناير ٢٠٢٦
غضب وتراكمات سنين ومش عليك فيها لوم .. الإنسان بيطلع على الدنيا وهو على الفطرة السليمة صافي الذهن معندوش قلق ولا توتر .. لما يصطدم بالبشر والظلم والأحقاد والأطماع بتبدأ الفطرة بالتلوث ... فلو ده مثلا عشر سنين من تلوثات الفطرة فهينتج انسان كبير عنده من المشاكل النفسية .... والإنسان الكبير يبدأ يلوث فطرة الأطفال وهكذا / لكن ابشرك طريق الحق موجود وواضح لمن أراد... قال تعالى :"من عمل صالحا من ذكر أو أنثى وهو مؤمن فلنحيينه حياة طيبة " .... لكن متستعجلش على نفسك في التعافي لأن مش معقول مثلا عشر سنين وانت متوتر هتيجي تعالجه في أسبوع؟ مستحيل
تم النشر الخميس، ٢٢ يناير ٢٠٢٦
لعرض السؤال في فدني اضغط هنا