انا بكتب الكلام دة وانا في حاله نفسيه صعبه جدا قبل الامتحانات ومحتاجه افضفض عشان اعرف اركز في مستقبلي بذاكر الحمد لله لكن بمر بظروف نفسيه صعبه جدا بسبب اهلي
اهلي بيضغطوا عليا بطريقه غريبه ومريبه أصروا علي تصوير ورقه رقم جلوسي وبيانات امتحاني في تليفوناتهم ولما حاولت ارفض واحافظ على خصوصيتي اتهموني اني بحبي او اني مش بقدر تعبهم او مجنونه ف اضطروني في الاخر اوريهم البيانات عشان يوقفوا ضغط ومع ذلك صوروا الورقه بالكامل كأنهم استغلوا الفرصه رغم اني طلبت منهم بوضوح ميعملوش كده
انا مقهوره اوي اوي لاني حاسه بانتهاك لخصوصيتي في وقت انا محتاجه فيه اكون اهدي ما يمكن ايه بحاول انشئ واركز في مذاكرتي بس مش عارفه لان وجود صورتها معاهم مخليني حاسه اني مش في امان ومراقبه ليه بيعملوا كدا طالما النتيجه كده كده هتتعرف وهتظهر سواء الاسم او رقم الجلوس ايه المبرر أنهم يصوروا ورقه جلوسي طالما النتيجه كده كده هتظهر بالرقم القومي وهتتعرف للكل وقت تقديم الجامعه
ليه يصروا علي حركه بتوترني بجد انا حاسه اني مش ف امان في بيتي
انا خايفه كمان يكونوا بيحاولوا يبتزوني مش عارفه انام ولا اركز في المذاكره ومقهوره ومخنوقه جدا انا كل اللي طالبه هو الهدوء والخصوصية عشان اقدر ادخل امتحاناتي وانا واثقه في نفسي ومجهودي مش اركز في صور وأوراق ملوش اي لازمه غير الضغط النفسي انا بجد تعبانه ونفسي يحذفوها عشان ارتاح واعرف اكمل مذاكرتي بس مش عارفه اتصرف معاهم ازاي لان عارفه مش هيحصل حاجه😔
انا حاسه بضغط نفسي وتوتر بسبب إصرارهم علي تصوير بياناتي الخاصه رغم رفضي ولما واجهتهم كأنهم خايفين عليا بس انا حاسه ان دة مبرر غير منطقي لان النتيجه كده كده هتظهر وانا مش محتاجه ده
بصي يا حبيبتي، أنا فاهمة إن اللي وجعك مش حكاية صورة ورقة الجلوس نفسها، قد ما هو إنك حسّيتي إنك طلبتي حاجة تخصك واترفض احترام رغبتك، وده أكيد يضايق أي حد، خصوصًا وإنتِ في وقت محتاجة فيه تحسي بالأمان والراحة مش بضغط زيادة. ومش هقولك عادي لأن واضح إن الموضوع مضايقك فعلًا، بس حاولي متخليش الموقف ياخد منك كل طاقتك دلوقتي. خلي تركيزك على نفسك وعلى الامتحانات اللي تعبتي عشانها، وبعد ما تعدي الفترة دي ابقي شوفي موضوع الخصوصية ده بطريقة تريحك. دلوقتي أهم حاجة إنك تهدي قلبك شوية وتفتكري إن تعبك ومجهودك هما اللي هيحددوا نتيجتك، مش صورة ورقة موجودة على موبايل حد. طب طالما انتي بتقولي مش هترتاحي غير لما تتحذف يعني بجد هيا صوره اي طيب يعني؟ لو صورة رقم الجلوس ف هيا عادي صراحه و مش فاهمه هيبتزوكي بيها ازاي زي م بتقولي. المهم لو تقدري تحذفيها م تحذفيها او احتفظي بيها علي فونك انتي بحيث لو قالولك حاجه و عرفو انك حذفتيها تقوليلهم هيا موجوده عندي و لو احتاجتوها هديها لكم و بس. ربنا يوفقك ويطمنك 🤍.
تم النشر الجمعة، ١٩ يونيو ٢٠٢٦
أنا آسفة جدًا إنك بتمري بهذا الضغط النفسي الشديد في وقت حساس زي قبل الامتحانات، وأقدر تمامًا شعورك بالانتهاك والخوف من فقدان الأمان داخل بيتك. مشاعرك مش مبالغ فيها، ورفضك لتصوير بياناتك الخاصة كان رد فعل طبيعي وصحي، خاصة إنك كنتِ محتاجة تركيز وهدوء. الإصرار على التصوير رغم طلبك الواضح يُعتبر تجاوزًا للحدود الشخصية، حتى لو كان الدافع المعلن هو "الخوف عليكِ"، لأن النتيجة ستظهر بالرقم القومي على أي حال، وهذا يجعل التصوير غير ضروري ويثير الشكوك حول السيطرة أو الضغط. من منظور نفسي، هذا النوع من الضغط العائلي يمكن أن ينبع من قلق مفرط أو رغبة في السيطرة، لكنه يؤثر سلبًا على ثقتك بنفسك ويحول المنزل إلى مصدر توتر بدلًا من الدعم. أنتِ لستِ مجنونة أو غير مقدرة لتعبهم، بل إن طلبك للخصوصية هو جزء من نضجك ومسؤوليتك تجاه مستقبلك. في الإسلام، الأسرة لها حقوق، لكن الحقوق متبادلة، والعدل يقتضي احترام خصوصية الفرد، خاصة في أوقات الضغط مثل الامتحانات. قال تعالى: "وَعَاشِرُوهُنَّ بِالْمَعْرُوفِ"، وهذا ينطبق على العلاقات الأسرية عمومًا، فالإكراه يتعارض مع الرحمة. للتعامل عمليًا، حاولي اختيار لحظة هادئة بعد الامتحانات أو في وقت مناسب للحديث بهدوء، واستخدمي عبارات "أنا" مثل: "أشعر بالضغط عندما تُصور بياناتي رغم رفضي، وهذا يؤثر على تركيزي، هل يمكنكم حذف الصور لأرتاح؟". هذا يقلل من الدفاعية ويفتح باب الحوار. إذا استمر الضغط، ركزي على ما تستطيعين التحكم فيه: ضعي جدولًا يوميًا للمذاكرة يبدأ بأهداف صغيرة، واستخدمي تقنيات مثل كتابة مخاوفك على ورقة ثم التخلص منها لتفريغ الذهن. تذكري أن قوتك الداخلية تأتي من إيمانك بجهدك، واطلبي من الله التوفيق والسكينة في صلاتك. أنتِ قادرة على تجاوز هذا، والبحث عن أسئلة مشابهة على فدني قد يعطيكِ منظورات إضافية من فتيات مررن بتجارب مشابهة. خذي نفسًا عميقًا وابدئي بخطوة صغيرة اليوم لاستعادة تركيزك.
تم النشر الجمعة، ١٩ يونيو ٢٠٢٦
هيا بتقول انهم أهلها اظن ان محدش بيضر أولاده م دام أهلها أكيد عايزين لبنتهم الأحسن ولكن ف ناس طبعهاا كداا فكرهم دايما انهم لازم يبقوا عارفين كل حاجه عن أولادهم وبيتحكموا ف حياتهم بشكل مبالغ فيه والله المستعان
تم النشر السبت، ٢٠ يونيو ٢٠٢٦
@سُلوَان سُلطَان البيانات هيا صورة رقم الجلوس و هيا خايفه يبعتوه لحد و حد يضرها بالصوره دي و مش عارفه تحذفها لان الفون بكلمه سر..و هيا حاسه باختراق خصوصيه لانهم مسمعوش كلامها و كدا و صورو الصوره رغم انهم لو قالولها عايزين رقم الجلوس و كدا كانت هتديهالهم عادي ف الصوره مش محسساها بأمان.
تم النشر الجمعة، ١٩ يونيو ٢٠٢٦
@𝙰𝚜𝚖𝚘𝚛𝚊 ࣪ تمام بس إيه الابتزاز وتسريب البيانات اللي هي بتقول عليه اللي ممكن يحصل برقم جلوس؟ رقم الجلوس آخره بيتجاب بيه النتيجة واللي فهمته إن النتيجة مش فارقة معاها إن أهلها يعرفوها، لو الموضوع كله إحساس باختراق خصوصية أو أسلوبهم في طلب رقم الجلوس ما عجبهاش تمام بس الصح تركن الكلام دا على جنب دلوقتي وتشوف مصلحتها وبعدين تكلمهم إن دا ضايقها، إنما موضوع الابتزاز دا يا إما هي فاهمة غلط يا إما أنا فيه حاجة فايتاني أو مش فاهماها.
تم النشر السبت، ٢٠ يونيو ٢٠٢٦
مش عارفه 😔
تم النشر السبت، ٢٠ يونيو ٢٠٢٦
البيانات عبارة عن إيه يعني؟ مش فاهمة ازاي يبتزوكي بيها. وطالما كدا كدا النتيجة بالرقم القومي هم صوروا البيانات ليه وانت حاسة باختراق خصوصية ليه؟ مش قادرة أفهم المشكلة
تم النشر الجمعة، ١٩ يونيو ٢٠٢٦
لعرض السؤال في فدني اضغط هنا