السلام عليكم هو انا ليه مش عارفه اجاوب على اى اسأله خالص خالص ليها علاقه بيا انا ازاى كده الموضوع مدايقنى جدا وحاولت كذا مره احاول افهم نفسي اكتر بس انا مش بعرف اجاوب علي الاسأله خالص يعنى مثلا سؤال زى ايه الحاجه الي بتسعدك معرفش ذكرى مبتحبش تفتكرها معرفش موقف دايقك معرفش اكتر حجات بتحب تعملها معرفش هوايتك المفضله معرفش حلمك ايه معرفش حرفيا معرفش اى حاجه ولا عارفه اجاوب لحد مثلا اخر مره قالولى اختارى علمى ولا ادبي معرفتش انا بحب ايه اجابتي دايما مش واضحه زى أما يخيرونى بين حاجتين دايما اقول اى حاجه لان انا معرفش انا عاوزه ايه
فى البداية كده.انك حابه تفهمى نفسك دى حاجة جميله جدا والأسئلة اللى بتقوليها دى مهمه جدا وهتساعدك .بس انتى كمان لازم تكونى صبورة على نفسك .كتير مننا مر بالمرحله دى لكن مع الوقت فهم حاجات كتير عن نفسه مكنش يعرفها.حاولى تكتبى كل اللى جواكى صدقينى انتى جواكى كلام ومشاعر وحاجات كتير جدا لما تبدائى تكتبى كل ده هيظهر بس بالتدريج لو ليكى صديقه مقربه اتكلمى معاها لأنها مرايتك وممكن تقولك على صفات وحاجات بتحبيهاو بتهتمى بيها . المحيط العائلى اللى بتعيشى فيه ممكن مامتك أو حد من اخواتك برضوا هيساعدك فى الموضوع ده استمرى دايما انك تفهمى نفسك وتحبيها لأن ده مهم ليكى جدا فى كل معاملاتك فى الحياة 🌷
تم النشر الاثنين، ٨ يوليو ٢٠٢٤
انا بس حابب اطمنك وأقولك إن موضوعك بسيط جدا كل ما فى الأمر إنك لسه مش عارفه تبدأى منين أو ايه هى نقطة الانطلاقة ليكي علشان كده نصحية منى ديما خالفى نفسك وهواكى واختاري الشيء الصعب في عينيك وصدقيني فى الأخر هتلاقى كل حاجه مع الأيام هتتعدل معاكى أنتى أقوى من أي ضعف أو فشل أو خوف
تم النشر الاثنين، ٨ يوليو ٢٠٢٤
ده في غالب بيكون بسبب تربية الاهل زي هما تقريبا اللي كانوا بيخترولك كل حاجة اوانتي لسه صغيرة وتجاربك في الحياة قليلة ،دي خطوات بسيطة ممكن تساعدك عايزة تعرفي مثلا ايه اللي بيدايقك مثلا حصل موقف شوفي اول رد فعل ليكي زعلتي مثلا اتعصبتي و زعل ده اخد كام ساعة ولا كام يوم والموقف ده اثر عليكي ولا لا ،عشان تعرفي هواياتك جربي حاجات جديدة شوفي بتكوني مبسوطة وانتي بتعمليها ولا لا يعني ممكن تكوني مبسوطة وانتي بتتعلمي طبخ وممكن تشوفي حد بيقرا فعايزة تكوني زيه بس انتي اصلا مبتحبيش قراءه ،علمي وادبي لو انتي لسه في اولي شوفي بتسوعبي ايه اكتر في الدروس مناهج علمي ولا مناهج ادبي وبتجيبي درجات اعلي في انهي فرع وايه اللي مذاكرة بتاعته بتحصلي فيها اكتر
تم النشر الاثنين، ٨ يوليو ٢٠٢٤
وعليكم السلام، أولًا، خدي نفس عميق واسترخي. انا هنا لمساعدتك وأفهم ازاي ممكن تكوني حاسة بالحيرة والضياع دي. مشاعر إنك مش عارفة تجاوبي على تساؤلات عن نفسك ممكن تكون علامة على إنك محتاجة تاخدي وقت لفهم نفسك بشكل أعمق. وده بيحصل لناس كتير، مش أنت لوحدك. ممكن نبدأ بطرق بسيطة تساعدك تعرفي نفسك أكتر: كتابة المشاعر والأفكار : جربي تكتبي عن يومك أو عن مشاعرك في دفتر يوميًا. ده ممكن يساعدك تلاحظي حاجات عن نفسك ما كنتيش واخدة بالك منها. التجريب والمغامرة : جربي حاجات جديدة، سواء كانت هوايات، أنشطة، أو حتى مجرد قراءة مواضيع مختلفة. التجارب الجديدة ممكن تكشف لك اهتمامات مخبية جواكي. التأمل : ممكن تحاولي تخصصي وقت للتفكير في نفسك، سواء من خلال التأمل أو جلسات هادئة لنفسك بس. ده يساعدك تركزي وتسمعي صوتك الداخلي. التحدث مع أصدقاء أو مختص : أحيانا المساعدة بتيجي من الحديث مع ناس قريبة منك، أو حتى مع معالج نفسي لو حسيتي إنك محتاجة مساعدة أكتر. التقييم الذاتي : جربي تاخدي اختبارات نفسية صغيرة أو استبيانات عن الاهتمامات والشخصية على الإنترنت. الحاجات دي مش دايمًا تكون دقيقة 100%، لكنها ممكن تديكي بداية تتحسسي منها. مهم تفتكري إن ده مش شيء غلط أو عيب، دي رحلة تعرفي فيها نفسك وأكتر الناس ما بيجدوش أنفسهم بسهولة. خدي الأمور بروية وخليكي صبورة مع نفسك. 💜
تم النشر الأحد، ٧ يوليو ٢٠٢٤
اتوفع لو غيرتي روتينك الموضوع هيتحل شوية ، اقري كتاب روحي اماكن جديدة ، جربي هوايات جديدة .
تم النشر الاثنين، ٨ يوليو ٢٠٢٤
هدف المسلم ف حياته الجنة ، مش شرط ابقا الاول ع الدفعة 20مرة ، او ابقا مخلص كل حاجة ممكن اخلصها او ابقا اول مش اول مكرر
تم النشر الاثنين، ٨ يوليو ٢٠٢٤
اكيد في حاجة بتحبيها يعني ، محدش مبيحبش المانجه
تم النشر الاثنين، ٨ يوليو ٢٠٢٤
حابة تشتغلي ف مجتمع عامل ازاي ، بتحبي الحفظ او الفهم ، اي الكلية اللي عايزاها يعني فرعي السؤال
تم النشر الاثنين، ٨ يوليو ٢٠٢٤
it's okay to be lost sometimes
تم النشر الاثنين، ٨ يوليو ٢٠٢٤
لعرض السؤال في فدني اضغط هنا