السلام عليكم ورحمة الله وبركاته
أنا متزوجة من ٤ سنين زوجي عنيد جدا قاسي شوية معندوش نقطة إنه يتنازل ويراضي اللي قدامه لو حسه زعلان، كتوم بدرجة رهيبة مندفع جدا
في بداية حياتنا حصلت دروبات ومن ضمنهم مرة ضربني ضرب مؤذي وقتها أهلي تدخلوا وحرفيا اخدنا وقت كبير ع يرجعني وأنا اخترت ارجع على أساس انه اتغير بصراحة مش هنكر من وقتها ممدش ايده تاني
مؤخرا بقى يعمل مشاكل جامد مع أهله اخوه وأمه وبقى يجرحهم بالكلام ورمى كل حاجة كويسة عملوها معاه ورا ضهره ومهموش حد خالص منهم وبيفضل قاطع صلة الرحم بالشهور ومش واخد رضا أمه ويدمر حياتنا قدامنا لأنه عايز يبيع بيته وأرضه وكل حاجة
وكل ما تجي اتناقش يقولي ملكيش دعوة متدخليش ومهما اعمل مش بيستجيب بقالنا سنة بقول واهديه على أهله وأنصحه باللين ع بحبه وعايزة اصلح العلاقات وهو زي ماهو
مبقيتش حاسة بالأمان بقول كفاية لحد هنا لكن بتصعب عليا بنتي إنها تتربى بعيد وفي نفس الوقت خايفة اخلف تاني ووقتها بالعكس هيبقى وحش اكتر بحجة إني معايا عيلين وهتحمل
هو بيصلي ومش بيشرب اي حاجة يعني الظاهر مفهوش حاجة وحشة بس قاسي حاسة بجوع عاطفي معاه أنا شخصية بحب الحب وبحب أعبر عن حبي واتغيرت كتير علشانه في المقابل هو معندوش اي نوع من الحب بحسه تجاهي اللي هو مش كارهني بس مش بيعرف يحب ولا يحتوي ولا يطبطب
ماشي مش مقصر بيته حاجة وفي نفس الوقت حريص في الصرف بقيت أحس إني مش مرتاحة في حياتي ومش عارفه آخد قرار وانفصل وكفاية لحد كدا معايا بنت وأعرف أربيها ولا استنى يمكن يتحسن مع إنه مش بيتغير ابدا ابدا ابدا
اكتر حاجة مخوفاني إنه ملوش خير في أهله النقطة دي مخوفاني بصراحة
يشهد ربنا مش عايزة اخرب بيتي وأفرق بنتي عن ابوها واهلها بس حقيقي مش عارفه اعمل اي
بحاول اعمل كل حاجة ع بحب بيتي وبنتي ومش هقول زوجي عقلاني بصراحة لا وعمل حاجات كتير والله مؤذية بس بيصعب علي وبحس إنه متخبط وهيضيع حقيقي لو سيبته
ومن ناحية تاني منكرش إني خايفة منه ومن إنه زي ما فرط في أهله يفرط في وخاصة إنه اكتر من مرة وكل مرة ارجعله ويندمني
سؤالي بقى هل اللي بيعمله ده يستدعي طلاق ولا طول ما عندي صبر اصبر
وعليكم السلام ورحمة الله وبركاته. أولاً، أقدر تماماً الشجاعة اللي بتظهريها وأنتِ بتشاركي كل التفاصيل دي، وأنا حاسة بمدى التعب والحيرة اللي بتعيشيها. زواجك مليان تناقضات: زوجك بيصلي ومش بيشرب ومش مقصر مادياً، لكنه في نفس الوقت عنيد، قاسي عاطفياً، بيقطع رحمه، وبيخليكِ تشعري بالخوف والجوع العاطفي. ده مش موقف سهل، خاصة مع وجود بنتك اللي بتخافي عليها. من منظور إسلامي، الصبر في الزواج فضيلة، والله يحب أن يُصلح بين الزوجين، لكن الصبر مش معناه تحمل الضرر المستمر أو قطع صلة الرحم اللي هو إثم كبير. زوجك بيدمر علاقاته بأهله وده بيخوفك إنه يعمل نفس الشيء معاكِ، وده شعور منطقي بعد اللي حصل في البداية. في نفس الوقت، الإسلام بيحث على عدم هدم البيت إلا لأسباب قوية، وأنتِ واضح إنكِ بتحبي بيتكِ وبنتكِ وبتحاولي تصلحي الأمور باللين والنصيحة. القرار مش سهل، وما ينفعش أقولكِ "اطلقي" أو "اصبري" بشكل مباشر، لأنكِ أنتِ اللي عايشة التفاصيل. لكن خليني أساعدكِ تفكري عملياً: جربي مرة أخيرة طريقة مختلفة، زي إنكِ تطلبي وسيط من أهلك أو أهله (لو فيه حد محايد) يتكلم معاه عن قطع الرحم وتأثيره على البنت، أو تفكري في استشارة متخصص في الإرشاد الأسري عشان يساعدكم تتواصلوا بشكل أفضل. كمان، ركزي على بنتك دلوقتي: ازرعي فيها قيم الحب والأمان من خلالكِ، وخلي قراركِ يراعي سلامتها النفسية أولاً. لو استمر الوضع زي ما هو بدون أي تغيير، وأنتِ بتفقدي الأمان والراحة، يبقى من حقكِ تفكري في خيارات تحميكِ وتحمي بنتكِ، سواء بالانفصال أو بترتيبات تانية. صلي استخارة واستشيري ربنا، ولو عايزة تتكلمي أكتر عن خطوات عملية أو كيف توازني بين مشاعركِ وبين مصلحة بنتكِ، أنا هنا. جربي تبحثي عن أسئلة مشابهة على فدني عشان تشوفي تجارب تانية. أنتِ قوية، ومهما كان القرار هتكوني قادرة تتجاوزيه.
تم النشر الخميس، ١٧ سبتمبر ٢٠٢٦
الكلام دا من وجهة نظري الشخصيه يعني مش لازم تاخدي ب كلامي بس نصيحه مني اللي في طبع مبيغيروش يمكن ربنا يهديه ويلين شوية بس انه مش بيبين حبه ومشاعره دي حاجة هتفضل موجودة مش هتتغير واللي ملوش خير في اهله ملوش خير في حد. انا مش بقول كدا عشان تخربي بيتك بس اديله فرصه كمان عشان تبقي عملتي اللي عليكي و زياده واتكلمي معاه تاني وتالت لو مفيش تغيير يبقي انفصلي احسن ليكي و لبنتك بدل ما تتربي في بيت في علاقه متوتره او اب مش بيبين مشاعره وحبه ل بنته هو اكيد بيحبها طبعاً بس مش بيظهر دا ولا ليكي ولا لبنتك ولا حتي ل اهله وربنا يصلح حاله يعني و يهديه
تم النشر السبت، ١٩ سبتمبر ٢٠٢٦
لعرض السؤال في فدني اضغط هنا