السلام عليكم
يا جماعة أنا آسفة إني بسأل تاني في نفس الموضوع تقريبًا (أنا اللي كنت سألت قبل كده عن وسواس النظافة).
المهم، كنت بقول إني بشوف نمل كتير، بس دلوقتي الموضوع زاد بشكل واضح جدًا، وبقيت في أي مكان أروح له بلاقي نمل، والغريب إني أنا اللي بشوفه حواليا دايمًا.
مثلًا السرير اللي بنام عليه أنا وأختي، لو نمت على ناحية ألاقي نمل، ولو غيرت مكاني برضو ألاقيه. مع إن ده مش بسبب قلة نظافة، بالعكس أنا بحاول طول الوقت أخلي المكان نضيف، وبغطي الأكل كويس جدًا ومبسيبش أي بقايا أو أثر للأكل قريب مني، وبركّز دايمًا إن المكان يكون نضيف… ومع ذلك النمل موجود.
قبل ما أنام بتأكد إن هدومي مفيهاش نمل، وبنفض السرير والمخدة كويس جدًا، وأتأكد كمان إن مفيش حاجة جواها، لكن أول ما أنام ألاقي النمل ماشي حواليا.
النهارده مثلًا صحيت لقيته في المكان اللي كنت نايمة فيه تحديدًا، وباقي السرير عادي، وحتى على مخدتي كان فيه أكتر من سبع نملات.
اللي مضايقني أكتر إن الموضوع مش جديد، ده كان بيحصل حتى في الشتا، وكنت فاكرة إنه هيخف، لكن دلوقتي في الصيف الموضوع بقى أسوأ بكتير، وبقى فعلًا مقرف ومخليني مش طايقة نفسي.
المشكلة الأكبر إني بقرف جدًا من النمل، ومش بقدر أتجاهله. حتى لو حاولت، دماغي يفضل يفكر إنه ممكن يكون في الأكل… وده حصل فعلًا. كنت باكل، وأول لقمة لقيت فيها نمل، فسيبت الأكل رغم إني كنت جعانة، مع إن غيري كمل عادي.
من ساعتها وأنا مش بعرف آكل كويس، يا إما باكل حاجة بسيطة جدًا، يا إما مش باكل خالص. بقيت حتى مش قادرة أعمل لنفسي أكل من كتر القرف، وده مأثر عليّ جدًا، بقيت من الجوع مش عارفة أذاكر ولا أعمل أي حاجة.
أنا بجد تعبت، وبقيت بقرف من الأكل كله رغم إن الموضوع مش بسبب قلة نظافة.
وكمان بقيت بشوف النمل في أماكن تانية زي الحمام، وده مخليني مستغربة أكتر، لأني حاسة إني أكتر واحدة بتشوفه وبتتأثر بيه.
لو حد عنده حل أو مر بحاجة زي كده يقولّي أعمل إيه،
لأني فعلًا تعبت من الموضوع ده 😔
اسفه ع الاطاله و شكرا ليكم مقدما
عليكم السلام ورحمة الله وبركاته يا اختي الفاضله خوفك الشديد جعل عقلك ينشغل بفكرة وجود النمل ويبدأ عقلك في رصد أي حركة صغيرة أو نقطة سوداء وتفسيرها فوراً على أنها نملة وعلى العكس في المنزل باقي أفراد الاسره عقلهم مشغول وبعيد عن فكرة وجود النمل والحل اولا نظفي المكان بخل ابيض لان ريحة الخل بتقطع الريحه اللي في المكان وبيتجمع عليها النمل ولو في اي شقوق في الحوائط حاولي تغلقيها وثانيا شغلي قرآن في المكان سورة البقره او الرقية الشرعيه والمداومه على اذكار الصباح والمساء لأنها نها تبعث السكينه والهدوء وتطرد الشعور بالقلق
تم النشر الأحد، ١٩ أبريل ٢٠٢٦
وعليكم السلام ورحمة الله وبركاته يا حبيبتي 💕 أولاً، أشعر بتعبك تمامًا، وده مش سهل خالص خاصة مع الوسواس اللي ذكرتيه قبل كده. النمل ده ممكن يكون مزيج بين مشكلة بيئية حقيقية (الصيف بيزودهم) وبين تركيز دماغك عليهم أكتر من غيرك، زي "الوسواس الاختياري" اللي بيخلي الإنسان يلاحظ حاجة صغيرة ويحسها كبيرة. بس خلينا نحلها عمليًا خطوة بخطوة، عشان ترجعي تأكلين وترتاحي: للنمل نفسه (حلول منزلية سريعة وآمنة): تنظيف جذري للمنزل كله : مش بس مكانك، امسحي الأرضيات والجدران بماء وخل أبيض (نص كوباية خل في كيلو ماء)، ورشي بيكنج صودا في الشقوق والزوايا قبل النوم. ده بيقتلهم ويمنعهم من الرجوع. سد المداخل : دوري على الشقوق في الجدران أو تحت الأبواب، وسديها بشريط لاصق أو معجون. في الحمام، رشي مبيد نمل سائل (زي "ريد" أو أي نوع آمن) حول الصرف والأنابيب. السرير تحديدًا : غير الغطاء يوميًا، ونضفي تحته جيدًا. لو ممكن، حطي مسحوق تلك (رخيص وفعال) حول السرير، بس بعيد عن الجسم. الأكل : اغسلي كل حاجة قبل الأكل بالماء الساخن + ملح، وأكلي في طبق مغطى على طاولة نظيفة بعيد عن الأرض. ابدئي بوجبات بسيطة زي فاكهة مقطعة أو زبادي، عشان ترجعي شهيتك تدريجيًا. للجانب النفسي والجوع (عشان تركزي وتذاكري): تحدي الدماغ : كل مرة تشوفي نمل، قولي لنفسك "ده عادي في الصيف، وأنا بنضف وهيختفي". اكتبي 3 أيام يوميات: "شوفت كام نمل النهارده؟" هتلاقي إنه مش "حواليكِ بس"، ده وهم الوسواس. روتين أكل قوي : حددي 3 وجبات صغيرة يوميًا (فطور: بيض مسلوق، غدا: أرز مع خضار، عشا: لبن)، حتى لو قرف، أكلي شوية شوية عشان الجوع ميأثرش على دراستك. الله يقول "وَكُلُوا وَاشْرَبُوا وَلَا تُسْرِفُوا"، فالأكل واجب. دعاء وتوكل : قبل النوم، اقرئي آية الكرسي 3 مرات واستعيذي بالله من الوساوس، وادعي "اللهم أذهب عني هذا الضيق". جربي دول 3 أيام وشوفي الفرق، هيقل بشكل ملحوظ إن شاء الله. أنتِ قوية وقادرة، هتتغلبي عليه يا رب! قوليلي إيه اللي حصل بعدين 😊
تم النشر الجمعة، ١٧ أبريل ٢٠٢٦
بس هوا بييجي عندي انا بس...لييي 🙁
تم النشر السبت، ١٨ أبريل ٢٠٢٦
يارب يا حبيبتي وإياكم أجمعين 🤲💗
تم النشر السبت، ١٨ أبريل ٢٠٢٦
خلاص تمام 👌... حاضر هعمل كدا.. شكرا جدا ليكي.. ربنا يباركلك و يسهلك امتحاناتك و مذاكرتك 🙂💗
تم النشر السبت، ١٨ أبريل ٢٠٢٦
حبيبتي مفيش تعب ولا حاجة والله... أن فهمتك أكتر دلوقتى يعني النمل بيظهر من غير ما يكون واضح هو جاي منين ... هقولك برضو اعملي الحل اللي أنا قولتلك عليه من ناحية التحصين تمام .. وناخد بالأسباب وننضف البيت بالكامل يعني لو تعرفي تاخدي كل عزال البيت تنشريه في الشمس ده لو في الإمكان مش في إمكانك ... تغسلي الأرضيات تمسحي المكاتب والكوميدينو والرخامة والشبابيك بس كل حجة بيوصلها النمل ... بالمية والملح والخل .... ممكن برضو زي ما عمك تشات جي بي تي قال... تجيبي شوية سكر وشوية بودرة نمل بعدين تسيبيهم في كل مكان بيكونوا فيه .... بعدين هقولك على حاجه كمان أول ما تشوفي النملة تغمضي عينيكي بعدين تعدي من 10 لواحد عد تنازلي وما تفكريش في النمل خالص
تم النشر السبت، ١٨ أبريل ٢٠٢٦
شكرا ليكِ.. بس هوا مش شايفاله انو ليه علاقة بالنظافه لاني مش بشوفه كله مره واحده او طالع من مكان واحد و بنضف دايما ولكن بلاقيه برضو يعني ابقي قاعده ف امان الله الاقي نمله و لا اتنين و كدا معديين عليا و واحده قدامي ع الكتاب و هكذا ف الموضوع بيزهق فعلا و كمان الواحد دماغه بقت موسوسه بسبب كدا ف كل شويه دماغي مركزه حواليا في حاجه معديه ولا لا و كمان لما يكون في وسواس نظافه ف الاتنين مع بعض متعبين جدا فهماني....و شكرا ليكي جدا تعبت حضرتك بارك الله فيكِ
تم النشر السبت، ١٨ أبريل ٢٠٢٦
الحل ده من chat gpt مش عارفه بس هو معقول شوية.................. 1) تحديد مصدر الدخول راقب خط سير النمل (يمشي في صف واضح). غالبًا يدخل من: شقوق في الحوائط أو الأرض حول الأبواب والشبابيك فتحات المواسير الحل المختصر: سدّ الشقوق بالسيليكون أو أي مادة عزل. 2) إزالة “الأثر” الذي يتبعه النمل النمل يترك رائحة (مسار كيميائي) لباقي النمل. امسح الأرضيات بمحلول: ماء + خل أو ماء + ليمون كرر يوميًا في الأماكن التي يظهر فيها 3) استخدام طارد طبيعي آمن رش خل أبيض أو عصير ليمون عند المداخل وضع: قرفة قرنفل نعناع في أماكن مرور النمل النمل يكره الروائح القوية → يختفي تدريجيًا 4) معالجة العش (الأهم) لو المشكلة مستمرة، غالبًا هناك عش قريب. ضع خليط بسيط: سكر + كمية صغيرة من مادة مبيدة للنمل (إن وُجدت بشكل آمن في المنزل) الهدف: النمل يأخذها للعش → يقضي على المصدر (يُستخدم بحذر وبعيدًا عن الأطفال) 5) تقليل الرطوبة النمل ينجذب للماء أيضًا: جفف الأحواض دائمًا أصلح أي تسريب مياه الخلاصة السريعة: سد الشقوق مسح بالخل لإزالة المسار روائح طاردة (قرفة/ليمون) استهداف العش إن وُجد تقليل الرطوبة. دي حلول chat gpt. بالنسبة بقي لكلامي فأنا هقولك شغلي رقية شرعية في البيت واغسلي كل ما يمكن أن يغسل بالماء والملح عشان النمل دليل على الحسد هو مفيش جزم بكدة ولكن لأنه حصل معايا شخصياً ( ست معروف عنها بتحسد واحنا مكنتش نعرف جات عندنا زيارة وبعدين جات سيرة موضوع معين وكانت يتجسد. واضح خالص فأنا قعدت أقرأ المعوذتين في سري بعدين دخلت أجيب حاجة يشربوها لقيت الرخامة كلها نمل كلها سودة كدة ....يعني أنا كنت مصدومة ...ماما جات حاطتت ماية ببريل عليه ومات ....) فإنتي حصني نفسك كويس وأقرأي دايماً المعوذات وحصني نفسك كويس جداً بالرقية الشرعية وأفضل حاجة للتحصين قراءة سورة البقرة يومياً دي تحصين وبركة في كل شيء ورزق ... بصي خير لا يعد ولا يحصى بسبب سورة البقرة ...وبس ربنا يحميك ويحفظك من كل سوء ويبعد عنك الحاسدين والحاقدين و يكفيكِ شرهم ويجعل كيدهم في نحورهم يارب العالمين 🤲💗
تم النشر السبت، ١٨ أبريل ٢٠٢٦
لا فرحت فيهم 😂.. حاضر تمام شكرا جدا ليك.. بارك الله فيك
تم النشر السبت، ١٨ أبريل ٢٠٢٦
أكيد مفيش بينك وبينهم طار مثلا أو لما مملكة الصراصير خطفت أكلهم والصرصار الشرير دا لما حاول يستعبد النمل انتى مفرحتيش فيهم يعنى ...... ما علينا 😅 المهم طب ما تجربى الأول تجيبى حاجة تقتلهم وبعدين تنضفى كويس جدا وبعدين تجيبى حد معاكى من البيت مثلا يشوف هل فيه نمل فى أوضتك مثلا لو لا يبقى كدا تمام هيفضل بس تركيزك الزيادة عليهم ودا هنتغلب علية ب إنك تجبرى نفسك انك تغمضى عينك غصب عنك أو زى ما قولتلك فوق أو فى المره اللى فاتت فاهمانى
تم النشر السبت، ١٨ أبريل ٢٠٢٦
طب ممكن يكون دا مش وسواس منك والمكان فعلا فيه نمل كتير ومحتاج حاجة تموتة الأول فاهمانى
تم النشر السبت، ١٨ أبريل ٢٠٢٦
اه فاهماك بس انا دايما بحسه بيعدي عليا و قرصه صعب بصراحه و مش هبقي قادره اتغاضي عن كدا و انا بعمل احتياطاتي بس لما اصحي بلاقيه مش فكرة لما ابقا جايه انام بس ... الموضوع بقا مقرف فكرة انو كل شويه الواحد يحس حاجه معديه عليه او حاجه ماشيه قدامه و يتلفت عليها فجاة كدا كانه اتجنن ☹️
تم النشر الجمعة، ١٧ أبريل ٢٠٢٦
طيب حاولى لما تيجى تنامى تغمضى عينك غصب عنك ومتفتحيهاش خالص ... وحاولى تشتتى انتباهك عن التركيز مثلا على الحاجات ديه أو تشغلى نفسك ب حاجة تانية حتى دا لو هيبقى صعب استحملى واعملى كدا ومع الوقت هتتعودى فاهمانى
تم النشر الجمعة، ١٧ أبريل ٢٠٢٦
لعرض السؤال في فدني اضغط هنا