وعليكم السلام ورحمه الله وبركاته..بصي يا بنت الناس الإدمان السلوكي أصله حيلة من النفس عشان تهرب من وجع أو ضغط أو قلق أنتي مش عارفة تواجهيه فالنفس لما بتتزنق بتدور على أي مسكن سريع يديكي لذة لحظية تنسيكي الهم والحل مش إنك تقعدي تعيطي وتجلدي في ذاتك وتقولي أنا برجع وببطل وبرجع تاني لأن جلد الذات دا بيزود المأساة والتوتر جواكي فتقومي هربانة تاني لنفس السلوك الإدماني وتفضلي تلفي في ساقية مش بتخلص ..فلازم تقعدي مع نفسك بصدق وتعرفي إيه هو المحرك الأساسي اللي بيخليكي تجري على الحاجه دي هل هو هروب من ضغط المذاكرة والا خوف من المستقبل والا فراغ عاطفي ولازم تقفلي الأبواب وتصعبي على نفسك الوصول للمثيرات دي يعني شيلها من قدامك وعقديها ..وكمان لازم التخلية والتحلية النفس متتسابش فاضية وتقولي هبطل وبس لأن الفراغ هيرجعك لازم تشغلي وقتك وجوارحك ببديل حقيقي وجاد يملا حياتك ويكون ليه قيمة واصبري على الملل وجفاف المشاعر في أول السكة واعرفي إن طالما فيكي عِرق بيقاوم ويزعل فدا دليل على إن فطرتك لسه سليمة فاستعيني بالله ومتسلميش نفسك لهواها وربنا يقويكي ويبصرك بنفسك..🌷
وفي مبادره أحد الدكاتره لسه عاملها كان ناشر الجروب بتاعها وانا دخلت فيه ... بس لسه جديده ومش عارف متاح فيها دكتور ولا لا ..
تم النشر الثلاثاء، ١٦ يونيو ٢٠٢٦
مش عارف والله ..بس غالبا للاسف مفيش .. بس في منصات بتقدم حاجات شبه كدا .... بس مجربتش حاجه
تم النشر الثلاثاء، ١٦ يونيو ٢٠٢٦
الشكر لله
تم النشر الثلاثاء، ١٦ يونيو ٢٠٢٦
ربنا يعفو عنك وترجعي احسن من الاول .. ..يبقى الافضل تتابعي مع دكتور شاطر ... لو في حاجه اقدر أفيدك فيها مش هتاخر باذن الله ..
تم النشر الثلاثاء، ١٦ يونيو ٢٠٢٦
لا للاسف لكن ممكن تشوفي صفحة الخبراء هنا هتلاقي ... لو حابه تتابعي حد على يوتيوب ممكن ارشحلك ...بس ولو توضحي المشكله ممكن ارشحلك فيديو ..ربنا يعافيكي
تم النشر الثلاثاء، ١٦ يونيو ٢٠٢٦
الشكر لله..ربنا يعافيكي ويصرف عنك كل سوء.🌷
تم النشر الثلاثاء، ١٦ يونيو ٢٠٢٦
بصي يا بنت الناس باختصار لو الموضوع معطل حياتك ودراستك ومش قادرة توقفيه لوحدك وبيعطلك عن يومك الطبيعي يبقى محتاجة مختص نفسي يساعدك ودا مش عيب خالص بالعكس دا وعي وشجاعة أما لو لسه قادرة تقاومي وتغيري عاداتك وتشغلي وقتك ببديل حقيقي فجربي مع نفسك الأول واستعيني بالله ولو لقيتي نفسك بتلفي في دائرة مفرغة ومفيش فايدة ساعتها المختص هيكون هو الحل الأفضل عشان يفكك معاكي أصل القلق والسلوك دا وعشان تطمني الإدمان السلوكي ليه علاج والتعافي منه ممكن جداً بالصبر والأخذ بالأسباب.. وجد والله ربنا يحفظك ويسعدك..
تم النشر الثلاثاء، ١٦ يونيو ٢٠٢٦
لعرض الإجابة في فدني اضغط هنا