السلام عليكم
ممكن تفدوني انا خاطب من ٥ شهور وربنا رزقني ببنت كويسه ومحترمه خطوبه صالونات بس في حاجات كده وصلت ليه معها في التلفون خايف من ربنا وبعدين خايف اعودها عليه بس هي مش بتطلب الحاجه دي الصراحة بتيجي من ناحيتي وهي مش بتوافق غير بعد محايلة
انا بقا مش حابب الموضوع وحسيت ومش عارف متكلمش في الموضوع وخايف اغضب ربنا في حاجه وعاوز اتقي الله فيها
أنا عارف اني غلطان وانا السبب فيدوني معلش وكل ما أقول انا مش هتكلم معها في الموضوع ده ألاقي نفسي اتكلمت اعمل اي
الصراحه انا مكنتش عاوز اتكلم في الموضوع ده بس انا خايف من ربنا ساعدوني
السلام عليكم ورحمه الله وبركاته جميل جدا ان انت يعني بتحاول انك تخلي الامور فيما يرضي الله وده شيء جميل جدا فخلينا نقول ازاي نساعد نفسنا في الحدود بتاعت الخيط هو مفترض ان احنا اصلا حتى لو بنتكلم في التليفون يعني يكون في حد موجود قاعد معاه يعني دي بتبقى نوع من انواع الخلوه فلو احنا هنتكلم بالصح فاحنا علشان نساعد نفسنا نتخلص من الخطا ده فاحنا محتاجين نعمل ده ونرجع للحدود الطبيعيه الصح انه حتى لو انا بتكلم معاها بلاش في اوضه لوحدي. واحنا موجودين في اي مكان لوحدنا لانه النفوس ضعيف ولو احنا مش قادرين ان احنا نسيطر على نفسنا فبلاش نهيئ لها الظروف علشان ما تاخدش السيطره الكامله اعتقد ان ده هيكون افضل حل بالنسبه لك ان شاء الله.
تم النشر الأربعاء، ١٣ أغسطس ٢٠٢٥
الاعتراف بالحق فضيله ومدام انت عرفت ان انت غلطان فدي حاجه كويسه كلمها هى و قولها انا مش عايز اعمل كدا تانى علشان ربنا يبارك لي فيك وفي عيشتنا و قولها وقت ما تلاقيني اتكلمت في الموضوع ده او اتكلمت في اي حاجه من كده اقفلي التليفون على طول ده وفهمها ان مش معنى كده ان اي خلافات ما بينكم ان هي تقفل التليفون وهي بتكلمك يا هتقفل التليفون في الموضوع ده بس علشان لو عملت كده في اي خلافات ما بينكم هيبقى زعل ده الحل الوحيد الى يفصلك
تم النشر الثلاثاء، ١٢ أغسطس ٢٠٢٥
وانت لو حاسس انك هتبتدي تتكلم اطلب منها تقعد جنب حد من أهلها والأحسن ماتتكلمش وانت نائم علي السرير أو وانت قاعد لوحدك لازم يكون فيه حد معاك مش شرط عشان يسمع لكن يكون قاعد بعيد عنك شويه ولو كمان حسيت انك عايز تتكلم معاها حتى لو الشخص قاعد بعيد عنك شويه في الحاجات اللي ممكن تغضب ربنا الأحسن لما تيجي تتكلم معاها اطلب منها إنكوا تتقابلوا في مكان عام أو تيجي زياره ليها وأهلها موجودين
تم النشر الثلاثاء، ١٢ أغسطس ٢٠٢٥
أكبر حاجه خطأ اتعملت في الخطوبه هي التليفون هقولك اتقي الله وبلاش تضيع طعم الحلال و مش دي الطريقة اللي تشكر بيها ربنا أن هو كرمك
تم النشر الخميس، ١٤ أغسطس ٢٠٢٥
لعرض السؤال في فدني اضغط هنا