السلام عليكم، سواء الشخص ده فعلا عنده نفس القدرة اللي بتقولي عليها أو بيخدعك ومش عنده أي قدرات ولا بيحس باللي بتقولي عليه ففي كل الأحوال علاقتك به غلط ومينفعش تستمر لو فعلا مش عاوزة تغضبي ربنا. حتى لو قال إنه عاوز يتجوزك، ابعدي عنه دلوقتي وهو يبقى يثبت حسن نواياه ويتقدم لك لما يكون جاهز. غير كده يبقى بيتسلى ومش ناوي ياخد خطوة جادة. الأفكار اللي بتقولي عليها قذرة مش هي بس اللي هتغضب ربنا لو وقعتِ فيها، مجرد ارتباطك بشخص في علاقة غير شرعية ده بيغضب ربنا. بالإضافة إلى إنك أصلا في ثانوية ومش وقت العلاقات دي خالص ولا حتى وقت إنك تتزوجي. ركزي في دراستك وكل الأفكار والوساوس دي هتروح إن شاء الله. الأفكار المستمرة والمخاوف اللي بتطاردك طول الوقت دي وساوس فتجاهليها. الخطوة الأهم عشان تحلي مشكلتك، اقطعي علاقتك به ومتهتميش ولا تفكري إنه قلبك هيتألم عشان هو زيك ولا إنك هتتألمي عشانه... انسي خالص الكلام ده. إحساسك بالألم في الغالب هيكون عشان ضميرك بيأنبك وخايفة تكوني زعلتِه لما تقطعي علاقتك به وكمان هيكون من الشيطان عشان يخليكِ تغضبي ربنا وتستمري في علاقتك مع الشاب ده. *** متخليش الشيطان ينتصر عليكِ. توكلي على الله وتوبي الأول وقرري عدم الرجوع مهما حسيتِ بالذنب أو تألمتِ. وبعدها ركزي على مذاكرتك واشغلي وقتك والأفكار دي هتختفي تدريجيا. ربنا معك ويوفقك.
فيه تفاصيل كتيرة مش فاهماها في مشكلتك... يعني دلوقتي فيه شخص أنت تعرفيه وقال هيتجوزك... فيه إشاعات وكلام طلع على سمعتك عشان إيه مفهمتش وحوار المدرس وباباك عرف إيه؟ اللي أقدر أقوله لك إن حتى لو فيه كلام من الناس واتهموك في سمعتك وأنتِ بريئة متهتميش بحاجة وركزي على مذاكرتك وحياتك... الناس بتنسى في الآخر وهيبطلوا يتكلموا بعد فترة فانسي أي أفكار أو وساوس من الشيطان. أنصحك تسمعي الرقية الشرعية كل يوم وتقرأي سورة البقرة وأذكار الصباح والمساء... امشي شهر كده على الأقل وشوفي الأحوال بتتحسن ولا إيه النظام.
تم النشر الثلاثاء، ٣٠ ديسمبر ٢٠٢٥
بابا عرف ولا عمل اي حاجه بدل مايقف جمب بته لاضدها قلت حسافر لى امى وابدا صفحه جديد بابا رفض وامى رفضتنى والراجل دا واقف على اخر امل عندى ولو حصل نصيب ان اتجوز بردوا حيطلقنى علشان سمعتى الزفت بس بعد ما خلاص حصل وجبت عيل فى الحظه دى مش عارفه اعمل ايه بس دا كان حلم بتاع العيل وانا لحالى ومفيش حد معايا
تم النشر الثلاثاء، ٣٠ ديسمبر ٢٠٢٥
حقيقه كل الكلام ال قلته بظبط وهو بيحس انا مش عارفه اركز ابدا الافكار قذره ومش عارفه اعمل ايه معلش على ال بقولوا بس بتكلم حقيقه الموضوع بتاع الافكار جاى باكثريه لما قلت لى اختى على الموضوع دا قعدت تبرر وانا مقتنعتش بس هو بيرقبنى وانا فى بيتى وسمع كل حاجه متوقليش ليه موقلت لحد كبير كل ال معايا فى البيت كلوا عارف ومحدش عمل حاجه ليه علشان هو مدخلش بيتنا ولا على سطحه لكن على سطح فرن العيش ال جمبينا علشان كده كلوا ساكت احنا فى البيت اربع افراد عم واب وانا واختى بس يعنى ياجماعه انا لما كن بيحصل معايا كده ومكتش بفكر فى الحجات القزره دى ضاع وقتى بسبب الحجات تعبت نفسيا ودرسيا وخلاص داخله على شهر1 ومش عارفه اعمل ايه بجد تعبت ونفسى ادخل كليه نضيفه بس هما حيدمرونا وبيدمرو فيا وانا بدمر نفسى والناس ببتتكلم عنى وحش والناس بدمرنى بكلامها ومفيش حد بيكلمنى ولابيصحبنى فى المدرسه بنات مفيش انا ضعت وكلام اتقال عليا ظلم ضيعت سنتين بسبب استاذ يعنى محصلش حاجه دا حتى سؤال واحد موقفتش بس مع الاستاذ عليه وبسبب الموضوع ضاعت سمعتى بسبب انى ظنيت انا الاستاذ عارف ان تعبانه فى الماده دى بس محصلش ليه علشان مكتش بطمن من الاستاذ دا والكلام دار فى المدرسه فريق عارف انى مؤدبه وفريق التانى لاء وانا دلوقتى فى حاله وحشه وانا دلوقتى بسبب ال بيحصل معايا فى السنه حضيع ومش حثبت ان دا كلوا محصلش المشكله مش فى دى المشكله ان معرفش هما بيقولوا عليا ايه اصلا تخيلوا حتى اصحابى بيستغلونى علشان يستفادوا منى وفى منهم سابنى علشان سمعه مع انهم كانوا معيا وعرفين انى كويسه سابونى
تم النشر الثلاثاء، ٣٠ ديسمبر ٢٠٢٥
لعرض الإجابة في فدني اضغط هنا