انا عندي 17سنه من 3سنين بالظبط كان دايما في معامله من الاهل غريبه زعيق وعصبيه وشتايم واكتررررر من كده ساعتها كنت عادي وبتعمل معاهم عادي مكنتش فاهمه هما بيعملو كده لي وانا عملت اي عشان يعملوني كده ساعاتها كنت مش بضايق ولا باخد اي موقف عندي من صغري وانا عندي رهاب اجتماعيه وفوبيا من وخوف من الزعيق والعصبيه والضرب وكل دا كان بيتعبني لحد مكبرت سنه وراه سنه فهمت لما نضجت وفهمت الحياه ماشيه ازاي بقيت افهم انهم متغيروش انا البنت المتوسطه احنا خمس بنات انا الوحيده اللي مطيعه وبسمع الكلام بهدوء وبعمل كل حاجه من غير كلام كنت دايما بقعد لوحدي في اوضتي مبحبش اكل معاهم ولا اقعد مش حكايه حاجه حكايه اني انطوائيه اوي ودا دايما ماثر عليه ودايما لوحدي وبعمل كل حاجه لوحدي المهم ان مع الوقت بلاحظ اني دايما اتهزق وماما تتعصب عليه وتقارني بالناس وضرب ساعات لو رديت وقولت الصراحه عمرها م سمعتني وعمري محكتلها اي تفصيله في حياتي لحد الان عمرها مقالتلي مالك فيكي اي عمرها م حضنتيني زي صحابي مفيش اهتمام ولا تشجيع مفيش اي مشاعر بتدهالي لدرجه اني كنت بشوف وبدور علي اي حد يديني حب واهتمام بابا نفس الشئ بس مش اكتر من ماما علي القلل بيقولي عملتي اي في دروسك ركزي خليكي شاطره مش بيديني كل المشاعر بس علي الاقلل بلاقي اي حاجه منو مع الوقت كنت بدخل في حاله اكتائب لفترات طويله ومش بيسبوني حتي في حالي وانا تعبانه ومش قادره لازم يتخانقوا معايا ويخلطوني لما بتعب مش بقول لحد عشان عارفه انهم مش هيهتمو هيقولو اشربي حاجه وهتبقي كويسه كان عندي ضعف شخصيه وقل ثقه في نفسي كنت ضعيفه وبتاثر باي كلمه بيقولوهالي اجازه تانيه ثانوي كررت اني مش هفكر غير في نفسي قربت من ربنا اكترر بقيت منتظمه لصلاه الفجر بقيت اقراء قران الازكار كل يوم منعت الاغاني قربت من كل حاجه مع الوقت قبل بدايه تالته ثانوي قولت اوعي تتاثري انتي في سنه مهمه لو اتخنقتي مش هتزاكري بقيت البس لبس فضفاض اهتميت بديني وعرفت وسمعت عن ديني منعت الحجات اللي كنت بعملها غلط وبقيت متدينه والحمدلله بقيت بلاحظ اني بقيت مرتاحه مبقتش اركز معاهم كل اللي بعمله اني ببرهم عشان متحاسبش مش اكتر وبقول ربنا هيعوضني مبقتش اخد كل حاجه علي دماغي بقيت برمي تطورت من نفسي بقيت واثقه من نفسي اوي كل يوم بصحي اني اخطط وانفز واهتم بحياتي واعمل اللي يرضيني ويرضي ربنا
ما شاء الله تبارك الله، استمري وخلي كل عمل تعمليه لله حد لو حد ضايقك بالكلام خليكي مع ربنا واشكيله وبالله عليكي خليكي معاه دايما وانسي الناس أنا تقريبا كنت بمر بنفس المشكلة مع صحابي في سنوات الكلية وثقتي في نفسي كانت ضعيفة بس كنت بسبهم وأقول لله وخليت كل حاجة أعملها لله والحمد لله والله ربنا ما خذلني وكان بيستجبلي دعائي على طول والحمد لله رتبت على دفعتي سنتين بالتوفيق يارب🤲
تم النشر الاثنين، ٢٣ أكتوبر ٢٠٢٣
ما شاء الله عليكي، كملي ف اللي انتي بداتي فيه. اولا كويس انك استوعبتي انهم مش هيتغيروا، لان ده طبعهم وشخصيتهم. اتمنى انك تكوني فهمتي ع الاقل اللي بيعملوه ده بيتعمل ليه.. لما نحاول نفهم ونفسر شخصية الاهل .. ده بيكون راجع لكذا شئ. اول حاجه وديه الاساس. بيكونوا الاهل اتربوا بنفس الطريقة اللي انتي فيها حاليا .. يعني مقارنة، عنف، كل اللي انتي ذكرتيه .. وده بيكون راجع ف الاصل ل اساس نشأتهم .. هما كانوا بيتعاملوا كده برضه من اهلم، وللاسف مقتنعين ان ده الصح. يعني الام مقتنعة انها لما تبدا تقارنك ب ناس تانيه، سواء صحاب او اهل هي كده بتعمل فيكي خير! من وجهة نظرها انها كده بتعزز فيكي الغيرة علشان تغيري مثلا وتبقى احسن منهم. وده من وجهة نظرها ووجهة نظر ناس كتير واهالي كتير في الحقيقة. الجزء التاني .. انهم بيبقوا مقتنعين برضه ان المعامله ديه هي التربية الصح، خصوصا للبنات. لانهم شايفين (اكسر للبنت ضلع يطلع لها 24). الجزء الثالث .. بيبقوا ضحية كل اللي اتعمل فيهم وهما صغيرين. ف يبداوا يعملوا ده مع اولادهم. في كل وجهات النظر او الاجزاء ديه، اشفقي عليهم، وادعي ليهم بالهداية. وكملي في اللي انتي ماشية عليه، برافو عليكي جدا .. يمكن ده حصل علشان يكون ده الدافع انك تغيري حاجات كتير في حياتك. 💜
تم النشر الاثنين، ٢٣ أكتوبر ٢٠٢٣
اللى انتى وصلتيله حاجة مهمه جدا وهى الصبر على الابتلاء المزمن اللى بيبقى ناقص من الاهل بيبقى عامل زى المرض المزمن تاخديله نفس العلاج لمدة طويلة طول عمرك ...انتى معاكى العلاج الصح دلوقتى بس خلينا نتاكد من الحاجة المهمة ...سامحتيهم على تقصيرهم ولا لسه ؟
تم النشر الثلاثاء، ٢٤ أكتوبر ٢٠٢٣
عشان تكوني ومتقبله فكره انك لوحدك والرحله فرديه حبي نفسك وطوريها دايما اعملي اي حاجه تبسطك وتفرحك قربي من ربنا مس هتحتاحي اي حد والله العظيم الوحده يمكن وحشه بس احسن من ناس بيتعبوكي نفسيأ
تم النشر الثلاثاء، ٢٤ أكتوبر ٢٠٢٣
الله المستعان ، الله يقويكِ ويعينك يا حبيبتي ويجعله في ميزان حسناتك يارب 💚
تم النشر الثلاثاء، ٢٤ أكتوبر ٢٠٢٣
كل لم الواحد يبقي متقرب من ربناااا عمره ما هيحس انو وحيد ولا اي حاجه
تم النشر الثلاثاء، ٢٤ أكتوبر ٢٠٢٣
ازاي قدرتي تعملي دا مع الظروف اللي أنتِ فيها دي انا زيك شويه بس في حاجات بسيطة وعايزة افكر في نفسي أكتر وميهمنيش يكون معايا حد واتقبل فكرة اني لوحدي عادي ؟
تم النشر الاثنين، ٢٣ أكتوبر ٢٠٢٣
لعرض السؤال في فدني اضغط هنا