السلام عليكم
أنا عندي وقت فراغ كتير + عندي كمبيوتر و تابلت وموبايل وواي فاي سريع ومش معايا فلوس..
حبيت اسأل لو في طريقه استغل بيها الحاجات اللي عندي دي في اني اجيب فلوس ولو حتى مبلغ مش كبير بس اكون استغلتها في حاجه مفيده.
السلام عليكم، ممكن تقرأ إجابتي على السؤال ده فيه رابط لقناة يوتيوب مختصة بالعمل الحر وطرق الكسب عبر الإنترنت، عليها محاضرات مفيدة جدا اسمعها وطبقها، وإن شاء الله تضعك على أول الطريق. https://www.fedni.net/q/52847274/كيف-أجد-عمل-ا-أونلاين هكرر هنا نصيحتي اللي قلتها في الإجابة وأركز عليها، بلاش استعجال وقلق من ناحية إنك تدخل فلوس عشان ده لاشعوريا بيأخرك في طريقك وبيخلي عليك ضغط نفسي بيأثر سلبا على إنجازك وحصولك على شغل. وبالتوفيق إن شاء الله.
تم النشر الخميس، ١٥ يناير ٢٠٢٦
اتعلم اي مهارة بتحبها و مطلوبة في السوق جرافيك ديزاين مونتاج تصميم واجهة تطبيقات اي مهارة عندك واشتغل بيها freelance علي تطبيقات زي مستقل و غيرهم ... او اتعلم لغة زي الألماني واشتغل بيها كول سنتر فلوسها حلوة اوي او انجلش عادي ... او ممكن لو عندك مادة علمية او أي محتوي علمي او كورس انت فاهمه كويس ممكن تعمله في صورة فيديوهات و تبيعه للطلبة سواء في مجالك او الكورسات المطلوبة في سوق العمل
تم النشر السبت، ١٧ يناير ٢٠٢٦
السلام عليكم.. أنت حاليا في خطر لأن الفراغ بيأتي منه الشيطان وممكن ياخذك في طريق لا رجعة منه .... فمن الطرق اللي بينخدع بيها الناس انه بيحمل أعباء كبيرة زي تحقيق مبلغ معين فلما ميوصلش بيجيله الشيطان يقول له مفيش أمل ويوجهه تعالى اديك البديل ويوجهه على المعصية والعياذ بالله . . فعليك انك تخفض سقف توقعاتك وتعمل حاجات انت تقدر عليها ... زي الخمس صلوات و مثلا الرياضة وبص للطريق مش للنتيجة
تم النشر الخميس، ١٥ يناير ٢٠٢٦
اتعلملك مهارات من الي مشهورة في السوق دلوقتي كتعلم المونتاج أو التصميم أو البرمجة وممكن تحاول تتعلم لغه
تم النشر الخميس، ١٥ يناير ٢٠٢٦
مكن تشتغل في مجال البرمجة لو اخدت كورس او الترجمة دي سهله
تم النشر الأحد، ١٨ يناير ٢٠٢٦
لعرض السؤال في فدني اضغط هنا