عايز أتعلم مهارة لتصبح مصدر دخل إلى جانب الوظيفة و لا تتطلب وقت تفراغ كبير و تكون مضمونة و مجربة ، الشرح يكون بالتفصيل خطوة بخطوة
السلام عليكم، المهارات كتيرة جدا وتحديد المهارة اللي تشتغلها ده يعتمد عليك. يعني لازم الأول تحدد أنت بتميل لإيه أو فيه قابلية لتعلم أي مجال وبعد كده نحدد الخطوات خطوة خطوة والمصادر اللي تساعدك. فحدد الأول إمكانياتك وبعد كده نبدأ نضع الخطة ونشوف المصادر. ** هات ورقة وقلم واكتب الحاجات اللي انت شايف إنك بتحبها أو تتقبل تشتغل وتنافس فيها. كتابة محتوى، تصميم جرافيك، تسويق، إدارة صفحات سوشيال ميديا وهكذا. وممكن تتبع طريقة أول 20 ساعة لتعلم أي مهارة وتشوف إذا فعلا فيه إمكانية تطور المهارة دي وتشتغل فيها بعد كده. شوف الفيديو ده هيفيدك إن شاء الله https://www.google.com/url?sa=t&source=web&rct=j&opi=89978449&url=https://www.youtube.com/watch%3Fv%3DJVk2M-nGY6w&ved=2ahUKEwiEjN_n1MeRAxU1RPEDHb6NI44QtwJ6BAgiEAI&usg=AOvVaw3kmJjUnDEMAwds_CfGs8ZJ وعامة أي مهارة أو مجال هتبدأ تطور نفسك فيه عشان تشتغله هيحتاج منك بذل وقت ومجهود حتى لو مش هيحتاج بعد كده في شغله وقت تفرغ كبير. إذا محدد ميولك ممكن تعرفني وأحاول أقترح مهارات مناسبة لك وأكتب لك مصادر تفيدك إن شاء الله. وبالتوفيق.
تم النشر الخميس، ١٨ ديسمبر ٢٠٢٥
ممكن حضرتك تتعلم كتابة محتوى ، أو جيرافيك ،واليوتيوب فيه كورسات كتير جدا ، شوف موقع إدراك برضو مجاني ومنصة معارف
تم النشر الخميس، ١٨ ديسمبر ٢٠٢٥
زي ما بيقولوا في مصر كان غيرك اشطر ، اي شغلانه سواء برمجه او مونتاج او او او ،هتاخد وقت علشان تتعملها و الموضوع بيصل ل سنة او اكثر ، ف انا مش بحبطك لك متخليش الدنيا وردي اوي في دماغك علشان تكمل
تم النشر السبت، ٢٠ ديسمبر ٢٠٢٥
تعلم برمجه ابحث على اليوتيوب هتلاقى ناس بندر دروس برمجه
تم النشر الخميس، ١٨ ديسمبر ٢٠٢٥
ممكن لو معاك لاب توب تشتغل في المونتاج للمقاطع القصيره مش بتاخد وقت و الجرافك أو تشتغل موديريتور تعلمه سهل جدا
تم النشر الخميس، ١٨ ديسمبر ٢٠٢٥
لعرض السؤال في فدني اضغط هنا